សុខភាព - អប់រំ អប់រំ

15/03/2021 - 16:24

ខិតខំកាត់បន្ថយស្ថានភាពសិស្សបោះបង់ការសិក្សានៅឃុំអូរឡឹម

ថ្វីដ្បិតនៅជួបការលំបាកច្រើន ប៉ុន្តែសមាគមជំរុញការសិក្សាឃុំអូរឡឹម ស្រុកទ្រីតូង ខេត្តអាងយ៉ាង នៅតែអនុវត្តបានល្អបង្គួរការកាត់បន្ថយស្ថានភាពសិស្សបោះបង់ការសិក្សា និងចលនាសិស្សដែលបោះបង់ការសិក្សាចូលរៀនឡើងវិញ។

សកម្មភាពនៃការបូកសរុបទម្រង់សន្សំលុយកូនជ្រូកដី នៅសាលាអនុវិទ្យាល័យអូរឡឹម។

ឃុំអូរឡឹម មានជនរួមជាតិខ្មែររស់នៅជាង ៩៦%។ អត្រាគ្រួសារក្រីក្រ គ្រួសារប្រកៀកបន្ទាត់ក្រជាង២០,៤%។ លោកចៅសុខសាប្រធានសមាគមជំរុញការសិក្សាឃុំអូរឡឹម ឱ្យដឹង៖ អាស្រ័យអត្រាគ្រួសារក្រីក្រនៅខ្ពស់ ហេតុនោះអាណាព្យាបាលសិស្សមួយចំនួនមិនសូវយកចិត្តទុកដាក់គិតគូរដល់ការរៀនសូត្ររបស់កូនចៅ។ ចំពោះមុខស្ថានភាពនេះ សមាគមជំរុញការសិក្សាក៏បានម្ចាស់ការរួមជាមួយសាលារៀនពិភាក្សាពីការបង្រៀនកួរដល់សិស្សរៀនខ្សោយ។ តាមរយៈនោះ ចលនាសិស្សមិនបោះបង់ការសិក្សា និងចលនាសិស្សដែលបានបោះបង់ការសិក្សាចូលរៀនឡើងវិញ។ល។ រយៈពេល៥ឆ្នាំកន្លង សមាគមចលនាសិស្សដែលបោះបង់ការសិក្សាចូលរៀនឡើងវិញរហូតដល់ចប់កម្រិតអនុវិទ្យាល័យបានចំនួន ៨៧ នាក់។

សាខាសមាគមជំរុញការសិក្សាសាលាអនុវិទ្យាល័យអូរឡឹម មានសកម្មភាពជំរុញការសិក្សាយ៉ាងសម្បូរបែប បំផុតគឺសកម្មភាពជួយឱ្យសិស្សមិនបោះបង់ការសិក្សា។ ឆ្លងតាមរយៈនោះ ក្រៅពីប្រភពថវិការបស់សមាគមឧបត្ថម្ភសិស្សក្រីក្រ គ្រូបង្រៀនរបស់សាលាក៏បានគាំពារដល់សិស្សក្រីក្រ ក៏ដូចជាបង្រៀនកួរដល់សិស្សរៀនខ្សោយ។។ល។ ក្នុងសកម្មភាពនៃការចលនានានា អន្តរក្រុមនៃសាលាអនុវិទ្យាល័យអូរឡឹម បានបំផុសចលនាទម្រង់សន្សំលុយកូនជ្រូកដី អនុវត្តកម្មវិធីទំពាំងថ្មី ផែនការតូចជាដើម។ អ្នកគ្រូវណ្ណម៉ាល័យ អ្នកទទួលបន្ទុកក្រុមនៃសាលាអនុវិទ្យាល័យអូរឡឹម ចែករំលែក៖ “អន្តរក្រុមបង្កើតមូលនិធិឧបត្ថម្ភសិស្ស ផ្តើមពីប្រាក់គបវាល់នៃចលនាក្រុម។ ពេលប្រទះឃើញសិស្សជួបលំបាកក្នុងការរៀនសូត្រ ប្រឈមនឹងការបោះបង់ការសិក្សា ក្រៅពីការសួរសុខទុក្ខ លើកទឹកចិត្ត អន្តរក្រុមក៏ចំណាយប្រាក់មូលនិធិសម្រាប់ផ្ដល់ជាអំណោយជាសម្ភារៈសិក្សាសម្រាប់ប្អូនៗ ជួយជំរុញទឹកចិត្តប្អូនៗរៀនសូត្រ។ អាស្រ័យហេតុនេះ បញ្ហាសិស្សបោះបង់ការសិក្សារបស់សាលាថយចុះ ជាបន្តបន្ទាប់តាមលំដាប់ឆ្នាំ”។ ប្អូននាងយ័ញ សិស្សថ្នាក់ទី ១០ សាលាអនុវិទ្យាល័យនិងវិទ្យាល័យជនជាតិអន្តេវាសិកទ្រីតូង ឱ្យដឹង៖ “ឆ្នាំកន្លង មកអំពីឪពុកម្ដាយទៅរកស៊ីនៅប៊ិញយឿង គ្រួសារខ្វះខាត ម្ល៉ោះហើយប្អូនក៏ផ្អាករៀនមួយរយៈ។ ប្អូនគិតថា ទៅប៊ិញយឿងរកការធ្វើជាមួយឪពុកម្ដាយ។ ដោយពូមីងដាស់តឿន ពិសេសលោកគ្រូ អ្នកគ្រូក្នុងសាលា ម្ល៉ោះហើយប្អូនក៏សម្រេចចិត្តបន្តការរៀនសូត្រ ។ ប្អូនគិតថាខំរៀនសូត្រឱ្យមានចំណេះវិជ្ជា ទើបថ្ងៃក្រោយរកបានការងារធ្វើ លែងក្រលំបាកទៀត”។

ក្រៅពីសាខាសមាគមនៅតាមវត្តអារាម សាលារៀន ឃុំអូរឡឹមក៏មានសាខាសមាគមជំរុញការសិក្សានៅតាមភូមិចំនួន ១០ ទៀត ដោយមានសមាជិកជាង ១.០០០ នាក់ និងគ្រួសារសង្វាត់រៀនសូត្រប្រមាណ ៧៩០ គ្រួសារ ។ លោកចៅគឹមសន្ត ប្រធានសាខាសមាគមជំរុញការសិក្សាភូមិភឿកឡុក ឱ្យដឹង៖ “យើងខ្ញុំរៀបចំក្រុមជំរុញការសិក្សានៅតាមភូមិសំដៅក្ដោបក្ដាប់ ក៏ដូចជាតាមដាន ដាស់តឿនក្រើនរំឭកការរៀនសូត្ររបស់ក្មួយៗ។ ផ្ដើមពីនោះ ធ្វើការណែនាំ លើកទឹកចិត្ត ដើម្បីក្មួយៗរៀនសូត្របានល្អ ឬជួយអន្តរាគមន៍បានទាន់ពេលនៅពេលដែលក្មួយៗក្នុងភូមិបោះបង់ការសិក្សា”។

លោកចៅសុខសា ចែករំលែក៖ ខិតខំធ្វើយ៉ាងណាដើម្បីសិស្សក្រីក្របានទៅរៀនទាំង ១០០% កាត់បន្ថយស្ថានភាពសិស្សបោះបង់ការសិក្សា។ ដើម្បីសម្រេចបានភាគកម្រិតនេះ ក្រៅពីការចលនាសប្បុរសជនផ្ដល់ជូនអាហារូបករណ៍ សិក្ខូបករណ៍ដល់ប្អូនៗ សមាគមនឹងខិតខំប្រឹងប្រែងកសាងសាខាសមាគម បំផុតគឺសាខាសមាគមនៅតាមភូមិឱ្យបានរឹងមាំ ។ មានកម្លាំងផ្ទៃក្នុងពូកែ ទើបអាចពង្រីកបានល្អ ចលនាជំរុញការសិក្សាក្នុងជនរួមជាតិខ្មែរ៕

ថាញឡុង- ពេជ្រសឿន

ចែករំលែកអត្ថបទ

ពាក្យគន្លឹះ