សុខភាព - អប់រំ សុខភាព

17/02/2020 - 14:52

មជ្ឈមណ្ឌលសុខាភិបាលស្រុកទីវកឹង បង្កើនការបង្ការបង្រ្កាបរោគឆ្លងរាលដាលលើមនុស្ស

តាមប្រសាសន៍របស់វេជ្ជបណ្ឌិត ត្រឿងវ៉ាន់យ៉ាង អនុប្រធានមជ្ឈមណ្ឌលសុខាភិបាលស្រុកទីវកឹង ខេត្តត្រាវិញ៖ កាលពីឆ្នាំ២០១៩ ជំងឺគ្រុនឈាម និងជំងឺពងដៃជើងមាត់មានការផ្ទុះឡើងយ៉ាងខ្លាំងក្លាក្នុងទូទាំងខេត្ត។ ហេតុនោះ ចាប់តាំងពីដើមឆ្នាំ២០២០ មជ្ឈមណ្ឌលសុខាភិបាលបានសហការជាមួយនឹងរាល់ដំណាក់សុខាភិបាលឃុំ ទីប្រជុំជន អនុវត្តល្អការងារផ្សព្វផ្សាយ សំដៅលើកកម្ពស់ស្មារតីភ្ញាក់រលឹកជូនប្រជាជនក្នុងការបង្ការបង្រ្កាបជំងឺឆ្លងរាលដាលទាំង២ប្រភេទនេះ និងជំងឺឆ្លង រាលដាលដទៃទៀតនិយាយរួម។

កម្មាភិបាលសុខាភិបាលឃុំនិងស្រុកទីវកឹង កំពុងណែនាំប្រជាជនកំចាត់ដង្កូវទឹក។

ដើម្បីបង្ការបង្រ្កាបជំងឺឆ្លងរាលដាលលើមនុស្ស មជ្ឈមណ្ឌលសុខាភិបាលស្រុកទីវកឹង បានចាត់តាំងសកម្មភាពសារគមនាគមន៍ អប់រំអំពីរបៀបថែទាំសុខភាព របៀបបង្ការជំងឺជូនប្រជាជនលើភូមិសាស្រ្តដោយរូបភាពជាច្រើន ដូចជា៖ ចង្អុលការដល់រាល់ដំណាក់សុខាភិបាលឃុំ ទីប្រជុំជន គួបផ្សំជាមួយនឹងសហការីសុខាភិបាលតាមភូមិ ចុះទៅតាមគ្រួសារនីមួយៗធ្វើការណែនាំមាមីង ម្ចាស់ការមានវិធានការបង្ការបង្រ្កាបជំងឺឆ្លងរាលដាលគ្រុនឈាម៖ បិទគម្របពាងទឹកកុំឱ្យមូសពង រៀបចំសម្អាតកាកសំណល់ជុំវិញផ្ទះ មានដូច៖ សំបកដូង សំបកកំប៉ុង ដបក្រឡ។ល។ កុំឱ្យដក់ទឹក ដើម្បីកំចាត់ដង្កូវទឹក។ ពិសេស គឺលើកកម្ពស់ស្មារតីយល់ដឹងរបស់ប្រជាជនពីការម្ចាស់ការ"បង្ការជំងឺប្រសើរជាងព្យាបាល"។ ចំពោះការបង្ការបង្រ្កាបជំងឺពងដៃជើងមាត់ មជ្ឈមណ្ឌលសុខាភិបាលបានសហការស្អិតល្មួតជាមួយនឹងការិយាល័យអប់រំនិងបណ្តុះបណ្តាល ចាត់តាំងដំណើរការផ្សព្វផ្សាយ អប់រំ លើកកម្ពស់ការយល់ដឹងជូនកងជួរគ្រូបង្រៀនសាលាមត្តេយ្យលើភូមិសាស្រ្តស្រុក អំពីវិធានការបង្ការ បង្រ្កាបរោគឆ្លងរាលដាល ហាត់កុមារឱ្យមានទម្លាប់លាងដៃដោយសាប៊ូ ទឹកស្អាត អនាម័យរបស់លេង អនាម័យបន្ទប់រៀនជ្រះស្អាត ហូបចុកស្របអនាម័យ។ល។

អាស្រ័យការផ្សព្វផ្សាយបានអនុវត្តជាញឹកញាប់ ព្រមៗគ្នា ម្ល៉ោះហើយស្មារតីភ្ញាក់រលឹករបស់ប្រជាជនអំពីការថែទាំសុខភាពផ្ទាល់ខ្លួននិងគ្រួសារកាន់តែបានលើកកម្ពស់។ បងស្រីថាច់ធីអ៊ុកត្រឹម នៅភូមិព្រែកលប ឃុំតឹងហ៊ុង ឱ្យដឹង៖ "ខ្ញុំបានកម្មាភិបាលសុខាភិបាលឃុំ សហការីសុខាភិបាលភូមិមកដល់ផ្ទះផ្សព្វផ្សាយ ណែនាំអំពីរបៀបកំចាត់ដង្កូវទឹកជាមួយនឹងគោលលំនាំ"គ្មានដង្កូវទឹក គឺគ្មានជំងឺគ្រុនឈាម" ម្ល៉ោះហើយខ្ញុំចេះរបៀបអនុវត្តវិធានការបង្ការជំងឺយ៉ាងសាមញ្ញនៅនឹងគ្រួសារ ហេតុនោះក្នុងគ្រួសារខ្ញុំគ្មាននរណាម្នាក់កើតជំងឺគ្រុនឈាមនោះទេ"។

វេជ្ជបណ្ឌិតត្រឿងវ៉ាន់យ៉ាង ឱ្យដឹងបន្ថែម៖ ប៉ុន្មានថ្ងៃកន្លង ទូទាំងពិភពលោក កំពុងយកចិត្តទុកដាក់និងបារម្ភចំពោះជំងឺរលាកផ្លូវដង្ហើមធ្ងន់ធ្ងរ បណ្តាលមកពីរីរុសកូរ៉ូណាប្រភេទថ្មី (nCoV)។ យើងខ្ញុំបានចុះទៅតាមសាលារៀនក្នុងស្រុក ទីប្រជុំជន ដើម្បីបាញ់ថ្នាំកម្ចាត់មេរោគ បង្ការរោគឆ្លងរាលដាល និងណែនាំប្រជាជននិងប្អូនៗសិស្សានុសិស្ស លាងដៃដោយសាប៊ូជាប្រចាំ ឬទឹកសម្រាប់លាងដៃដែលមានជាតិអាល់កុល ដើម្បីជៀសវាងឆ្លងមេរោគពីខាងក្រៅ។ ពេលមានអាការៈឈឺបំពង់ក ឈឺក្បាល ហៀរសម្បោរ និងគ្រុន គប្បីទៅកាន់មូលដ្ឋានសុខាភិបាលដើម្បីបានពិនិត្យជំងឺ និងពិគ្រោះយោបល់ព្យាបាល។ មិនគប្បីនៅផ្ទះព្យាបាលដោយខ្លួនឯងឡើយ៕

សឺនម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ