មហាសាមគ្គីជនជាតិ គំរូក្នុងសហគមន៍

05/01/2021 - 08:26

ចាកផុតពីភាពក្រីក្រផ្តើមពីផ្លាស់ប្ដូរអាជីព

ដោយសារមានគោលនយោបាយឧបត្ថម្ភផ្លាស់ប្តូរអាជីពរបស់រដ្ឋសម្រាប់ជនជាតិភាគតិច ទើបបងយ័ញឡាម និងកូនប្រុសយ័ញផល នៅសង្កាត់ត្រឿងឡាក ខណ្ឌអូរម៉ូង ក្រុងកឹងធើ បានរៀនមុខរបរជាងកំបោរ និងមានការងារធ្វើលំនឹង។

យ័ញផល កំពុងបិទឥដ្ឋ។

បច្ចុប្បន្ន បងយ័ញឡាម និងកូនគាត់គឺជាមេជាង ម្ល៉ោះហើយរកបានប្រាក់ចំណូលលំនឹង ។ បងឡាមរៀបរាប់៖ “គ្រួសារខ្ញុំមានផ្ទៃដីតែជាង ១ កុងរួមទាំងដីធារផ្ទះ ហេតុនោះពីរនាក់ប្តីប្រពន្ធតែងដើរស៊ីឈ្នួល ដើម្បីរកប្រាក់ចិញ្ចឹមកូន ២ នាក់។ យើងដើរស៊ីឈ្នួលគេ វានឿយហត់ណាស់ ថែមទាំងមិនសូវមានការងារធ្វើជាប្រចាំទៀតផង ម្ល៉ោះហើយប្រាក់ចំណូលក៏មិនលំនឹងដែរ។ ហេតុនោះ ពេលបានបងដាវកៀង អនុប្រធានមណ្ឌលប៊ិញឡើយ ឧទ្ទេសនាមថ្នាក់រៀនរបរជាងកំបោរ ដែលសង្កាត់ចាត់តាំងឡើង ខ្ញុំក៏ចូលរួមតែម្ដង”។ ក្រោយពីបញ្ចប់វគ្គរៀនរបរ បងឡាមបានឧទ្ទេសនាមចូលធ្វើការនៅការដ្ឋានសំណង់ សាលាបឋមសិក្សារបស់សង្កាត់។ ដំណាក់កាលនោះ បងឡាមគ្រាន់តែបានទទួលធ្វើជាជាងកំបោរធម្មតា ដើម្បីរៀនសូត្របទពិសោធន៍។ ក្រោយពីសំណង់នេះ បងឡាមកាន់តែមានការជឿជាក់លើខ្លួនឯង ពេលបានជួលធ្វើជាមេជាង។ ចាប់ពីបានឡើងជាមេជាង ប្រាក់ចំណូលគ្រួសារបងកាន់តែបានលំនឹង។

ក្រោយពីកូនប្រុសយ័ញផល បញ្ចប់កាតព្វកិច្ចយោធា បងឡាមណែនាំកូនប្រុសឱ្យស្នងអាជីពតាមគាត់។ ក្រោយពីតាមឪពុករៀនអាជីពបានមួយរយៈ យ័ញផល ក៏បានឡើងធ្វើជាមេជាងកំបោរដូចឪពុក។ បងឡាម ឱ្យដឹង៖ “ប្រាក់ចំណូលទាំងពីរនាក់ឪពុកនិងកូនបានលំនឹង ម្ល៉ោះហើយប្រពន្ធខ្ញុំឈប់ដើរស៊ីឈ្នួលដូចមុនទៀត នៅផ្ទះចិញ្ចឹមសត្វធាតុរកប្រាក់ចំណូលបន្ថែម។ ខ្ញុំទើបទិញកូនគោបានមួយក្បាលសម្រាប់ចិញ្ចឹមធ្វើទុន។ ឥឡូវគ្រួសារខ្ញុំបានចាកផុតពីភាពក្រីក្រហើយ”។

អាស្រ័យខ្នះខ្នែងធ្វើការរកស៊ី ធ្វើការមានទំនួលខុសត្រូវ ម្ល៉ោះហើយបងយ័ញឡាមនិងកូនប្រុស ធ្វើការគ្មានថ្ងៃឈប់សម្រាកឡើយ។ អ្នកមីងយឿងធីសាផា នៅមណ្ឌលប៊ិញឡើយ ឱ្យដឹង៖ “ក្មួយឡាមនិងកូនប្រុសធ្វើការហ្មត់ចត់ណាស់ ម្ល៉ោះហើយខ្ញុំពេញចិត្តជួលសាងសង់និងជួសជុលផ្ទះសម្បែង។ ទោះបីគាត់ទទួលម៉ៅការសង់ផ្ទះ ប៉ុន្តែពេលខ្ញុំត្រូវការជួសជុលតិចតួច គាត់តែងទទួលដោយមិនថាការងារតិចឬច្រើនឡើយ ម្ល៉ោះហើយមាមីងក្នុងមណ្ឌលអ្នកណាក៏ចង់ជួលគាត់សង់ផ្ទះឱ្យដែរ”។ ពូដាវកឿង ក៏ស្របជាមួយនឹងមតិខាងលើ ឱ្យដឹង៖ “ឪពុកនិងកូនទាំងពីរនាក់ កំពុងសង់ផ្ទះឱ្យគ្រួសារខ្ញុំ ខ្ញុំពេញចិត្តនឹងថ្វីដៃរបស់គាត់ណាស់”៕

ហាថាញ់-វិមាន

ចែករំលែកអត្ថបទ

ពាក្យគន្លឹះ