គោលនយោបាយ -ការរស់នៅ គោលនយោបាយ

17/08/2020 - 16:46

កាត់បន្ថយភាពក្រីក្រដោយចីរភាពក្នុងជនជាតិភាគតិច

យោងតាមគណៈជនជាតិក្រុងកឹងធើ កម្មវិធីទិសដៅជាតិកាត់បន្ថយភាពក្រីក្រក្នុងជនជាតិភាគតិចលើភូមិសាស្រ្តក្រុងកឹងធើរយៈពេលកន្លងត្រូវបានអនុវត្តល្អ ជួយជនជាតិភាគតិចលើកកម្ពស់ជីវភាពគ្រប់ផ្នែក។

គ្រួសារបងយ័ញហ្វាងយ៉ាង (ខាងឆ្វេង) នៅភូមិធើយត្រឿង២ ឃុំធើយស្វឹង ស្រុកកើ-ដ បានចាកផុតពីភាពក្រីក្រ លើកកម្ពស់ជីវភាពគ្រប់ផ្នែក។

អនុវត្តកម្មវិធីទិសដៅជាតិកាត់បន្ថយភាពក្រីក្រចីរភាពក្នុងជនជាតិភាគតិច ក្រៅពីគោលនយោបាយរបស់មជ្ឈិម ក្រុងកឹងធើថែមទាំងដាក់ឱ្យប្រើគោលនយោបាយជំនួយដាច់ដោយឡែកទៀតផង។ តួយ៉ាងដូច៖ ជំនួយថវិការៀនសូត្រដល់សិស្ស និស្សិតជនជាតិភាគតិចក្រីក្រ; ជំនួយថវិកាទិញដីសង់ផ្ទះឱ្យជនជាតិភាគតិចក្រីក្រដែលគ្មានដីសង់ផ្ទះ; ជំនួយថវិកាសម្រាប់រៀបចំពិធីបុណ្យផ្សេងៗរបស់ជនជាតិភាគតិចរៀងរាល់ឆ្នាំ។ល។ អាស្រ័យហេតុនោះ អត្រាគ្រួសារក្រីក្រជាជនជាតិភាគតិចថយចុះច្បាស់ក្រឡែតនិងប្រកបដោយចីរភាព ដូចកាលពីចុងឆ្នាំ ២០១៦ ក្រុងកឹងធើ មានគ្រួសារជនជាតិភាគតិចក្រីក្រចំនួន ១.១៤៦ លុះដល់ដើមឆ្នាំ ២០២០ នៅតែ ១៨៦ គ្រួសារ ស្រូបអត្រា ៧,៧៥% នៃចំនួនគ្រួសារក្រីក្រទូទាំងក្រុង និងស្រូបអត្រា ១,៩% នៃចំនួនគ្រួសារជនជាតិភាគតិច។

លទ្ធផលខាងលើ លោកដាវហឿង អនុប្រធានគណៈជនជាតិក្រុងកឹងធើ ឱ្យដឹង៖ ការងារធ្វើឱ្យជាក់ស្តែងនូវគោលនយោបាយជនជាតិនៅភូមិភាគ ត្រូវបានប្រព័ន្ធនយោបាយគ្រប់លំដាប់ថ្នាក់ផ្តោតការយកចិត្តទុកដាក់និងអនុវត្តល្អ បានជះឥទ្ធិពលដល់លទ្ធផលក្នុងការរៀបចំអនុវត្តកម្មវិធី និងគម្រោងផ្សេងៗ ពិសេសក្នុងការកាត់បន្ថយភាពក្រីក្រក្នុងជនជាតិភាគតិច ជួយជនរួមជាតិភាគតិចជាសន្សឹមៗលើកកម្ពស់ជីវភាព។ ក្រៅពីនេះ ដោយលក្ខណៈរបស់ក្រុងកឹងធើ គឺជនជាតិភាគតិចរស់នៅលាយឡំគ្នាក្នុងសហគមន៍ ម្ល៉ោះហើយការអនុវត្តគោលនយោបាយអភិវឌ្ឍរួមរបស់ក្រុង គឺជនជាតិភាគតិច តែងទទួលបានផលប្រយោជន៍។ គួបផ្សំជាមួយក្រុង រៀបចំអនុវត្តនូវគោលនយោបាយជនជាតិផងនោះ ម្ល៉ោះហើយខាងហេដ្ឋារចនាសម្ព័ន្ធមូលដ្ឋានសេដ្ឋកិច្ច-សង្គម ដូច៖ ការអប់រំ ថែទាំសុខភាព។ល។ តែងឆ្លើយតបទៅនឹងតម្រូវការរបស់ជនរួមជាតិ។ មកទល់ពេលនេះ ក្រុងសម្រេចជាស្ថាពរ ៣៦/៣៦ ឃុំជនបទថ្មី បង្កលក្ខណសម្បត្តិងាយស្រួលដល់ជនរួមជាតិលើកកម្ពស់ជីវភាពគ្រប់ផ្នែក។

អនុវត្តគោលនយោបាយជនជាតិ ពិសេសគឺកាត់បន្ថយភាពក្រីក្រចីរភាពក្នុងជនជាតិភាគតិច លោក ដាវហឿង ឱ្យដឹង៖ គណៈកម្មាធិការប្រជាជនក្រុងកឹងធើ ចង្អុលការផ្សព្វផ្សាយអនុវត្តឱ្យបានល្អនូវការងារត្រួតពិនិត្យ កំណត់ច្បាស់ឃុំ ភូមិតំបន់ជនជាតិភាគតិច យោងទៅតាមកម្រិតនៃការអភិវឌ្ឍ។ នេះគឺជាមូលដ្ឋានគ្រឹះដ៏សំខាន់ដើម្បីគណៈកម្មាធិការបក្សគ្រប់លំដាប់ថ្នាក់ និងរដ្ឋអំណាចភូមិភាគ ដាក់ចេញនូវគោលនយោបាយ ដំណោះស្រាយសមស្រប និងមានផែនការវិនិយោគសមជាមួយនឹងលក្ខណៈជាក់ស្តែង ជួយភូមិភាគជំរុញល្បឿនអភិវឌ្ឍសេដ្ឋកិច្ច-សង្គមតំបន់ជនជាតិភាគតិច ដើម្បីបង្រួញគម្លាតរវាងតំបន់នីមួយៗ។ ថ្វីត្បិតដូច្នោះក្តី គ្រួសារក្រីក្រក្នុងជនជាតិភាគតិចនៅមានចំនួនខ្ពស់ បើប្រៀបនឹងគ្រួសារក្រីក្ររួមរបស់ក្រុង (ពិសេសគឺ ជនជាតិខ្មែរ)។ អាស្រ័យហេតុនោះ ក្នុងដំណាក់កាល ២០២១-២០២៥ ក្រុងបានស្នើដល់គណៈ ផ្នែក បន្តការផ្សព្វផ្សាយគោលនយោបាយពិសេសដាច់ដោយឡែក ដើម្បីឧបត្ថម្ភអភិវឌ្ឍសេដ្ឋកិច្ច-សង្គមដល់ជនជាតិភាគតិច យោងទៅតាមលក្ខណៈនៃតំបន់វាលរាបទន្លេគឺវឡុង តំបន់មានជនជាតិភាគតិចរស់នៅលាយឡំគ្នា ក្នុងនោះ មានក្រុងកឹងធើ៕

ថាញ់ឡុង-លីសៀ

ចែករំលែកអត្ថបទ

ពាក្យគន្លឹះ