12/04/2021 - 07:51

មួយ​ជីវិត”បណ្ដុះ​អក្សរ​”

 

“ខ្ញុំ​ទៅ​”បណ្ដុះ​អក្សរ​” ដ្បិត​អី​ ខ្ញុំ​ស្រឡាញ់​ភាសា​ អក្សរ​របស់​ជន​ជាតិ​ខ្មែរ​។​ ប្រ​សិន​បើ​បាន​កើត​ជាតិ​ថ្មី​ ខ្ញុំ​នៅ​តែ​មាន​បំ​ណង​ធ្វើ​ជា​គ្រូ​បង្រៀន​ ដើម្បី​បាន​ចូល​រួម​បុព្វ​ហេតុ​បណ្ដុះ​បណ្ដាល​មនុស្ស​” នោះ​គឺប្រ​សាសន៍​សំ​ណេះ​សំ​ណាល​របស់​គ្រូ​បង្រៀន​ប្រ​ជា​ជន​ឡឹម​អែស​ អតីត​អនុប្រ​ធាន​មន្ទីរ​អប់​រំនិង​បណ្តុះ​បណ្តាល​ខេត្ត​សុក​ត្រាំង​ សព្វ​ថ្ងៃ​លោក​គ្រូ​ជា​ប្រ​ធាន​សមា​គម​ជំ​រុញ​ការ​សិក្សា​ខេត្ត​។​

ដោយ​សារ​ជីវ​ភាព​គ្រួ​សារ​ក្រី​ក្រ កំ​ព្រាឪ​ពុក​តាំង​ពី​អា​យុ ៥ ឆ្នាំ​ ម្ល៉ោះ​ហើយ​កុមារ​ឡឹម​អែស​ បាន​ម្ដាយ​ជូន​ទៅ​រៀន​អក្សរ​នៅ​វត្ត​ព្រែក​អណ្ដើក​ ឃុំ​ថាញ់​ភូ។​ រៀង​រាល់​ថ្ងៃ​ កុមារ​ឡឹម​អែស​តែង​ដើរ​ប្រ​ហែល​ ៥ គីឡូ​ម៉ែ​ត្រដើម្បី​ទៅ​វត្ត​រៀន​អក្សរ​ នៅ​សល់​មួយ​ពេល​ទៅ​ឃ្វាល​គោ​ ក្របី​ ដើម្បី​រក​ប្រាក់​ជួយ​ម្ដាយ​។​ ផ្ដើម​ពី​ភាព​លំ​បាក​នោះ​ មាន​កុមារ​ជា​ច្រើន​ដែល​អា​យុ​ស្រ​បាល​នឹង​គាត់​មិន​បាន​ទៅ​រៀន​។​ ព្រោះ​ហេតុ​នោះ​ កុមារ​ឡឹម​អែស​ មាន​បំ​ណង​ក្លាយ​ជា​គ្រូ​បង្រៀន​ដើម្បី​វិល​មក​ភូមិ​កំ​ណើត​បង្រៀន​អក្សរ​។​ ពេល​រៀន​ចប់​កម្រិត​បឋម​សិក្សា​ កុមារ​ឡឹម​អែស​ ឡើង​ទៅ​ខេត្ត​សុក​ត្រាំង​រៀន​នៅ​សាលា​អនុវិទ្យា​ល័យ​ខាយទ្រី។​ ឆ្នាំ​ ១៩៥៩ ក្រោយ​ពី​បញ្ចប់​សញ្ញា​ប័ត្រ​ថ្នាក់​ទី ៩ លោក​ឡឹម​អែស​ ចូល​បួស​នៅ​វត្ត​ព្រែក​អណ្ដើក​ ព្រម​ទាំង​បើក​បង្ហាត់​បង្រៀន​អក្សរ​នៅ​វត្ត​ដោយ​ឥត​គិត​ថ្លៃ​។​  បង្ហាត់​បង្រៀន​បណ្ដើរ​ លោក​គ្រូ​ឆ្លៀត​រៀន​ដោយ​ខ្លួន​ឯង​តាម​រយៈ​សៀវ​ភៅ​កម្ម​វិធី​សិក្សា​បណ្ដើរ​ លោក​គ្រូ​ឡឹម​អែស​ គឺ​ជា​ព្រះ​សង្ឃ​ដំ​បូង​បង្អស់​អាច​រ៉ាប់​រង​បង្ហាត់​បង្រៀន​ទាំង​ភាសា​វៀត​-ខ្មែរ​-បារាំង​ -អង់​គ្លេស​-បាលី​ ជូន​ព្រះ​សង្ឃ​និង​កូន​ចៅ​ខ្មែរ​ក្នុង​វត្ត​ និង​ជា​ព្រះ​សង្ឃ​ដំ​បូង​បង្អស់​ស្រាវ​ជ្រាវ​រៀន​សូត្រ​ខ្លួន​ឯង​ក្នុង​វត្ត​ប្រ​ឡង​ជាប់​ថ្នាក់​ទី១២ ។​

គ្រូ​បង្រៀន​ប្រ​ជា​ជន​ឡឹម​អែស​ ជូន​អា​ហា​រូប​ករណ៍ដល់​សិស្ស​ និស្សិត​ក្រី​ក្រ​សង្វាត​រៀន​សូត្រ​។​

ឆ្នាំ ១៩៧៧ លោក​គ្រូ​ឡឹម​អែស​ បាន​លា​ចាក​សិក្ខា​បទ​ដើម្បី​ទៅ​បង្រៀន​នៅ​តាម​សាលា​រៀន​រដ្ឋ​និង​តាម​វត្ត​អា​រាម​។​ ក្រោយ​រយៈ​ពេល​ច្រើន​ឆ្នាំ​បង្រៀន​អក្សរ​ គាត់​មិន​ចាំ​ច្បាស់​ថា​ ខ្លួន​ធ្លាប់​បង្រៀន​សិស្ស​ប៉ុន្មាន​ថ្នាក់​ ឬ​ប៉ុន្មាន​នាក់​នោះ​ទេ​ គ្រាន់​តែ​យល់​ពី​អា​រម្មណ៍​រីក​រាយ និង​សុភ​មង្គល​ ខណៈ​ពេល​បាន​ឈរ​បង្ហា​ត់​បង្រៀន​។​ លោក​គ្រូ​ឡឹម​អែស​ ឱ្យ​ដឹង​៖ “សម័យ​នោះ​ ការ​បង្ហាត់​បង្រៀន​អក្សរ​ខ្មែរ​ជូន​ប្អូន​ៗ​គឺ យោង​ទៅ​តាម​បទ​ពិសោធន​៍របស់​ខ្លួន​ បាន​ជា​ខ្ញុំ​រិះ​គិត​ថា​ ត្រូវ​តែ​មាន​សៀវ​ភៅ​ពុម្ព​ ដើម្បី​គ្រូ​បង្រៀន​ឯក​ភាព​ក្នុង​ការ​បង្ហា​ត់​បង្រៀន​និង​សិស្ស​រៀន​សូត្រ​បាន​ល្អ​”។​ ផ្ដើម​ពី​នោះ​ លោក​គ្រូ​ឡឹម​អែស​ បាន​សម្រេច​ចិត្ត​ស្រាវ​ជ្រាវ​ រៀប​រៀង​សៀវ​ភៅ​កម្ម​វិធី​សិក្សា​ភាសា​ខ្មែរ​សម្រាប់​បង្ហា​ត់​បង្រៀន​ក្នុង​សាលា​។​ ដើម្បី​រៀប​រៀង​សៀវ​ភៅ​កម្ម​វិធី​សិក្សា​ភាសា​ខ្មែរ​សម្រេច​ជោគ​ជ័យ​ លោក​គ្រូ​បាន​ចុះ​ទៅ​តាម​វត្ត​នា​នា​ក្នុង​ខេត្ត​ដើម្បី​ស្ទង់​មតិ​ សូម​យោ​បល់​ពី​សំ​ណាក់​ព្រះ​សង្ឃ​ អា​ចារ្យ​និង​គ្រូ​បង្រៀន​ជើង​ចាស់​ ដែល​មាន​បទ​ពិសោធន​៍ច្រើន​ក្នុង​ការ​បង្ហាត់​ បង្រៀន​ភាសា​ខ្មែរ​ បាលី​។​ រហូត​មក​ទល់​សព្វ​ថ្ងៃ​ លោក​គ្រូ​ធ្លាប់​ចូល​រួម​រៀប​រៀង​សៀវ​ភៅ​ភាសា​ខ្មែរ​ចំ​នួន​ ១០០ ក្បាល​ ក្នុង​នោះ​ ថ្នាក់​ជាតិ​ ចំ​នួន ៥០ ក្បាល​។​ សព្វ​ថ្ងៃ​ មាន​សៀវ​ភៅ​កម្ម​វិធី​សិក្សា​ភាសា​ខ្មែរ​ចាប់​ពី​ថ្នាក់​ទី ១ ដល់​ថ្នាក់​ទី ១២ ត្រូវ​បាន​ប្រើ​ប្រាស់​ក្នុង​ការ​បង្ហាត់​បង្រៀន​តាម​សាលា​ចំ​ណេះ​ទូទៅ​នៃ​តំ​បន់​ណាម​បូ​ទាំង​មូល​ និង​តាម​សាលា​មធ្យម​សិក្សា​គរុ​កោសល្យ​ គឺ​សុទ្ធ​សឹង​តែមាន​វត្ត​មាន​របស់​លោក​គ្រូ​ធ្វើ​ជា​អគ្គ​និពន្ធ​។​ ក្រៅ​ពី​នោះ​ លោក​គ្រូ​នៅ​ទាំង​អ្នក​និពន្ធ​ សមា​ជិក​រៀប​រៀង​សៀវ​ភៅ​កម្ម​វិធី​សិក្សា​ភាសា​បាលី​ អក្សរ​សាស្រ្ត​ខ្មែរ​ បង្ហាត់​បង្រៀន​នៅ​សាលា​មធ្យម​សិក្សា​បំ​ពេញ​វិជ្ជា​បាលី​ណាម​បូ​។​ សៀវ​ភៅ​បម្រើ​ការ​បង្ហាត់​បង្រៀន​សម្រាប់​គម្រោង​បណ្តុះ​បណ្តាល​ភាសា​ខ្មែរ​ជូន​កម្មា​ភិបាល​ បុគ្គ​លិក​ អ្នក​រដ្ឋ​ការ​លើ​ភូមិ​សាស្រ្ត​ខេត្ត​។​ ជា​មួយ​តួនា​ទីសមា​ជិក​ពិនិត្យ​វាយ​តម្លៃ​ ធ្វើ​វិវេច​នា​បធាន​បទ​ ឯក​សារ​សិក្សា​ស្រាវ​ជ្រាវ​ កម្ម​វិធី​បង្រៀន​ភាសា​ខ្មែរ​។​ ធ្វើ​សមុច្ច័យ​ បក​ប្រែ​សុភា​សិត ពាក្យ​ស្លោក ពាក្យ​ទំ​នៀម​ កំ​ណាព្យ​ ចម្រៀង​ប្រ​ជា​ប្រិយ​ សរុប​ជាង​ ១០០០ អត្ថ​បទ​។​ លោក​គ្រូ​ឡឹម​អែស​ ឱ្យ​ដឹង​៖ “សៀវ​ភៅ​កម្ម​វិធី​សិក្សា​ដែល​ខ្ញុំ​ចាប់​អា​រម្មណ៍​បំ​ផុត​ គឺ​កម្រ​ង​សៀវ​ភៅ​កម្ម​វិធី​បង្រៀន​អក្សរ​ខ្មែរ​នៅ​សាលា​មធ្យម​សិក្សា​គរុ​កោ​សល្យ​ រួម​មាន ៣ ក្បាល​ បោះ​ពុម្ព​នៅ​ឆ្នាំ ២០០០ និង​ ២០០៣​។​ ដ្បិត​អី​ នេះ​ជា​សៀវ​ភៅ​សម្រាប់​បណ្តុះ​បណ្តាល​គ្រូ​បង្រៀន​នៅ​កម្រិត​អនុមហា​វិទ្យា​ល័យ​និង​មហា​វិទ្យា​ល័យ​។​ ចំ​ពោះ​ខ្ញុំ​ អា​ជីព​បង្រៀន​គឺជា​មុខ​របរ​មួយ​ដ៏​ឧត្តម ម្ល៉ោះ​ហើយ​ខ្ញុំ​នឹង​ចូល​រួម​រហូត​ពេល​ណា​ធ្មេច​ភ្នែក​ទើប​ឈប់​”។​

ជិត​មួយ​ឆាក​ជីវិត​ចូល​រួម​បុព្វ​ហេតុ​អប់​រំនិង​រួម​ចំ​ណែក​យ៉ាង​ច្រើន​ក្នុង​ការ​អភិរក្ស​ អភិវឌ្ឍ​ភា​សា​វប្ប​ធម៌​ជន​ជាតិ​ខ្មែរ​។​ ឆ្នាំ ២០០២ លោក​គ្រូ​គឺជា​គ្រូ​បង្រៀន​ជន​ជាតិ​ខ្មែរ​ដំ​បូង​បង្អស់​នៅ​តំ​បន់​ណាមបូ​ បាន​រដ្ឋ​ប្រ​ទាន​កិត្តិ​នាម​“គ្រូ​បង្រៀន​ប្រ​ជា​ជន​”។​ ឆ្នាំ​នេះ​ លោក​គ្រូ​ឡឹម​អែស​ មាន​អា​យុ​ ៨៥ ឆ្នាំ​ គាត់​តែង​តែ​ធ្វើ​ជា​គំ​រូ​ បំ​ផុស​ស្មារតី​ រៀន​សូត្រ​ដល់​ស្រ​ទាប់​យុវ​វ័យ​ បំ​ផុត​គឺកូន​ចៅ​ ជន​រួម​ជាតិ​ខ្មែរ​ បន្ត​ជំ​ហាន​”បណ្ដុះ​អក្សរ​”តំ​បន់​ដី​សុក​ត្រាំង​និយាយ​ដោយ​ឡែក​ និង​ណាម​បូ​ និយាយ​រួម​៕

​                    លីធាន​ - ថាច់​ធី   

- ឆ្នាំ ២០០២ គ្រូ​បង្រៀន​ប្រ​ជា​ជន​ឡឹម​អែស​ បាន​ប្រ​ធាន​រដ្ឋ​ប្រ​ទាន​កិត្តិ​នាម “គ្រូ​បង្រៀន​ប្រ​ជា​ជន​”។​

- ឆ្នាំ​ ២០០៨ ប្រ​ធាន​រដ្ឋ​ប្រ​ទាន​គ្រឿង​ឥស្ស​រិយ​យស​ពលកម្ម​ចំ​ណាត់​ថ្នាក់​លេខ ៣ ពី​ព្រោះ​មាន​ស្នា​ដៃ​រួម​ចំ​ណែក​ក្នុង​បុព្វ​ហេតុ​កសាង​លទ្ធិ​សង្គម​និយម​និង​ការ​ពារ​មាតុ​ភូមិ​។​

- ឆ្នាំ ២០១៧ នា​យក​រដ្ឋ​មន្រ្តី​នៃ​រដ្ឋា​ភិបាល​ជូន​ប័ណ្ណ​សរ​សើរ​ ពី​ព្រោះ​មាន​ស្នា​ដៃ​ឆ្នើម​ រួម​ចំ​ណែក​កសាង​ផែន​មហា​សាម​គ្គី​ជន​ជាតិ​និង​អភិវឌ្ឍន៍​សេដ្ឋ​កិច្ច​តំ​បន់​ជន​រួម​ជាតិ​ភាគ​តិច​។​

- ឆ្នាំ​ ២០១៨ ទទួល​សញ្ញា​សម្គាល់​អា​យុ​បក្ស​ ៣០ ឆ្នាំ​។​

ព្រម​ជា​មួយ​នោះ​ គ្រូ​បង្រៀន​ប្រ​ជា​ជន​ ឡឹម​អែស​ ក៏​ទទួល​បាន​ប័ណ្ណ​សរ​សើរ​របស់​គណៈ​កម្មា​ធិការ​ប្រ​ជា​ជន​ខេត្ត​ គណៈ​កម្មា​ធិការ​រណសិរ្ស​មាតុ​ភូមិ​វៀត​ណាម​ខេត្ត​សុក​ត្រាំង​ និង​ប័ណ្ណ​សរ​សើរ​ជា​ច្រើន​របស់​មជ្ឈិម​សមាគម​ជំ​រុញ​ការ​សិក្សា​ផង​ដែរ​។​

 

ចែករំលែកអត្ថបទ