គោលនយោបាយ -ការរស់នៅ គោលនយោបាយ

12/04/2021 - 08:18

រក្សាខ្ជាប់ជួរមុខព្រំដែនសមុទ្រ

យុទ្ធជនពាក់ស័ក្ដិខៀវនៃបញ្ជាការដ្ឋានកងទ័ពការពារព្រំដែនសុកត្រាំង តែងអនុវត្តល្អភារកិច្ចការពារភាពសុខសាន្ដជូនប្រជាជន និងព្រំដែនសមុទ្ររបស់មាតុភូមិ។ ទន្ទឹមនឹង នោះ កងទ័ពការពារព្រំដែននៅទាំងជួយប្រជាជនពង្រីកសេដ្ឋកិច្ច និងសកម្មបង្ការ ប្រឆាំងជំងឺ COVID-១៩ នៅជួរមុខព្រំដែនសមុទ្រ។

កម្មាភិបាល យុទ្ធជនដំណាក់ត្រួតពិនិត្យការពារព្រំដែនត្រឹងដេ ផ្សព្វផ្សាយដល់អ្នកនេសាទ មិនត្រូវដឹកមនុស្សឆ្លងដែនខុសច្បាប់។

បញ្ជាការដ្ឋានកងទ័ពការពារព្រំដែនសុកត្រាំង តែងចង្អុលការដល់គ្រប់អង្គភាព ធ្វើសេនាធិការ និងរួមជាមួយគណៈកម្មាធិការបក្សគ្រប់លំដាប់ថ្នាក់ រដ្ឋអំណាច ភូមិភាគកសាងនិងពង្រឹងប្រព័ន្ធនយោបាយមូលដ្ឋាន អភិវឌ្ឍសេដ្ឋកិច្ច វប្បធម៌ សង្គម លុបបំបាត់ភាពអត់ឃ្លាន កាត់បន្ថយភាពក្រីក្រ រួមចំណែកកែលម្អជីវភាពជូនប្រជាជន។ ប៉ុស្ដិ៍ការពារព្រំដែនទាំងឡាយ បានកសាងទម្រង់ចំនួន ៧ ជួយប្រជាជនដោយផ្ទាល់។ លេចធ្លោបំផុត គឺគម្រោងឧបត្ថម្ភចិញ្ចឹមសត្វជូនគ្រួសារក្រីក្រចំនួន២១៧ គិតជាទឹកប្រាក់ជាង ៣ ពាន់លានដុង។ មកដល់បច្ចុប្បន្ន មានគ្រួសារបានចាកផុតពីភាពក្រីក្រជាង ១០០ គ្រួសារ។ អនុវត្តកម្មវិធី “ជំរុញដំណើរប្អូនៗទៅកាន់សាលា” អាស្រ័យបញ្ជាការដ្ឋានកងទ័ពការពារ ព្រំដែនបំផុសចលនាកងទ័ពការពារព្រំដែនសុកត្រាំងបានទទួលគាំពារសិស្សក្រីក្រ មានស្ថានភាពលំបាកចំនួន ៣៨ នាក់ រហូតដល់ប្អូនៗរៀនចប់ថ្នាក់ទី ១២ ។ វរសេនីយ៍ឯក ឡេវ៉ាន់អាញ់ ស្នងការរងកងទ័ពការពារព្រំដែនសុកត្រាំង ឱ្យដឹង៖ “នេះជាការងារជាក់ស្ដែងរបស់កម្មាភិបាល យុទ្ធជនការពារព្រំដែន ដើម្បីជួយចែករំលែកបានទាន់ពេលចំពោះស្ថានភាពក្រលំបាក។ បង្កើនចំណងសាមគ្គីរវាងកម្លាំងការពារព្រំដែនជាមួយនឹងប្រជាជននៅតំបន់ព្រំដែនសមុទ្រ កសាងខឿនការពារប្រទេសទូទាំងប្រជាជន ជំហរសន្ដិសុខប្រជាជនរឹងមាំ”។

ទម្រង់ឧបត្ថម្ភជនរួមជាតិក្រីក្រចិញ្ចឹមពពែ ប្រមូលផ្ដុំរបស់ប៉ុស្ដិ៍ការពារព្រំដែនវិញហាយ បាននាំមកប្រសិទ្ធភាពខ្ពស់បង្គួរ។ មានគ្រួសារក្រីក្រចំនួន ១០ បានទទួលពពែ ១១ ក្បាលទៅចិញ្ចឹម។ មកដល់សព្វថ្ងៃ ពពែបានកើតកូនដល់៨៣ ក្បាល ក្នុងនោះ លក់ ៤២ ក្បាល ចែកចាយឱ្យ ១០ គ្រួសារ នៅសល់ ៤១ ក្បាល។ ឆ្លងតាមរយៈនោះ មាន ៣ គ្រួសារក្នុងទម្រង់បានចាកផុតពីភាពក្រីក្រដោយចីរភាព រីឯ ៧ គ្រួសារទៀតឈានឡើងគ្រួសារប្រកៀកបន្ទាត់ក្រ។ ទន្ទឹមនឹងនោះ ប៉ុស្ដិ៍ការពារព្រំដែន នៅទាំងទទួលគាំពារសិស្ស ២ នាក់ក្នុងកម្មវិធី “ជំរុញដំណើរប្អូនៗ ទៅកាន់សាលា” ដែលជាជនជាតិខ្មែរមានស្ថានភាពក្រលំបាកខ្លាំង។ ទំនុកបម្រុងមនុស្សចាស់អនាថា ៤ រូប។ ទឹកប្រាក់ឧបត្ថម្ភទាំងប៉ុន្មាន គឺអាស្រ័យកម្មាភិបាល យុទ្ធជនក្នុងអង្គភាពរួមវិភាគទាន។ បងស្រីទ្រីវធីឡាញ់ នៅភូមិអូវ-ថ B អ្នកចិញ្ចឹមពពែចាកផុតពីភាពក្រីក្រ ឱ្យដឹង៖ “ខ្ញុំបានប៉ុស្ដិ៍ការពារព្រំដែនឧបត្ថម្ភពពែ ៤ ក្បាល ម៉្លោះហើយខ្ញុំត្រេកអរខ្លាំងណាស់។ ពពែងាយចិញ្ចឹម ឆាប់ធំ ព្រមទាំងមានចំណីស្រាប់ ក្រោយពេលចិញ្ចឹមត្រឹម ២ ឆ្នាំ ខ្ញុំលក់បាន ៥ ក្បាលយកប្រាក់ទិញម៉ាស៊ីនជ្រួយដី។ ក្រៅពីចិញ្ចឹមពពែ ខ្ញុំដាំដំណាំរួមផ្សំ ២ កុង ចំណែក ប្ដីខ្ញុំដើរស៊ីឈ្នួលភ្ជួររាស់ដី ម្ល៉ោះហើយរកបានប្រាក់ចំណូលលំនឹងចាកផុតពីភាពក្រីក្រ”។

ពេលជំងឺ COVID-១៩ មានការប្រែប្រួល ស្មុគ្រស្មាញ កងទ័ពការពារព្រំដែនតែងអនុវត្ត “សម្លេងឧគ្ឃោសនសព្ទការពារព្រំដែន” ដើម្បីផ្សព្វផ្សាយបង្ការប្រឆាំងជំងឺ COVID-១៩ ចែកចាយសារធាតុសម្លាប់មេរោគ ចែកជូនម៉ាស់ ចលនានិងណែនាំប្រជាជនអំពីការពាក់ម៉ាស់ឱ្យត្រូវរបៀប លាងដៃសម្លាប់មេរោគនៅមណ្ឌលព្រំដែន។ ទន្ទឹមនឹងនោះ ប៉ុស្ដិ៍ការពារព្រំដែនទាំងឡាយនៅទាំងអនុវត្តនូវវិធានការជាច្រើនដើម្បីត្រួតពិនិត្យព្រំដែនសំដៅទប់ស្កាត់ស្ថានភាពឆ្លងដែនតាមផ្លូវសមុទ្រខុសច្បាប់។ អនុសេនីយ៍ទោ ង្វៀងវៀតញ៉ឹង ប្រធានដំណាក់ត្រួតពិនិត្យការពារព្រំដែនត្រឹងដេ ចំណុះប៉ុស្ដិ៍ការពារព្រំដែនទ្រុងប៊ិញ ឱ្យដឹង៖ “លើភូមិសាស្រ្តស្រុកមានមធ្យោបាយនេសាទឆ្ងាយ ច្រាំងជិត ៤០០ គ្រឿង។ ដើម្បីធានាការបង្ការ ប្រឆាំងជំងឺ ក៏ដូចជាបង្ការបង្រ្កាបការឆ្លងដែនតាមផ្លូវសមុទ្រ កម្មាភិបាល យុទ្ធជនរបស់ដំណាក់ បានអនុវត្តយ៉ាងម៉ឺងម៉ាត់ការងារត្រួតពិនិត្យចំនួនកប៉ាល់នេសាទ អ្នកនេសាទចេញចូលកំពង់ផែ ផ្សព្វផ្សាយ ដើម្បីម្ចាស់កប៉ាល់នេសាទ និងប្រធាននាវិកគ្រប់រូប មិនគិតតែផលប្រយោជន៍ ហើយដឹក មនុស្សឆ្លងដែនដោយគ្រប់រូបភាព។ ជាពិសេស ត្រូវរាយការណ៍ជូនស្ថាប័នមានសមត្ថកិច្ច ប្រសិនបើមានអ្នកមកទំនាក់ទំនងពឹងពាក់ដឹកមនុស្សឆ្លងដែន ដើម្បីស្ថាប័នមានសមត្ថកិច្ចក្ដាប់ស្ថានភាពតាមដាន និងចាត់វិធានការឱ្យបានទាន់ពេល។ មកដល់សព្វថ្ងៃ លើភូមិសាស្រ្តដែលប៉ុស្ដិ៍ការពារព្រំដែនគ្រប់គ្រង មិនទាន់កើតមានករណីបំពានច្បាប់ឡើយ៕

លីធាន - ថាច់ធី

ចែករំលែកអត្ថបទ

ពាក្យគន្លឹះ