សុខភាព - អប់រំ អប់រំ

04/05/2020 - 15:40

អភិរក្សអក្សរសាស្រ្តរបស់ជនរួមជាតិខ្មែរ

យោងតាមគណៈជនជាតិខេត្តកាម៉ាវ សព្វថ្ងៃក្នុងខេត្តមានអត្រាជនរួមជាតិខ្មែរមិនចេះភាសា អក្សរសាស្រ្តជាតិរបស់ខ្លួនមានចំនួនច្រើន។ ហេតុនោះ រយៈពេលកន្លង គណៈកម្មាធិការប្រជាជនខេត្តកាម៉ាវ មានគោលការណ៍ឧបត្ថម្ភថវិកា ចាត់តាំងបង្រៀនអក្សរខ្មែរនៅតាមវត្ត សាលាទាន និងនៅតាមទីតាំងសាលាដែលមានជនរួមជាតិខ្មែររស់នៅកុះករ។

សិស្សសាលាអនុវិទ្យាល័យជនជាតិអន្តេវាសិកយ័ញធីតឺយ កំពុងស្រាវជ្រាវ

ឯកសាររៀនសូត្រ។ រូបថត៖ http:// baocamau.com.vn

នៅខេត្តកាម៉ាវ ការបង្រៀននិងរៀនអក្សរខ្មែរ មិនទាន់បានដាក់បញ្ចូលក្នុងកម្មវិធីអប់រំកម្រិតបឋមសិក្សានៅឡើយ។ ការបង្រៀននិងរៀនអក្សរខ្មែរ គ្រាន់តែបានរៀបចំបង្រៀននៅកម្រិតអនុវិទ្យាល័យនិងវិទ្យាល័យ នៅសាលាអនុវិទ្យាល័យជនជាតិអន្តេវាសិកយ័ញធីតឺយ សា លាជនជាតិអន្ដេវាសិកហ៊ឺវញែម និងសាលាវិទ្យាល័យជនជាតិអន្តេវាសិកខេត្តកាម៉ាវ។ លោកទ្រីវក្វាងឡើយ ប្រធានគណៈជនជាតិខេត្តកាម៉ាវ ឱ្យដឹង៖ ជាក់ស្ដែងអត្រាប្រជាជនក្នុងជនរួមជាតិខ្មែរមិនចេះភាសា អក្សរសាស្រ្តជាតិរបស់ខ្លួន មានអត្រាខ្ពស់បង្គួរ។ នេះជាមូលហេតុអន់ថយមួយក្នុងចំណោមមូលហេតុទាំងឡាយដែលញុាំងឱ្យអត្តសញ្ញាណវប្បធម៌ប្រវេណី ភាសា អក្សរសាស្រ្តរបស់ជនរួមជាតិខ្មែរ រងការសាបរលាបជាបណ្ដើរៗ ប្រសិនបើគ្មានការវិនិយោគអភិរក្សបានសមស្រប។

ចំពោះស្ថានភាពខាងលើ គណៈកម្មាធិការប្រជាជនខេត្តកាម៉ាវ បានផ្ដល់គោលការណ៍ និងឧបត្ថម្ភថវិកាចាត់តាំងបង្រៀនអក្សរខ្មែរ។ ថ្នាក់រៀនត្រូវបានចាត់តាំងនៅតាមវត្តអារាម សាលាទាន និងតាមទីតាំងសាលាដែលមានជនរួមជាតិខ្មែររស់នៅកុះករ នាឱកាសវិស្សមកាល។ អ្នកមីងហ៊ឺវធីហ៊ីវ នៅភូមិកើយតឺ ឃុំខាញ់ប៊ិញតី ស្រុកត្រឹងវ៉ាន់ថើយ ឱ្យដឹង៖ “ខ្ញុំចេះនិយាយភាសាខ្មែរបានបន្ដិចបន្ដួច; ចំណែកអក្សរខ្ញុំមិនចេះ។ ព្រោះហេតុនោះ ខ្ញុំតែងលើកទឹកចិត្តកូនរបស់ខ្លួនឱ្យទៅរៀន។ ពេលមើលកូនអានអក្សរ និងហាត់សរសេរអក្សរខ្មែរ ខ្ញុំសប្បាយចិត្តខ្លាំងណាស់”។

ឆ្នាំ២០១៩ ខេត្តកាម៉ាវ ចាត់តាំងបើកបង្រៀន និងរៀនអក្សរខ្មែរនៅ២៦កន្លែង ដោយមានចំនួន៤០បន្ទប់រៀន មានសិស្សចូលរៀនជាង៧០០នាក់ សរុបថវិកាឧបត្ថម្ភជិត២០០លានដុង។ ក្រៅពីកម្មវិធីបង្រៀនក្នុងសាលារៀន ការរៀនអក្សរខ្មែរក្នុងឱកាសវិស្សមកាល ក៏បានជួយឱ្យប្អូនៗសិស្សានុសិស្សក្ដាប់បានពីរបៀបអាននិងសរសេរ។ អាស្រ័យហេតុនោះ ប្អូនៗអាចនិយាយនិងសរសេរអក្សរខ្មែរបាន; ជាជំហានៗបង្កើនចំណេះវិជ្ជា មានការយល់ដឹងអំពីទំនៀមទម្លាប់ ចេះគោរពស្រឡាញ់ និងអភិរក្សភាសា អក្សរសាស្រ្ត ប្រវេណីជនជាតិរបស់ខ្លួន។

ថ្វីបើដូច្នោះក្ដី តាមប្រសាសន៍លោកទ្រីវក្វាងឡើយ អក្សរខ្មែរគឺពិបាករៀន គ្រូបង្រៀនភាគច្រើនមានវិជ្ជាជីវៈជំនាញទាប ម្ល៉ោះហើយការ បង្រៀននៅជួបលំបាកច្រើន។ ព្រោះហេតុនោះ គណៈជនជាតិបានស្នើដល់គណៈកម្មាធិការប្រជាជនខេត្ត បន្តការយកចិត្តទុកដាក់ចង្អុលការគ្រប់ផ្នែក សមត្ថកិច្ចនិងភូមិភាគ សហការជិតដិតក្នុងការចាត់តាំងបង្រៀនអក្សរខ្មែរ។ គណៈជនជាតិ បានសហការជាមួយនឹងមន្ទីរអប់រំនិងបណ្តុះបណ្តាល បង្កលក្ខណសម្បត្តិល្អបំផុតសម្រាប់សមាគមព្រះសង្ឃសាមគ្គីស្នេហាជាតិខេត្តកាម៉ាវ រៀបចំបើកថ្នាក់ហ្វឹកហាត់ បំពាក់បំប៉នមុខវិជ្ជាជីវៈដល់គ្រូបង្រៀនអក្សរខ្មែរ លើកកម្ពស់កម្រិតវិជ្ជា វិធីសាស្រ្តបង្រៀន។ ឆ្លងតាមរយៈនោះ លើកកម្ពស់គុណភាពបណ្តុះបណ្តាល រួមចំណែកអភិរក្ស ថែរក្សានិងពង្រីកភាសា អក្សរសាស្រ្តរបស់ជនរួមជាតិខ្មែរ៕

ថាញ់ឡុង - ថាច់ធី

ចែករំលែកអត្ថបទ

ពាក្យគន្លឹះ