សុខភាព - អប់រំ សុខភាព

01/09/2020 - 16:33

ដំណាក់សុខាភិបាលទ្រឿងឡាកបង្កើនការផ្សព្វផ្សាយនៅមូលដ្ឋាន

តាមប្រសាសន៍លោកហ្វិញវ៉ាន់ភូ ប្រធានគណៈកម្មាធិការប្រជាជនសង្កាត់ទ្រឿងឡាក ខ័ណ្ឌអូរម៉ូង ក្រុងកឹងធើ បានឲ្យដឹង៖ ការងារថែទាំសុខភាពជូនជនជាតិភាគតិចនៅលើភូមិសាស្ត្រតែងបានភូមិភាគយកចិត្តទុកដាក់និងអនុវត្តល្អ។

ដំណាក់សុខាភិបាលសង្កាត់ទ្រឿងឡាក បានបង្កើនកម្រិត ដើម្បីថែទាំសុខភាពជូនប្រជាជនឱ្យបានល្អ។

ដំណាក់សុខាភិបាលសង្កាត់ទ្រឿងឡាក កំពុងបង្កើនកម្រិតប៉ុន្តែកម្មាភិបាលសុខាភិបាលនៅតែធានាការពិនិត្យជំងឺជូនប្រជាជន។ លោកស្រីត្រឹងតូហ្វៀង ប្រធានដំណាក់សុខាភិបាល ទ្រឿងឡាក បានមានប្រសាសន៍៖“ ចាប់តាំងពីដំណាក់សុខាភិបាលបានរើមកកសាងនៅជិតមណ្ឌលប៊ិញអៀង និងប៊ិញឡើយ មាមីងជនជាតិខ្មែរមកពិនិត្យជំងឺញឹកញាប់ជាង។ ហេតុដូច្នេះ កម្មាភិបាលដំណាក់សុខាភិបាលតែងចាត់កម្លាំងប្រចាំការ២៤/២៤ម៉ោង។ ប្រជាជនខ្មែររស់នៅច្រើនបំផុតនៅមណ្ឌលប៊ិញអៀងនិងប៊ិញឡើយ ដូច្នេះ សង្កាត់បានធ្វើសេនាធិការកសាងស្ពានបេតុងឆ្លង ប្រឡាយទ្រឿងឡាក សំដៅបង្កលក្ខណៈងាយស្រួលសម្រាប់ប្រជាជនទំនាក់ទំនងពាណិជ្ជកម្ម និងមកពិនិត្យជំងឺ “។

លោកហ្វិញវ៉ាន់ភូ មានប្រសាសន៍៖“ ក្នុងអំឡុងពេលនៃការរីករាលដាលជំងឺCovid-១៩ គណៈកម្មាធិការប្រជាជនសង្កាត់បានចង្អុលការដល់ដំណាក់សុខាភិបាលធ្វើការឃោសនា និងធ្វើបច្ចុប្បន្នភាពជាប្រចាំ ជួយឱ្យសហការីសុខាភិបាលជនជាតិភាគតិចក្តាប់ច្បាស់ពីស្ថានភាពរោគរាតត្បាត ដើម្បីឃោសនានៅក្នុងមណ្ឌល”។ ដំណាក់សុខាភិបាលសម្រេចបទដ្ឋានជាតិ ម្ល៉ោះហើយមានកងកម្លាំងវេជ្ជបណ្ឌិត គ្រូពេទ្យទទួលបន្ទុកគ្រប់សព្វ ដូច៖ វេជ្ជសាស្ត្រពេទ្យបុរាណ សម្ភព ឱសថ ។ល។ កម្លាំងទាំងនេះត្រូវបានចាត់ឱ្យទទួលបន្ទុកនៅមណ្ឌលនីមួយៗ ធ្វើការឃោសនាបង្ការរោគរាតត្បាត។ លោកស្រីង្វៀនធីថា លេខាសាខាមណ្ឌលប៊ិញឡើយ បានមានប្រសាសន៍៖“ កម្មាភិបាល គ្រូពេទ្យដំណាក់សុខាភិបាលបានទូរស័ព្ទមកខ្ញុំជាទៀងទាត់ ដើម្បីធ្វើបច្ចុប្បន្នភាពពីស្ថានភាពមណ្ឌលក្នុងរយៈពេលត្រូវគម្លាតសង្គម។ ការសហការគ្នានេះមិនមែនទើបតែធ្វើឡើងក្នុងអំឡុងពេលកើតជំងឺCovid-១៩ប៉ុណ្ណោះទេ គឺមុននោះការសហការគ្នានៃដំណាក់សុខាភិបាលនិងមូលដ្ឋានក៏បានល្អផងដែរ។ ហេតុដូច្នេះនៅក្នុងមណ្ឌលយើងខ្ញុំរស់នៅគ្មានការផ្ទុះឡើងជំងឺពងដៃជើងមាត់ ជំងឺគ្រុនឈាម។ល។” ។

លោកហ្វិញវ៉ាន់ភូ បានឱ្យដឹងបន្ថែម៖“ ក្រៅពីការវិនិយោគលើសម្ភារៈបរិក្ខារពេទ្យឱ្យបានគ្រប់គ្រាន់ ទំនើប បុគ្គលិកកម្មាភិបាលពេទ្យក៏បង្កើនគុណភាពនៃការពិនិត្យជំងឺជានិច្ចផងដែរ។ គ្រួសារជនជាតិភាគតិចដែលជួបការលំបាកត្រូវបានផ្តល់ជូនប័ណ្ណធានារ៉ាប់រងសុខាភិបាលឥតគិតថ្លៃ៕

ហាថាញ់-សុផន

ចែករំលែកអត្ថបទ

ពាក្យគន្លឹះ