គោលនយោបាយ -ការរស់នៅ គោលនយោបាយ

02/03/2020 - 15:04

បង្កលក្ខណៈដើម្បីជនជាតិភាគតិចអភិវឌ្ឍសេដ្ឋកិច្ច

រយៈពេលកន្លង ខេត្តហូវយ៉ាង បានអនុវត្តមានប្រសិទ្ធភាពនូវសេចក្តីសម្រេចចិត្ត បទបញ្ជារបស់គណៈប្រតិបត្តិការមជ្ឈិមបក្ស និងគណៈលេខាអំពីការងារជនជាតិ និងបង្កើនការងារនៅតំបន់ជនរួមជាតិខ្មែរក្នុងស្ថានភាពថ្មី។ ដូច្នេះ ជីវភាពសេដ្ឋកិច្ចរបស់ជនរួមជាតិខ្មែរនៅតំបន់នេះបានរីកចម្រើន។

គ្រួសារប្រជាជនចូលរួមដាំផ្សិតអំបោះនៅឃុំតឹងប៊ិញ ស្រុកផុងហេប។

យោងតាមនោះ គណៈអចិន្ត្រៃយ៍នៃគណៈកម្មាធិការបក្សខេត្ត គណៈកម្មាធិការប្រជាជនខេត្តហូវយ៉ាងបានចេញសេចក្តីសម្រេចផែនការនិងសេចក្តីសន្និដ្ឋាន ដើម្បីអនុវត្តនៅតំបន់ជនជាតិភាគតិចអំពីកម្មវិធីសកម្មភាពអនុវត្តយុទ្ធសាស្ត្រការងារជនជាតិនៅឆ្នាំ២០២០ លើភូមិសាស្រ្ត ខេត្តហូវយ៉ាង អនុវត្តគោលដៅអភិវឌ្ឍន៍សហស្សវត្សរ៍ចំពោះជនជាតិភាគតិចផ្សារភ្ជាប់នឹងទិសដៅអភិវឌ្ឍន៍ប្រកបដោយចីរភាពនៅខេត្តហូវយ៉ាង។ អនុម័តិជាផ្លូវការគម្រោងពិសេសដោយឡែកជំនួយការអភិវឌ្ឍសេដ្ឋកិច្ច-សង្គម នៅតំបន់ជនជាតិភាគតិចលើភូមិសាស្រ្តខេត្ត ដំណាក់កាល២០១៩-២០២៥។ល។

ដោយសារការអនុវត្តព្រមៗគ្នានូវសេចក្តីសម្រេចចិត្តដែលបានលើកឡើងខាងលើ ម្ល៉ោះហើយជីវភាពរបស់ជនជាតិភាគតិចនៅខេត្តហូវយ៉ាង មានការផ្លាស់ប្តូរជាវិជ្ជមាន។ លោកយ័ញវ៉ាន់ហ្វាង ប្រធានការិយាល័យជនជាតិស្រុកចូវថាញ់A បានមានប្រសាសន៍៖“ ផ្តើមពីប្រភពទុនវិនិយោគរួមនិងប្រភពជំនួយពិសេសដោយឡែក ជនរួមជាតិលើភូមិសាស្រ្តបានបង្វែរទម្រង់ផលិតកសិកម្មសមស្របទៅនឹងការប្រែប្រួលអាកាសធាតុ។ ទន្ទឹមនឹងនោះ សកម្មក្នុងការផ្លាស់ប្តូរទម្លាប់ផលិតកម្មចាស់ងាក ទៅរកបច្ចេកទេសវប្បកម្មទំនើប។ ចាប់តាំងពីពេលនោះមក ទិន្នផលនិងគុណភាពក្នុងផលិតកសិកម្មត្រូវបានកែលម្អឡើង”។ មានផ្លូវថ្នល់ជាច្រើននៅតំបន់ជនជាតិភាគតិចត្រូវបានធ្វើថ្មី បើក ទូលាយ និងបង្កើនកម្រិតក៏បានធ្វើឱ្យទម្រង់សេដ្ឋកិច្ចតូចៗជាច្រើនអភិវឌ្ឍផងដែរ។ នៅពេលទំនេរយុវជនជាជនជាតិភាគតិច អាចបើកបររថយន្តទៅផ្សារនិងតំបន់ប្រជាជនតាំងទីលំនៅ ដើម្បីធ្វើជាងកំបោរនិងរត់ម៉ូតូឌុប។ល។ មានបងប្អូននារីជាច្រើនបានរៀនរបរកាត់ដេរ រួចទទួលកាត់ដេរយកឈ្នូលនៅក្នុងស្រុក។ល។ លោកហ្វាងបានលើកឧទាហរណ៍៖“ ចាប់តាំងពីផ្លូវបូងតុង - ម៉ោកង៉ាង ត្រូវបានកសាងរួចរាល់ មានគ្រួសារខ្មែរជាច្រើនលក់ផ្លែឈើ និងកសិផលតាមមាត់ផ្លូវធំ រកបានប្រាក់ចេញចូល”។ បងស្រីយ័ញធីណានៅភូមិទ្រឿងនិញ ឃុំទ្រឿងឡុងA ស្រុកចូវថាញ់A បានឱ្យដឹង៖“ ខ្ញុំដាំននោង ខ្លោក ត្រឡាចនៅជុំវិញផ្ទះ ។ល។ ពីមុននេះហូបមិនអស់គឺចោល ឥឡូវនេះដាក់លក់មាត់ ផ្លូវក៏បានណាស់ដែរ” ។

យោងតាមប្រសាសន៍លោកគីហ៊ីវថាញ អនុប្រធានគណៈជនជាតិនៅខេត្តហូវយ៉ាង ឱ្យដឹង៖ ផ្តើមពីប្រសិទ្ធភាពខាងលើ គណៈជនជាតិក៏បានបង្កើតផែនការធ្វើសេនាធិការជូនថ្នាក់ដឹកនាំខេត្តដើម្បីបន្តអនុវត្តគោលនយោបាយជំនួយដោយឡែកជួយឱ្យជីវភាពជនរួមជាតិខ្មែរកាន់តែមានការរីកចម្រើនជាងទៀត៕

ហាថាញ-សុផន

ចែករំលែកអត្ថបទ

ពាក្យគន្លឹះ