ព្រឹត្តិការណ៍ - នយោបាយ ព្រឹត្តិការណ៍

02/02/2021 - 09:10

តាំង​ពិព័រណ៍​ប្រ​ធាន​បទ​ “បក្ស​កុម្មុយ​និស្ត​វៀត​ណា​ម - ពី​មហា​សន្និ​បាត​ទៅ​មហា​សន្និ​បាត​”

តាំង​ពិព័រណ៍​ប្រ​ធាន​បទ​ “បក្ស​កុម្មុយ​និស្ត​វៀត​ណា​ម - ពី​មហា​សន្និ​បាត​ទៅ​មហា​សន្និ​បាត​” បាន​ដាក់​តាំង​បង្ហាញ​នៅ​សារ​មន្ទីរ​ប្រ​វត្តិ​សាស្រ្ត​ជាតិ​លេខ​ ២៥ ផ្លូវ​តុងដាង ហ្វាង​កីម ហាណូយ​។​ ការ​តាំង​ពិព័រណ៍​នេះ​ ត្រូវ​បាន​រៀប​ចំ​ឡើង​ដោយ​សារ​មន្ទីរ​ប្រ​វត្តិ​សាស្ត្រ​ជាតិ​ សហកា​រជាមួយ​នា​យក​ដ្ឋាន​បណ្ណ​សារ​នៃ​ការិ​យាល័យ​មជ្ឈិម​បក្ស​ រៀប​ចំ​ស្រប​ឱកាស​អនុស្សាវរីយ៍​លើក​ទី ៩១ ទិវា​បង្កើត​បក្ស​កុម្មុយ​និស្ត​វៀត​ណាម (៣ កុម្ភៈ​ ១៩៣០ - ៣ កុម្ភៈ​ ២០២១) ។​ ឈាន​ដល់​មហា​សន្និ​បាត​បក្ស លើក​ទី XIII របស់​បក្ស​។​

អ្នក​តំ​ណាង​ដើរ​ទស្សនា​វត្ថុ​តាំង​។​

ដោយ​មាន​ឯក​សារ​វត្ថុ​តាំង​ និង​រូប​ភាព​តំ​ណាង​ជាង​ ២០០ មុខ​ ត្រូវ​បាន​ជ្រើស​រើស​តាំង​បង្ហា​ញ​ ដើម្បី​ឧទ្ទេស​នាម បញ្ជាក់​អំ​ពី​ខ្លឹម​សារ​ ៣ យ៉ាង​៖ ការ​ឧប្បត្តិ​ឡើង​នៃ​បក្ស​កុម្មុយ​និស្ត​វៀត​ណាម; បក្ស​កុម្មុយ​និស្ត​វៀត​ណាម; ពី​មហា​សន្និ​បាត​ទៅ​មហា​សន្និ​បាត​ ។​

ឯក​សារ​វត្ថុ​តាំង​ដែល​ដាក់​តាំង​បង្ហាញ​រួម​មាន៖ របាយ​ការណ៍​ សុន្ទ​រក​ថា​ ឯក​សារ​សេច​ក្តី​សម្រេច​របស់​បក្ស​; ពង្រាង​អត្ថ​បទ​ អត្ថ​បទ​និយាយ​របស់​អគ្គ​លេខា​បក្ស​គ្រប់​ជំ​នាន់​; និមិត្ត​សញ្ញា​ ផ្លាក​សញ្ញា​របស់​អ្នក​តំ​ណាង​ដែល​ចូល​រួម​មហា​សន្និ​បាត​បក្ស រូប​ភាព​ផ្សព្វ​ផ្សាយ​រាល់​សម័យ​មហា​សន្និ​បាត​; វត្ថុ​អនុស្សាវ​រីយ៍​របស់​ប្រ​ជា​ជន​វៀត​ណាម និង​មិត្ត​ភក្តិ​អន្តរ​ជាតិ​ជូន​បក្ស​កុម្មុយ​និស្ត​វៀត​ណាម​រាល់​សម័យ​មហា​សន្និ​បាត​... ; បណ្តា​អត្ថ​បទ​ រូប​ភាព​ អត្ថ​បទ​និយាយ​គ្នា​ អត្ថ​បទ​សរ​សេរ​អំ​ពី​ការ​កសាង​ ការ​រៀប​ចំ​សណ្តាប់​ធ្នាប់​បក្ស​ ការ​បណ្តុះ​បណ្តាលកង​ជួរ​កម្មា​ភិបាល​របស់​លោក​ប្រ​ធាន​ហូជី​មិញ​ និង​អគ្គ​លេខា​បក្ស​គ្រប់​ជំ​នាន់​ ...។​

ឆ្លង​តាម​រយៈ​ការ​តាំង​ពិព័រណ៍​ គណៈ​កម្ម​ការ​រៀប​ចំ​សង្ឃឹម​ នឹង​ជួយ​ដល់​សាធា​រណជន​ ជាពិសេស​កម្មា​ភិបាល​ បក្ខ​ជន​វ័យ​ក្មេង​ បាន​យល់​ច្បាស់​ជាង​អំ​ពី​ការ​ឧប្បត្តិឡើង​នៃ​បក្ស​កុម្មុយ​និស្ត​វៀត​ណា​ម; មហា​សន្និ​បាត​បក្សទាំង​ ១២ សម័យ​ ជាមួយ​នឹង​ជ័យ​ជំ​នះ​ សមិទ្ធិ​ផល​ មេរៀន​បទ​ពិសោធន​៍ទទួល​បាន​ពី​បដិវត្តន៍វៀត​ណាម ក្រោម​ការ​ដឹក​នា​ំរបស់​បក្ស​; ផ្តើម​ពី​នោះ​ កាន់​តែ​ឃើញ​ច្បាស់​នូវ​ភារ​កិច្ច​របស់​យើង​ក្នុង​ការ​កសាង​ប្រ​ទេស​វៀត​ណាម ប្រ​កប​ដោយ​ភាព​រុង​រឿង​ សន្តិ​ភាព​និងអភិវឌ្ឍន៍។​

ការ​តាំង​ពិព័រណ៍​នេះ​ត្រូវ​បាន​បើក​ឱ្យ​ទស្សនា​រហូត​ដល់​ចុង​ខែ​ឧសភា​ឆ្នាំ​ ២០២១ ។​

យោ​ង៖កាសែត​ជន​ជាតិ​និង​អភិវឌ្ឍ​ន៍ ​ 

ចែករំលែកអត្ថបទ