សុខភាព - អប់រំ សុខភាព

24/08/2020 - 16:39

ប្រការដែលអ្នកជំងឺខ្សោយតម្រងនោមគួរធ្វើដើម្បីបង្ការជំងឺCOVID-១៩

មនុស្សវ័យចំណាស់ មនុស្សដែលមានជំងឺរុាំរ៉ៃច្រើនប្រភេទ ពិសេសគឺជំងឺខ្សោយតម្រងនោម គឺជាក្រុមមុខសញ្ញាដែលមានហានិភ័យខ្ពស់នៃជំងឺឆ្លងជាទូទៅដោយសារតែប្រព័ន្ធភាពសុាំចុះខ្សោយ។ វេជ្ជបណ្ឌិតបានផ្តល់អនុសាសន៍ថា ក្រុមអ្នកជំងឺនេះគួរម្ចាស់ការលើកកម្ពស់សុខភាពរបស់ខ្លួន អនុវត្តត្រឹមត្រូវតាមអនុសាសន៍ ស្តីពីការបង្ការ ប្រឆាំងរោគរាលដាល ដើម្បីមានកម្លាំងគ្រប់គ្រាន់ឆ្លងផុតដំណាក់កាលដែលជំងឺCOVID-១៩ កំពុងតែរាលដាលពាសពេញនៅលើពិភពលោក។

វេជ្ជបណ្ឌិត ង្វៀនហ្វាងបាវង៉ុក ពិនិត្យជំងឺផ្តល់បទពិគ្រោះដល់អ្នកជំងឺខ្សោយតម្រងនោម

ពីវិធានការការពារខ្លួនក្នុងរដូវជំងឺរាលដាល។

យោងតាមវេជ្ជបណ្ឌិត ឯកទេស២ ង្វៀនហ្វាងបាវង៉ុក ក្នុងការរីករាលដាលនៃជម្ងឺCOVID-១៩ លើកនេះ បណ្តាករណីខ្សោយតម្រងនោមឆ្លងវីរុសCorona បានស្លាប់ព្រោះពួកគាត់មានភាពសុាំចុះខ្សោយពីមុនមក។ នៅផ្នែកជំងឺគ្រឿងក្នុងតម្រងនោម-លាងឈាមនៃមន្ទីរពេទ្យពហុព្យាបាលក្រុងកឹងធើ អ្នកជំងឺខ្សោយតម្រងនោម កើតជំងឺសួតចូលមន្ទីរពេទ្យព្យាបាលមានអត្រាខ្ពស់។ ក្នុងនោះ ករណីបាត់បង់ជីវិតដោយសារជំងឺរលាកសួតមានអត្រាពី ២%-៥% ។ ដូច្នេះគ្រូពេទ្យបានផ្តល់អនុសាសន៍ដល់មនុស្សគ្រប់រូប ជាពិសេស ចំពោះអ្នកជំងឺដែលខ្សោយតម្រង នោមនិយាយដោយឡែក គប្បីចៀសវាងការជួបប្រាស្រ័យជាមួយមនុស្សដែលមកពីតំបន់រោគរាតត្បាតឬចៀសវាងការទៅតំបន់ដែលរោគកំពុងរាតត្បាត ពីព្រោះប្រព័ន្ធភាពសុាំរបស់ពួកគាត់ចុះខ្សោយ។ គប្បីបង្កើនសុខភាពតាមរយៈរបបអាហារហូបចុកនិងការហាត់ប្រាណសមស្រប បំពេញបន្ថែមវីតាមីនC។ បង្កើនអនាម័យខ្លួនប្រាណ ពាក់ម៉ាស់ជាប្រចាំ លាងដៃនិងបោកគក់សម្លៀកបំពាក់ដោយទឹកកម្ចាត់មេរោគ។ គប្បីម្ចាស់ការរាយការណ៍សុខាភិបាល ប្រវត្តិនៃការជួបប្រាស្រ័យ។ល។ ដើម្បីបានណែនាំនិងជំនួយ។ អ្នកជំងឺគួរតែរាយការណ៍ជាបន្ទាន់ពេលមានរោគសញ្ញាដូចជាគ្រុនក្តៅ ឈឺបំពង់ក ពិបាកដកដង្ហើម ឈឺខ្លួននិងមិនមានក្លិន។ ពេលនៅក្នុងបន្ទប់លាងឈាមអ្នកជំងឺត្រូវពាក់ម៉ាស់ជានិច្ច កាត់បន្ថយការនិយាយគ្នា។ មិនត្រូវហូបចុកឬយករបស់របរផ្ទាល់ខ្លួនចូលបន្ទប់លាងឈាមឡើយ។ ពេលក្អកនិងកណ្តាស់ត្រូវយកដៃបាំងមាត់ ពេលខាក ស្តោះស្លេស្ម៍ត្រូវប្រើក្រដាសជូតមាត់ រួចដាក់ទៅក្នុងថង់នីឡុងហើយចោលក្នុងធុងសំរាមពេទ្យ។

វេជ្ជបណ្ឌិតបាវង៉ុក បានឱ្យដឹងបន្ថែមថា ចំពោះមុខស្ថានភាពរោគរាលដាលមានភាពស្មុគស្មាញនៅតាមបណ្តាខេត្តក្រុងរយៈពេលកន្លង ផ្នែកជំងឺគ្រឿងក្នុងតម្រងនោម-លាងឈាមបានសកម្មម្ចាស់ការមានវិធានការបង្ការការឆ្លងជំងឺនៅក្នុងបរិស្ថានសុខាភិបាល។ ដំបូងបង្អស់គឺបង្កើនការអប់រំអ្នកជំងឺមានស្មារតីភ្ញាក់រលឹកក្នុងការបង្ការ ប្រឆាំងជំងឺរាលដាល។ អ្នកជំងឺនិងសាច់ញាតិអ្នកជំងឺ ពេលចូលមន្ទីរពេទ្យត្រូវបានវាស់កម្ដៅខ្លួន ពិនិត្យសុខភាព ពេលចូលដល់បន្ទប់ជំងឺត្រូវបានពិនិត្យម្តងទៀត។ ឆ្លងតាមរយៈការប្រជុំក្រុមប្រឹក្សាអ្នកជំងឺ បុគ្គលិកសុខាភិបាលបានរំលឹកដល់អ្នកជំងឺ គប្បីប្រកាន់ខ្ជាប់នូវការព្យាបាលគួបផ្សំនឹងវិធានការបញ្ចៀសការឆ្លង ដូចជាការលាងដៃជាប្រចាំ និងពាក់ម៉ាស់ក្នុងពេលពិនិត្យនិងព្យាបាលជំងឺ ក៏ដូចជានៅទីសាធារណៈ។ មន្ទីរពេទ្យក៏បានឡើងវិធានការសម្រាប់ដំណើរការ បុគ្គលិកនិងគ្រឿងបរិក្ខារពេទ្យ ដើម្បីទទួលព្យាបាលក្នុងករណីអ្នកជំងឺខ្សោយតម្រងនោមចៃដន្យផ្ទុកជំងឺCOVID-១៩ ហើយធានាអនាម័យសម្អាតបន្ទប់លាងឈាម។ មានខ្យល់ចេញចូលដោយកង្ហារស្រូបខ្យល់ ម៉ាស៊ីនត្រជាក់និងបើកបង្អួច។ រយៈពេលកន្លង អង្គភាពលាងឈាមក៏បានជូនម៉ាស់ ទឹកលាងដៃកម្ចាត់មេរោគនិងរបស់របរចាំបាច់មួយចំនួន អាស្រ័យសប្បុរសជនបានរួមវិភាគទានជូនដល់អ្នកជំងឺក្រីក្រ សំដៅរួមកម្លាំងចែករំលែកការលំបាកជាមួយអ្នកជំងឺក្រីក្រក្នុងដំណាក់កាលនេះ៕

អត្ថបទនិងរូប: ធូសឿង-ប្រែសម្រួល៖ សុផន

ចែករំលែកអត្ថបទ

ពាក្យគន្លឹះ