ព្រឹត្តិការណ៍ - នយោបាយ ព្រឹត្តិការណ៍

05/01/2021 - 08:26

បង្កើនល្បឿនអភិវឌ្ឍសេដ្ឋកិច្ច - សង្គមនិងកាត់បន្ថយភាពក្រីក្រតំបន់ជនជាតិភាគតិច

រយៈពេលឧបត្ថម្ភអភិវឌ្ឍសេដ្ឋកិច្ច-សង្គម តំបន់ជនជាតិភាគតិច អូសបន្លាយដល់ឆ្នាំ ២០២៥

រដ្ឋមន្រ្តី ប្រធានគណៈកម្មាធិការជនជាតិ ឌោវ៉ាន់ចៀង និងលោកស្រី Caitlin Wiesen តំណាងអង្គការកម្មវិធីអភិវឌ្ឍន៍សហប្រជាជាតិប្រចាំនៅវៀតណាម ចុះហត្ថលេខាលើឯកសារគម្រោង។

នៅហាណូយ រដ្ឋមន្រ្តី ប្រធានគណៈកម្មាធិការជនជាតិ ឌោវ៉ាន់ចៀង និងលោកស្រី Caitlin Wiesen តំណាងអង្គការកម្មវិធីអភិវឌ្ឍន៍សហប្រជាជាតិប្រចាំនៅវៀតណាម (UNDP) បានចុះហត្ថលេខា និងប្រកាសជាសាធារណៈ គម្រោងបង្កើនល្បឿនអភិវឌ្ឍសេដ្ឋកិច្ច-សង្គម និងកាត់បន្ថយភាពក្រីក្រលើគ្រប់វិស័យក្នុងតំបន់ជនជាតិភាគតិចនៅវៀតណាម (គម្រោង)។

ក្នុងពិធីចុះហត្ថលេខា រដ្ឋមន្រ្តី ប្រធានគណៈកម្មាធិការជនជាតិ ឌោវ៉ាន់ចៀង បានឧទ្ទេសនាមពីទិដ្ឋភាពទូទៅនៃដំណាក់កាលកសាង និងខ្លឹមសារសំខាន់ៗមួយចំនួន ស្ដីពីកម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនជាតិភាគតិចនិងតំបន់ភ្នំ ដំណាក់កាល ២០២១-២០៣០ (កម្មវិធីទិសដៅជាតិ)។

រដ្ឋមន្រ្តី បានវាយតម្លៃ៖ នេះជាលើកដំបូងដែលវៀតណាមមានកម្មវិធីទិសដៅជាតិមួយដោយឡែកសម្រាប់តំបន់ជនជាតិភាគតិច និងតំបន់ភ្នំ។ គិតដោយឡែក ថវិកាគ្រោងទុកសម្រាប់ដំណាក់កាលទី ១ (២០២១-២០២៥) ត្រូវបានរដ្ឋសភាផ្តល់សច្ចាប័នគឺមានជាង ១៣៧.០០០ ពាន់លានដុង។ នេះជាប្រភពថវិកាច្រើនបំផុតតាំងពីមុនមក ក្នុងវិស័យការងារជនជាតិ។ ថ្វីត្បិតដូច្នោះក្តី ការអនុវត្តកម្មវិធីទិសដៅជាតិក៏ជួបការលំបាកច្រើនផងដែរ ពិសេសគឺស្ថិតក្នុងបរិបទសេដ្ឋកិច្ច-សង្គម កំពុងរងផលប៉ះពាល់ដោយសារជំងឺ Covid-១៩។

អាស្រ័យហេតុនោះ រដ្ឋមន្រ្តី ប្រធានគណៈកម្មាធិការជនជាតិ ឌោវ៉ាន់ចៀង រំពឹងថា តាមរយៈគម្រោងនេះ ការងារចលនាផ្សព្វផ្សាយ រៀបចំអនុវត្តសិក្សាស្រាវជ្រាវ ពិនិត្យវាយតម្លៃ គោលនយោបាយ លទ្ធភាពអនុវត្តកំណត់ទិស និងអនុវត្តគោលនយោបាយអភិវឌ្ឍជនជាតិភាគតិច ។ល។ ចាប់ពីមជ្ឈិមដល់មូលដ្ឋាន នឹងត្រូវបានបង្កើនជានិច្ច។ ឆ្លងតាមរយៈនោះ កងជួរកម្មាភិបាលអាចនឹងកំណត់បាននូវគោលនយោបាយ ធ្វើសេនាធិការជូនភូមិភាគ កសាងបាននូវគោលនយោបាយសមស្របជាក់ស្តែង និងសម្រេចបានប្រសិទ្ធភាពខ្ពស់។

តំណាងអង្គការកម្មវិធីអភិវឌ្ឍន៍សហប្រជាជាតិ UNDP ប្រចាំនៅវៀតណាម លោកស្រី Caitlin Wiesen រំពឹងថា ចំពោះចក្ខុវិស័យអភិវឌ្ឍរួម ជនជាតិភាគតិចនឹងមានស្មារតីច្នៃប្រតិដ្ឋនឹងធ្វើឱ្យកម្មវិធីទិសដៅជាតិក្លាយជាឧបករណ៍ដ៏មានប្រសិទ្ធភាព ជំរុញការអភិវឌ្ឍសេដ្ឋកិច្ច-សង្គមក្នុងតំបន់ជនជាតិភាគតិច។ “យើងខ្ញុំ ត្រៀមលក្ខណៈធ្វើសហប្រតិបត្តិការជាមួយគណៈកម្មាធិការជនជាតិ គ្រប់ក្រសួង ផ្នែក និងខេត្តនានា ដើម្បីឧបត្ថម្ភរដ្ឋាភិបាលវៀតណាម និងជនជាតិភាគតិច ក្នុងការខិតខំដ៏មានសារៈសំខាន់នេះ” លោកស្រី Caitlin Wiesen បានអះអាងដូច្នេះ។

អាស្រ័យបានឧបត្ថម្ភអំពីគម្រោង មុខរបរធ្វើស្ករត្នោតរបស់ជនរួមជាតិខ្មែរនៅស្រុកទ្រីតូង ខេត្តអាងយ៉ាង កាន់តែរីកចម្រើនពីមួយថ្ងៃទៅមួយថ្ងៃ។ រូបថត៖ ថាញ់ឡុង

គម្រោងសំដៅផ្តល់ពិគ្រោះគោលនយោបាយ ជំនួយបច្ចេកទេសដល់គណៈកម្មាធិការជនជាតិ និងខេត្តនានាដែលចូលរួមអនុវត្តកម្មវិធីទិសដៅជាតិ នឹងកាត់បន្ថយ ៥០% នៃឃុំលំបាកពិសេសនៅឆ្នាំ ២០២៥ និងឆ្នាំ ២០៣០ ជាសារវន្តគ្មាននៅឃុំលំបាកពិសេសទៀត។

*នាយករដ្ឋមន្រ្តីនៃរដ្ឋាភិបាល បានផ្ដល់សច្ចានុមតិលើគម្រោងអូសបន្លាយរយៈពេលអនុវត្តសេចក្ដីសម្រេចលេខ ២២១៤/QĐ-TTg ចុះថ្ងៃ ១៤/១១/២០១៣ របស់នាយករដ្ឋមន្រ្តីនៃរដ្ឋាភិបាល ស្ដីពីការផ្ដល់សច្ចានុមតិលើគម្រោង “បង្កើនកិច្ចសហប្រតិបត្តិការអន្តរជាតិ ឧបត្ថម្ភអភិវឌ្ឍសេដ្ឋកិច្ច-សង្គម តំបន់ជនរួមជាតិភាគតិច” រហូតដល់ឆ្នាំ២០២៥។

មុខសញ្ញាទទួលផលពីគម្រោង គឺតំបន់ជនរួមជាតិភាគតិចនិងតំបន់ភ្នំ ចំណុះកម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនរួមជាតិភាគតិចនិងតំបន់ភ្នំ ដំណាក់កាល ២០២១ - ២០៣០។ នៅរាល់វិស័យអាទិភាពនៃគម្រោង ដោយផ្សារភ្ជាប់នឹងខ្លឹមសារកម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនរួមជាតិភាគតិចនិងតំបន់ភ្នំ ដំណាក់កាល ២០២១ - ២០៣០។ ជាក់ស្ដែង ដោះស្រាយស្ថានភាពខ្វះលំនៅឋាន ដីសង់លំនៅឋាន ដីផលិតកម្ម ទឹកស្អាតប្រើប្រាស់របស់គ្រួសារជនជាតិភាគតិច អភិវឌ្ឍផលិតកសិ-រុក្ខកម្ម ពង្រីកសក្ដានុពលនិងឧត្ដមភាពរបស់តំបន់នីមួយៗ ដើម្បីផលិតនូវផលិតផលតាមសង្វាក់តម្លៃ ។ វិនិយោគកសាងហេដ្ឋារចនាសម្ព័ន្ធសំខាន់ៗ បម្រើការផលិតកម្ម ជីវភាពតំបន់ជនរួមជាតិភាគតិច និងអង្គភាពអាជីវកម្មរដ្ឋខាងវិស័យជនជាតិ វិនិយោគអភិវឌ្ឍអប់រំបណ្ដុះបណ្ដាលតំបន់ជនជាតិភាគតិចនិងតំបន់ភ្នំ លើកកម្ពស់គុណភាពប្រភពធនធានមនុស្សជនជាតិភាគតិច វិនិយោគស្រាវជ្រាវវិទ្យាសាស្រ្ត និងផ្ទេរបច្ចេកវិទ្យាក្នុងទម្រង់ចងសម្ព័ន្ធ ផលិតតាមសង្វាក់តម្លៃ។

អភិរក្សនិងពង្រីកតម្លៃវប្បធម៌ប្រពៃណីដ៏ល្អរបស់បណ្តាជនជាតិភាគតិច ផ្សារភ្ជាប់នឹងការអភិវឌ្ឍទេសចរណ៍; ថែទាំសុខភាពប្រជាជន បង្កើនមាឌកម្ពស់ជនជាតិភាគតិច បង្ការកុមារកង្វះអាហារូបត្ថម្ភ អនុវត្តសមភាពយេនឌ័រ និងដោះស្រាយបញ្ហាចាំបាច់ចំពោះស្រ្តីនិងកុមារ ៕

យោង៖ កាសែតជនជាតិនិងអភិវឌ្ឍន៍ -ប្រែសម្រួល៖ លីសៀ

យោង៖ Chinhphu.vn -ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ