សន្តិសុខ - ការពារប្រទេស ការពារប្រទេស

22/06/2020 - 17:53

សម្រេចជាស្ថាពរមហាសន្និបាតសាខាបក្ស និងបក្ខភាគមូលដ្ឋាន

អាណត្តិកាលកន្លង ក្រោមការដឹកនាំ និងចង្អុលការផ្ទាល់របស់គណៈកម្មាធិការបក្ស បញ្ជាការដ្ឋានកងទ័ពការពារព្រំដែនខេត្ត សាខាបក្ស និងបក្ខភាគក្រោមឱវាទ បានផ្តុំកម្លាំងដឹកនាំ ចង្អុលការសម្រេចទិសដៅ ភារកិច្ចនៃសេចក្តីសម្រេចចិត្តដែលមហាសន្និបាតអាណត្តិកាល២០១៥-២០២០បានដាក់ចេញ។ ពោលគឺសាខាបក្សនិងបក្ខភាគ បានខ្នះខ្នែងផ្លាស់ថ្មីទាំងខ្លឹមសារនិងរូបភាព លើកកម្ពស់គុណភាពការងារអប់រំនយោបាយ សតិអារម្មណ៍ ស្មារតីភ្ញាក់រលឹកគោរពច្បាប់ វិន័យកងទ័ពដល់កម្មាភិបាល និងយុទ្ធជន។ ឆ្លងតាមរយៈនោះ ការងារកសាងបក្ស ត្រួតពិនិត្យ ឃ្លាំមើលក្នុងបក្ស ជានិច្ចកាលត្រូវបានផ្តោតការយកចិត្តទុកដាក់អនុវត្ត សម្រេចបានលទ្ធផលគួរឱ្យកត់សម្គាល់ជាច្រើន។

បក្ខជននៃបក្ខភាគប៉ុស្តិ៍ការពារព្រំដែនទ្រុងប៊ិញ អនុម័តលើឯកសារមហាសន្និបាតអាណត្តិកាល២០២០-២០២៥។

បក្ខភាគកងទ័ពការពារព្រំដែនសុកត្រាំង មានអង្គការបក្ខភាគចំនួន៦និងសាខាបក្សមូលដ្ឋានចំនួន៦។ ខណៈពេលមានការណែនាំពីថ្នាក់លើ ស្តីពីការផ្សព្វផ្សាយមហាសន្និបាតបក្ខភាគគ្រប់លំដាប់ថ្នាក់ គណៈកម្មាធិការបក្សកងទ័ពការពារព្រំដែនខេត្ត បានដាក់ចេញផែនការ ចង្អុលការ និងរៀបចំអនុវត្តតែម្តង។ ឆ្លងតាមរយៈនោះ ក៏បានជ្រើសបក្ខភាគប៉ុស្តិ៍ការពារព្រំដែនអាងថាញ់បា និងសាខាបក្សការិយាល័យ បង្ការប្រឆាំងគ្រឿងញៀន និងបទល្មើសរៀបចំមហាសន្និបាតគំរូ។ ផ្តើមពីនោះ ដក់ស្រង់នូវបទពិសោធន៍ ម្ចាស់ការក្តោបក្តាប់ស្ថានការណ៍ ចាត់វិធានការបានទាន់ពេល ដោះស្រាយបញ្ហាចំពោះសាខាបក្សណាដែលជួបការលំបាក ឬក៏មានបញ្ហាស្មុគស្មាញកើតឡើង។ តាមប្រសាសន៍ វរសេនីយ៍ឯក ង្វៀនត្រេវម៉េន លេខាគណៈកម្មាធិការបក្ស ស្នងការនយោបាយកងទ័ពការពារព្រំដែនខេត្តសុកត្រាំង ចាប់ពីថ្ងៃទី៥ដល់ថ្ងៃទី២៧ ខែឧសភា ឆ្នាំ២០២០ គ្រប់សាខាបក្ស និងបក្ខភាគមូលដ្ឋានចំណុះបក្ខភាគនៃកងទ័ពការពារព្រំដែនសុកត្រាំង បានរៀបចំមហាសន្និបាតអាណត្តិកាល២០២០-២០២៥ ប្រកបដោយជោគជ័យ ត្រូវតាមផែនការដែលបានដាក់ចេញ។ ដូច្នេះ មហាសន្និបាតថ្នាក់មូលដ្ឋានក្នុងបក្ខភាគនៃកងទ័ពការពារព្រំដែនសុកត្រាំង តែងរៀបចំត្រូវតាមគោលការណ៍កំណត់ច្បាស់លាស់ និងបែបបទដាក់ចេញ ដូច៖ ឯកសារត្រៀមបម្រុងហ្មត់ចត់ ពិភាក្សាធានាគុណភាព; ការងារបុគ្គលិកថ្នាក់គណៈកម្មាធិការបក្ស ត្រូវតាមទិសដៅ រចនាសម្ព័ន្ធ និងកិច្ចចង្អុលការ១០០%; លទ្ធផលបោះឆ្នោតលេខា អនុលេខា សម្រេច១០០%។ល។ មហាសន្និបាតមានសមមិត្តចំនួន៤៣រូប ជាប់ឆ្នោតចូលគណៈប្រតិបត្តិការ លេខា អនុលេខា អាណត្តិកាល២០២០-២០២៥ មានសមមិត្តជាប់ឆ្នោតជាតំណាងពេញសិទ្ធិចំនួន៦៩រូប តំណាងបម្រុង១២រូបចូលរួមមហាសន្និបាតថ្នាក់លើ។ នេះជាជំហានជោគជ័យដំបូងដើម្បីឈានឆ្ពោះទៅមហាសន្និបាតបក្ខភាគកងទ័ពការពារព្រំដែនខេត្ត លើកទីXII អាណត្តិកាល២០២០-២០២៥ នៅពេលខាងមុខ។

វរសេនីយ៍ឯក ង្វៀនត្រេវម៉េន លេខាគណៈកម្មាធិការបក្ស ស្នងការនយោបាយកងទ័ពការពារព្រំដែនខេត្តសុកត្រាំង គូសបញ្ជាក់៖ គ្រប់សាខាបក្ស និងបក្ខភាគ ត្រូវកំណត់ច្បាស់ទិសដៅ ភារកិច្ចសំខាន់ៗមួយចំនួនដូច៖ កសាងអង្គភាពរឹងមាំលើគ្រប់វិស័យ សណ្តាប់ធ្នាប់រៀបរយ អនុវត្តម៉ឺងម៉ាត់ វិន័យ ក្រឹត្យច្បាប់ ជាមួយគោលលំនាំសមូហភាពដឹកនាំ បុគ្គលទទួលខុសត្រូវ កម្មាភិបាល យុទ្ធជនគ្រប់រូបសាមគ្គីឯកភាព អនុវត្តជោគជ័យភារកិច្ចនយោបាយដែលប្រគល់ឱ្យការពាររឹងមាំអធិបតេយ្យសន្តិសុខព្រំដែនសមុទ្ររបស់ខេត្ត។ តស៊ូបង្រ្កាបមានប្រសិទ្ធភាពរាល់បទល្មើស តាមបន្ទាត់ព្រំដែន រក្សាខ្ជាប់សន្តិសុខនយោបាយសណ្តាប់ធ្នាប់សុវត្ថិភាពសង្គមលើភូមិសាស្រ្ត ដែលអង្គភាពគ្រប់គ្រង។ បន្តអនុវត្តមានប្រសិទ្ធភាពសេចក្តីសម្រេចចិត្តមជ្ឈិម៤ នីតិកាលXII “ស្តីពីបង្កើនការកសាង រៀបចំបក្ស; ទប់ស្កាត់ ច្រានថយការធ្លាក់ចុះនូវសតិអារម្មណ៍នយោបាយ សីលធម៌ ផ្នត់រស់នៅដែលស្ដែងចេញ “ដំណើរការវិបល្លាស” “ការបំប្លែងធាតុដោយខ្លួនឯង" ក្នុងផ្ទៃក្នុង” ផ្សារភ្ជាប់នឹងការអនុវត្តបទបញ្ជាលេខ ០៥-CT/TW របស់ការិយាល័យនយោបាយ និងបទបញ្ជាលេខ៨៧-CT/QUTW របស់គណៈកម្មាធិការបក្សយោធាមជ្ឈិមស្តីពី “ជំរុញមាំការរៀនសូត្រនិងធ្វើតាមឧត្តមគតិ ឥរិយាបថហូជីមិញ” និងការចលនា “ពង្រីកប្រវេណី ចូលរួមកម្លាំងបញ្ញា សក្តិសមជាកងទ័ពអ៊ំហូ”។ល។៕

យ្វីអាញ់-លីសៀ

ចែករំលែកអត្ថបទ

ពាក្យគន្លឹះ