មហាសាមគ្គីជនជាតិ គំរូក្នុងសហគមន៍

24/08/2020 - 16:39

អស់ពីព្រះទ័យក្នុងការចលនាកសាងជនបទថ្មី

ព្រះតេជព្រះគុណ ថាច់ថាវ ប្រធានសមាគមព្រះសង្ឃសាមគ្គីស្នេហាជាតិស្រុកកូវកែ ខេត្តត្រាវិញ ព្រះអង្គតែងយកអស់ពីព្រះទ័យគិតគូរដល់ពុទ្ធបរិស័ទចំណុះជើងវត្ត និងខ្នះខ្នែងក្នុងការចលនាកសាងជនបទថ្មី។

ព្រះតេជព្រះគុណថាច់ថាវ និមន្តចូលរួមក្នុងពិធីប្រកាសទទួលស្គាល់ស្រុកកូវកែសម្រេចបទដ្ឋានជនបទថ្មី។

ព្រះតេជព្រះគុណ ថាច់ថាវ មានថេរដីកា៖ “តាមយោបល់អាត្មាភាព ការប្ដេជ្ញាចិត្តរបស់គណៈកម្មាធិការបក្សគ្រប់លំដាប់ថ្នាក់ រដ្ឋអំណាចភូមិភាគ ការសាមគ្គីរវាងបណ្ដាជនជាតិ អ្នកកាន់សាសនា ព្រមជាមួយនឹងការឯកភាពក្នុងប្រជាជន គឺជាលក្ខណសម្បត្តិសំខាន់ ដើម្បីអនុវត្តសម្រេចលក្ខឋានជនបទថ្មី។ ក្នុងនាម ជាព្រះចៅអធិការវត្ត អាត្មាភាពតែងឆ្លៀតពេលផ្សព្វផ្សាយដល់ពុទ្ធបរិស័ទអំពីស្ថានភាពអភិវឌ្ឍសេដ្ឋកិច្ច-សង្គម និងលទ្ធផលនៃការកសាងជនបទថ្មីរបស់ឃុំ ស្រុក អំពីដំណោះស្រាយផែនការកំណត់ទិសដៅអនុវត្តក្នុងរយៈពេលខាងមុខ ដើម្បីពុទ្ធបរិស័ទបានយល់ដឹង និងអនុវត្តផ្នែកការងារទាក់ទិនដល់គ្រួសារ”។ ព្រះតេជព្រះគុណ ថាច់ថាវ ព្រមជាមួយនឹងគណៈកម្មការនិងព្រះសង្ឃក្នុងវត្ត សហការជាមួយនឹងអង្គការមហាជនភូមិភាគកសាងទម្រង់៖ “ចលនាពុទ្ធបរិស័ទប្រតិបត្តិល្អគោលមាគ៌ា គោលការណ៍របស់បក្ស គោលនយោបាយ ច្បាប់របស់រដ្ឋ” “ក្នុងផ្ទះមានត្រដោក មាត់ច្រកមានអំពូលភ្លើង” ។ល។

លោក ង្វៀនថាញ់ខៀក លេខាគណៈកម្មាធិការបក្សឃុំហ្វាអឹង បានបញ្ជាក់៖ “មិនត្រឹមតែជួយ ឧបត្ថម្ភ ខ្នះខ្នែងក្នុងសកម្មភាពនៅភូមិភាគប៉ុណ្ណោះទេ ព្រះតេជព្រះគុណថាច់ថាវ នៅទាំងចូលរួមផ្សព្វផ្សាយដល់ពុទ្ធបរិស័ទពីការងារកសាងជនបទថ្មី ការពារបរិស្ថានទៀតផង។ ព្រះអង្គខ្នះខ្នែងចលនាប្រភពកម្លាំង ដើម្បីជួយដល់ការកសាងផ្លូវគមនាគមន៍ ជូនអំណោយគ្រួសារក្រីក្រ ។ល។ ក្រៅពីនោះ ព្រះអង្គតែងក្រើនរំលឹកដល់ពុទ្ធបរិស័ទគោរពច្បាប់រដ្ឋ មិនចូលរួមបាបគ្រោះសង្គម រក្សាសណ្ដាប់ធ្នាប់ភូមិស្រុក។ ខ្នះខ្នែងកែលម្អសោភណភាពបរិស្ថាន ដាំដើមឈើ ផ្កាលម្អជុំវិញផ្ទះ រួមវិភាគទានកសាងផ្លូវភ្លឺ-បៃតង-ជ្រះស្អាត។ ថែរក្សានិងពង្រីកអត្តសញ្ញាណវប្បធម៌ប្រវេណីជនជាតិ បើកថ្នាក់បង្រៀនអក្សរខ្មែរ។ល។ ការខិតខំនិងយកព្រះទ័យទុកដាក់របស់ព្រះអង្គ បានរួមចំណែកក្នុងការកសាងស្រុកកូវកែក្លាយជាស្រុកជនបទថ្មី”៕

សឺនម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ