យោងតាមមាត្រា ១២៥ ក្រមច្បាប់ការងារឆ្នាំ ២០១៩ (មានសុពលភាពចាប់ពីថ្ងៃទី ០១ ខែមករា ឆ្នាំ ២០២១ ) និយោជកមានសិទ្ធិបណ្ដេញបុគ្គលិកដែលបំពានក្នុង ៥ ករណី ដូចខាងក្រោម៖
១. កម្មករនិយោជិត មានអាកប្បកិរិយាយាយីផ្លូវភេទនៅកន្លែងធ្វើការ។ នេះគឺជាសេចក្តីកំណត់ថ្មី បើប្រៀបនឹងក្រមច្បាប់ ធរមានលើកដំបូងត្រូវបានអនុវត្ត។
២. កម្មករនិយោជិត បោះបង់ការងារដោយចិត្តឯងក្នុងរយៈពេល ៥ ថ្ងៃ បូកសរុបក្នុងរយៈពេល ៣០ ថ្ងៃ (តាមសេចក្តីកំណត់ជាធរមានគឺក្នុងអំឡុង ១ ខែ) ឬ ២០ ថ្ងៃ បូកសរុបក្នុងរយៈពេល ៣៦៥ ថ្ងៃ (តាមសេចក្តីកំណត់ជាធរមានគឺ ១ ឆ្នាំ) គិតចាប់ពីថ្ងៃដំបូងដែលបោះបង់ការងារដោយចិត្តឯង ដោយគ្មានហេតុផលត្រឹមត្រូវ។
ករណីចាត់ទុកថាមានហេតុផលត្រឹមត្រូវ មានដូច៖ គ្រោះធម្មជាតិ អគ្គិភ័យ សាមីខ្លួន សាច់ញាតិឈឺថ្កាត់ ដោយមានការបញ្ជាក់របស់មូលដ្ឋានពិនិត្យព្យាបាលជំងឺដែលមានសិទ្ធិសម្រេច និងករណីផ្សេងទៀតដែលបានកំណត់ក្នុងលក្ខន្តិកៈការងារ។
៣. កម្មករនិយោជិត មានអាកប្បកិរិយាលបលួច លោភលន់ លេងល្បែងស៊ីសង ចេតនាបង្ករបួសស្នាមនិងប្រើប្រាស់គ្រឿងញៀននៅកន្លែងធ្វើការ។
៤. កម្មករនិយោជិត មានអាកប្បកិរិយាប្រាប់ពីអាថ៌កំបាងអាជីវកម្ម អាថ៌កំបាំងបច្ចេកវិទ្យា បំពានកម្មសិទ្ធិបញ្ញារបស់និយោជក មានអាកប្បកិរិយាបង្កឱ្យខូចខាតធ្ងន់ធ្ងរ ឬគំរាមកំហែងធ្វើឱ្យខូចខាតទ្រព្យសម្បត្តិ និងផលប្រយោជន៍របស់និយោជក។
៥. កម្មករនិយោជិត រងការពិន័យដោយពន្យាពេលដំឡើងប្រាក់ខែ ឬត្រូវដកហូតមុខតំណែង ហើយបានប្រព្រឹត្តល្មើសសាជាថ្មីក្នុងរយៈពេលមិនទាន់លុបចោលការពិន័យ។
ប្រព្រឹត្តបទល្មើសសាជាថ្មី គឺករណីកម្មករនិយោជិតប្រព្រឹត្តបទល្មើសដូចមុន ត្រូវបានដាក់ពិន័យ ប៉ុន្តែមិនទាន់លុបចោលការពិន័យ យោងតាមសេចក្តីកំណត់ខាងក្រោម៖
-កម្មករនិយោជិត រងការពិន័យស្តីបន្ទោស ក្រោយពី ៣ ខែ ឬរងការពិន័យពន្យាពេលដំឡើងប្រាក់ខែក្រោយពី ៦ ខែ ឬរងការពិន័យដកហូតមុខតំណែងក្រោយពី ៣ ឆ្នាំ រាប់ចាប់តាំងពីថ្ងៃត្រូវពិន័យ ប្រសិនបើមិនប្រព្រឹត្តខុសច្បាប់ការងារទៀត នឹងត្រូវបានលុបចោលការពិន័យ។
-កម្មករនិយោជិត រងការពិន័យពន្យាពេលដំឡើងប្រាក់ខែ ក្រោយពីធ្វើការកែប្រែខ្លួនបានពាក់កណ្ដាលពេលកំណត់ ប្រសិនបើការកែប្រែខ្លួនបានល្អ អាចបាននិយោជក ពិនិត្យកាត់បន្ថយរយៈពេលពិន័យ៕
យោង៖ vnexpress.net -វិមាន
ពាក្យគន្លឹះ