មហាសាមគ្គីជនជាតិ គំរូក្នុងសហគមន៍

08/04/2020 - 09:44

កម្មាភិបាលនារី បានប្រជាជនទុកចិត្តស្រឡាញ់រាប់អាន

ហ៊ឺវធីហីវ លេខាសាខាបក្សភូមិកើយតឺ។

ខែឧសភា ឆ្នាំ២០១០ បន្ទាប់ពីចេញសាលាបានជិត១ឆ្នាំ យុវតីនិស្សិត ហ៊ឺវធីហីវ កើតឆ្នាំ១៩៨៦ បានទទួលចូលបម្រើការងារនៅសមា គមសហព័ន្ធនារីឃុំខាញ់ប៊ិញតី ស្រុកត្រឹងវ៉ាន់ថើយ ខេត្តកាម៉ាវ។ ទីនេះ បានបន្តនូវក្តីបំណងប្រាថ្នារបស់នារីខ្មែរម្នាក់ សព្វថ្ងៃកម្មាភិបាលនារី ទទួលបានការពេញចិត្ត ស្រឡាញ់រាប់អានពីប្រជាជន។

ហ៊ឺវធីហីវ រៀបរាប់៖ “នាងខ្ញុំបញ្ចប់ការសិក្សាផ្នែកព័ត៌មានវិទ្យាគណនេយ្យ សាលាមធ្យមសិក្សាសេដ្ឋកិច្ចបច្ចេកទេសកាម៉ាវ ឆ្នាំ២០០៨។ ទោះបីបានឧទ្ទេសនាមការងារធ្វើជាច្រើនកន្លែងនៅក្នុងនិងក្រៅខេត្ត ប៉ុន្តែនាងខ្ញុំមានបំណងវិលមកបម្រើការនៅស្រុកកំណើត។ ទី១ គឺដើម្បីមានឱកាសថែទាំឪពុកម្តាយចាស់។ ទី២ ជួយបងប្អូននារីខ្មែរ ពិសេសគឺបងប្អូននារីខ្មែរក្រីក្រ ដើម្បីមានភាពជឿនលឿន គឺជាក្តីប្រាថ្នារបស់នាងខ្ញុំ។

ដំបូងចូលធ្វើការ នាងខ្ញុំពុំដឹងការងារសមាគមជាអ្វីនោះទេ ម៉្លោះហើយនាងខ្ញុំតែងត្រងត្រាប់ រៀនសូត្របទពិសោធពីរៀមច្បង។ រយៈកាលជិត៤ឆ្នាំ ចាប់ពីថ្ងៃចូលបម្រើការងារ ឆ្នាំ២០១៤ ហ៊ឺវធីហីវ បានចូលក្នុងកងជួរបក្ស។ បងស្រីហីវ រំលឹក៖ “បានចូលកងជួរបក្ស នាងខ្ញុំរំភើបចិត្តណាស់។ ពីព្រោះការខិតខំប្រឹងប្រែងពេញទំហឹងរបស់នាងខ្ញុំ តែងបានគណៈកម្មាធិការបក្សសម្លឹងឃើញនិងទទួលស្គាល់។ល។ ប្រាំមួយខែក្រោយមក នាងខ្ញុំបានបញ្ជូនមកប្រជុំជីវភាពបក្សនៅសាខាបក្សភូមិកើយតឺ កន្លែងដែលនាងខ្ញុំកំពុងរស់នៅ”។

កើយតឺជាភូមិមួយក្នុងចំណោមភូមិទាំង ៤ មានជនរួមជាតិខ្មែររស់នៅច្រើនបំផុតរបស់ឃុំខាញ់ប៊ិញតី។ សាខាបក្សភូមិកាលនោះ មានបក្ខជនជាង១០រូប ក្នុងនោះមានបក្ខជនជាជនជាតិខ្មែរ២រូប ភាគច្រើនសុទ្ធតែឋិតក្នុងវ័យជាពូ ជាអ៊ំរបស់ខ្ញុំ។ “ជាបក្ខជនវ័យក្មេង និងជាស្រ្តី ម៉្លោះហើយតែងបានពូៗស្រឡាញ់រាប់អានខ្លាំងណាស់។ ការងារអ្វីក៏បានពូៗជួយណែនាំដោយអស់ពីចិត្ត។ មិនមែនថាដូច្នេះហើយនាងខ្ញុំសម្អាងនោះទេ។ ពីព្រោះ នាងខ្ញុំបានមកប្រជុំជីវភាពបក្សនៅសាខាបក្សភូមិកើយតឺ គឺបានគណៈកម្មការបក្ស ចាត់បញ្ជូនមក។ ក្រៅពីតួនាទីជាបក្ខជន ខ្ញុំនៅមានតួនាទីជាកម្មាភិបាលទទួលបន្ទុកភូមិ។ នាងខ្ញុំត្រូវតែជិតដិតនឹងប្រជាជន ស្វែងយល់ពីមតិគោលបំណងរបស់ប្រជាជន ធ្វើរបាយការណ៍ឬក៏លើកសំណើ ដើម្បីគណៈកម្មាធិការបក្ស ជួយដោះស្រាយការលំបាកនេះ”។ –ហ៊ឺវធីហីវ ចែករំលែកដូច្នេះ។

ហ៊ឺវធីហីវកំពុងពិភាក្សាការងារជាមួយនឹងកម្មាភិបាលការិយាល័យ

ជនជាតិស្រុកត្រឹងវ៉ាន់ថើយ។

ចាប់តាំងពីពេលទទួលនាទីជាកម្មាភិបាលទទួលបន្ទុកមូលដ្ឋាន ការងារជាច្រើនក្នុងការចលនានារី ត្រូវបាននាងខ្ញុំផ្សព្វផ្សាយ ឃោសនា ចលនាបងប្អូននារីអនុវត្តប្រកបដោយប្រសិទ្ធភាព។ លេចធ្លោបំផុតគឺចលនាបុលទុនអភិវឌ្ឍផលិតកម្ម ធ្វើអាជីវកម្ម ដាំដុះនិងចិញ្ចឹមសត្វ។ មិនតែប៉ុណ្ណោះ នាងខ្ញុំនៅទាំង “នាំមុខ” ក្នុងការកសាងទម្រង់និងក្លឹបជាច្រើនសំដៅទាក់ទាញ ប្រមូលផ្តុំបងប្អូននារី និងបង្កលក្ខណសម្បត្តិដើម្បីបងប្អូននារីទំនាក់ទំនង រៀនសូត្រ ចែករំលែកបទពិសោធន៍។ល។ ហ៊ឺវធីហីវ ចែករំលែក៖ “ពីមុនការចលនាបងប្អូននារី ពិសេសគឺនារីខ្មែរចូលសមាគមគឺលំបាកណាស់។ ឥឡូវ អ្នកណាក៏ចង់សូមចូលសមាគម។ ពីព្រោះ ជាច្រើនឆ្នាំមកនេះ ដោយសកម្មភាពជាក់ស្តែងជាច្រើន សមាគមសហព័ន្ធនារីឃុំខាញ់ប៊ិញតី បានក្លាយជាទីបង្អែកសម្រាប់បងប្អូននារី មិនត្រឹមតែក្នុងការស់នៅប៉ុណ្ណោះទេ ថែមទាំងការពង្រីកសេដ្ឋកិច្ចគ្រួសារទៀតផង”។ អ្នកមីងហ្វិញធីប៊ិញ ជាជនជាតិខ្មែរនៅភូមិកើយតឺ ឱ្យដឹង៖ “ក្មួយហីវ វ័យនៅក្មេង ប៉ុន្តែជាកម្មាភិបាលគំរូ ខ្នះខ្នែង ជួយបងប្អូននារីដោយអស់ពីចិត្ត។ ពិសេស ក្មួយហីវជាជនជាតិខ្មែរ តែងយកចិត្តទុកដាក់ជួយបងប្អូននារីខ្មែរ បំផុតគឺបងប្អូននារីខ្មែរក្រីក្រ”។

ដើមដំបូង យុវតីនិស្សិត ហ៊ឺវធីហីវ ដែលធ្លាប់តែញញើតញញើម អៀនប្រៀន ឥឡូវជាអនុប្រធានសមាគមសហព័ន្ធនារីឃុំខាញ់ប៊ិញតី។ ហើយនៅចុងឆ្នាំ២០១៩ ហ៊ឺវធីហីវ បានសាខាបក្សទំនុកចិត្តបោះឆ្នោតតែងតាំងជាលេខាសាខាបក្សភូមិកើយតឺ។ លោកហ៊ឺវវ៉ាន់ស៊ីល អ្នកមានប្រជាប្រិយនៅភូមិកើយតឺ មានប្រសាសន៍៖ “ក្មួយហីវ តែងទទួលយកយោបល់ពីប្រជាជន។ ប្ដូរផ្ដាច់នឹងការងារដើម្បីប្រយោជន៍ប្រជាជន។ល។ កម្មាភិបាលនារីជនជាតិយ៉ាងនេះ អ្នកណាក៏មិនស្រឡាញ់រាប់អានបានទៅ” ៕

ថាញ់ឡុង-មុនី

ចែករំលែកអត្ថបទ

ពាក្យគន្លឹះ