មហាសាមគ្គីជនជាតិ ភូមិស្រុកផ្លាស់ថ្មី

03/02/2020 - 16:42

ភូមិខ្មែរនៅស្រុកដឹមយ៉ើយ

ផ្តើម ពីគោលនយោបាយជនជាតិរបស់បក្ស រដ្ឋ ជីវ ភាពជនរួមជាតិខ្មែរនៅឃុំថាញ់តុង កន្លែងមានជនរួមជាតិខ្មែររស់នៅច្រើនបំផុតរបស់ស្រុកដឹមយ៉ើយ ខេត្តកាម៉ាវ មានការវិវឌ្ឍយ៉ាងខ្លាំង។ គោលបំណងឈានឡើងក្នុងជីវភាពរបស់ជនរួមជាតិខ្មែរ បង្កជាចំណុចលេចធ្លោមួយបង្ហាញពីការអភិវឌ្ឍរបស់ទូទាំងស្រុកដឹមយ៉ើយ។

ជាមួយនឹងទាកាប៉ាបារាំងចំនួន២០០ក្បាល បងស្រីថាច់ធីថា នឹងបន្តចិញ្ចឹមដើម្បីចាកផុតពីភាពក្រីក្រ។

ឃុំថាញ់តុងមានភូមិចំនួន៦ ហើយភូមិឋិតក្នុងក្របខណ្ឌលំបាកខ្លាំងមានចំនួន៣ ក្នុងនោះគឺភូមិតឹងដៀនA និងតឹងដៀនB មានជនរួមជាតិខ្មែររស់នៅជាង៣០០គ្រួសារ។ លោកស្រីត្រឹងមីហាញ់ អនុប្រធានគណៈកម្មាធិការប្រជាជនឃុំថាញ់តុង ឱ្យដឹង៖ "ជនរួមជាតិខ្មែរតាំងទីលំនៅនៅភូមិភាគតាំងពីយូរអង្វែងមក។ អាចនិយាយថា ឆ្នាំ២០១៩គឺជាឆ្នាំផ្តល់ភាពទម្លុះទម្លាយអំពីការងារកាត់បន្ថយភាពក្រីក្រក្នុងជនរួមជាតិខ្មែរ"។ នៅដំណាក់កាលដ៏លំបាកបំផុត, ក្នុងចំណោមគ្រួសារខ្មែរទាំង៣២៥គ្រួសារ មានដល់ទៅ២/៣គ្រួសារឋិតក្នុងក្របខណ្ឌគ្រួសារក្រីក្រ គ្រួសារប្រកៀកបន្ទាត់ក្រ។

លោកថាច់ជា អ្នកមានប្រជាប្រិយក្នុងសហគមន៍ជនជាតិខ្មែរ ឱ្យដឹង៖ "មិនមែនថាជនជាតិខ្មែរគ្មានទ្រព្យសម្បត្តិនោះទេ ដោយសារមាមីងនៅមានកម្រិតក្នុងការគិតគូររកស៊ី។ ផ្តើមពីនោះ នាំឱ្យកើតមានស្ថានភាពបញ្ចាំដី ឬផ្ទេរកម្មសិទ្ធិ"។ ជាច្រើនគ្រួសារអាស្រ័យកើតកូនច្រើន ដីតិចតួច ផលិតពុំសូវមានប្រសិទ្ធភាព យូរទៅជីវភាពធ្លាក់ក្នុងស្ថានភាពលំបាក។ ជនរួមជាតិមួយភាគនៅទន្ទឹងរង់ចាំ សម្អាងទៅលើការឧបត្ថម្ភរបស់បក្ស រដ្ឋ ពុំទាន់ឈានឡើងដោយខ្លួនឯងដោយពិតប្រាកដ។

ចំពោះមុខបញ្ហាប្រឈមទាំងនេះ ឃុំថាញ់តុងខិតខំយ៉ាងពេញទំហឹងដើម្បីអនុវត្តភារកិច្ចមួយដ៏សំខាន់គឺ ផ្លាស់ប្តូរការយល់ដឹងក្នុងជនរួមជាតិខ្មែរ។ ត្រូវគិតឱ្យច្បាស់លាស់ទើបអនុវត្តបានត្រឹមត្រូវ។ ជាងនេះទៅទៀត ដើម្បីគោលនយោបាយជនជាតិរបស់បក្ស រដ្ឋ ចង់ឱ្យមានប្រសិទ្ធភាពគឺត្រូវមានការស្របគំនិត, ការប្តេជ្ញាចិត្តរបស់ជនរួមជាតិខ្មែរដោយផ្ទាល់។ ហេតុដូច្នេះ កម្មាភិបាលឃុំ ភូមិ អ្នកមានប្រជាប្រិយក្នុងសហគមន៍អនុវត្តទិសស្លោកហូបរួម ស្នាក់នៅរួម ពលកម្មផលិតរួមជាមួយមាមីង។ ជនជាតិបានឧបត្ថម្ភលំនៅឋាន ដី ធារផ្ទះ ដីផលិតកម្ម ដើមទុន ត្រូវ"កាន់ដៃបង្គាប់ការ" ដើម្បីអនុវត្តទម្រង់សេដ្ឋកិច្ច។ ផ្តើមពីការខិតខំទាំងនោះ ក៏បាននាំមកនូវលទ្ធផលគួរឱ្យកត់សម្គាល់។ ឆ្នាំ២០១៧ ឃុំថាញ់តុងមានគ្រួសារខ្មែរក្រីក្រចំនួន១៣៩ គ្រួសារ ឆ្នាំ២០១៨ ថយចុះនៅ១០៩គ្រួសារ រហូតដល់ចុងឆ្នាំ២០១៩ នៅ៩០គ្រួសារ។ លោកត្រឹងអាញ់ចក អនុប្រធានគណៈកម្មាធិការប្រជាជនស្រុកដឹមយ៉ើយ ឱ្យដឹង៖ "មាមីងជនជាតិខ្មែរមានលទ្ធភាពគ្រប់គ្រាន់ ពិសេស គឺមានបំណិនក្នុងពលកម្មផលិត។ គ្រាន់តែឧបត្ថម្ភសមស្រប ជួយពួកគាត់ មានកម្លាំងចិត្តនិងមានទិសដៅក្នុងការអភិវឌ្ឍ នោះការឈានឡើងចាកផុតពីភាពក្រីក្រ គឺឋិតក្នុងកណ្តាប់ដៃ។ ពុំនោះសោត គ្រួសារខ្មែរជាច្រើនឈានឡើងធ្វើមាន មិនសម្រាប់តែគ្រួសារខ្លួនប៉ុណ្ណោះទេ ថែមទាំងខ្នះខ្នែងជួយណែនាំមាមីងនៅជិតខាងទៀតផង"។

ជំនួសឱ្យជីវភាពត្រដាបត្រដួសមុននេះ ជនរួមជាតិខ្មែរនៅឃុំថាញ់តុងនិយាយដោយឡែក នៅស្រុកដឹមយ៉ើយនិយាយរួម ចេះគិតគូរគ្នន់គ្នេរដាក់ចេញទិសដៅខិតខំទៅមុខ។ ពេលសំណេះសំណាលជាមួយនឹងមាមីង លោកថាច់ជា ពោលថា៖ "បក្ស រដ្ឋយកចិត្តទុកដាក់ជួយឧបត្ថម្ភ បើសិនមាមីងនៅតែក្រ គឺជាការអាមាស់ណាស់។ ត្រូវតែខំប្រឹងចាកផុតពីភាពក្រីក្រ ឈានឡើងក្នុងជីវភាព គិតគូរដល់ជំនាន់ក្រោយ ដើម្បីជនជាតិខ្មែរនៅតំបន់យើងទៅទីណាឱ្យមានឈ្មោះបោះសំឡេងនឹងគេ"៕

យោង http://baocamau.com.vn-មុនី

ចែករំលែកអត្ថបទ

ពាក្យគន្លឹះ