គោលនយោបាយ -ការរស់នៅ គោលនយោបាយ

02/12/2019 - 16:56

អភិរក្សពង្រីកប្រវេណីសាមគ្គីមិត្តភាព

សមាគមមិត្តភាពវៀតណាម-កម្ពុជាក្រុងកឹងធើ ជាសមាជិកនៃសហព័ន្ធអង្គការមិត្តភាពក្រុងកឹងធើ។ រយៈពេលកន្លង សមាគមមានសកម្មភាពជាច្រើនរួមចំណែកក្នុងការអភិរក្សពង្រីកប្រវេណីសាមគ្គីជនជាតិ ប្រវេណីសាមគ្គី មិត្តភាព សហប្រតិបត្តិការរវាងរដ្ឋាភិបាលនិងប្រជាជននៃប្រទេសទាំងពីរវៀតណាម-កម្ពុជា។

បំផុសចលនា “បណ្តុះពន្លកមិត្តភាព” ឧបត្ថម្ភនិស្សិតកម្ពុជាក្នុងរយៈពេលមកសិក្សានៅក្រុងកឹងធើ នាឱកាសបុណ្យចូលឆ្នាំថ្មី២០១៩។ រូប៖ ហាយ៉ាង

សមាគមមិត្តភាពវៀតណាម-កម្ពុជាក្រុងកឹងធើ បង្កើតនៅឆ្នាំ១៩៩៥។ បច្ចុប្បន្ន សមាគមមានសាខាសមាគមនៅមូលដា្ឋនចំនួន១០ ដោយមានសមាជិកជាង៤៥០រូប អ្នកទាំងនេះជាកងទ័ពស្ម័គ្រចិត្តធ្លាប់ទៅជួយប្រទេសកម្ពុជា និងជាអ្នកធ្លាប់រស់នៅធ្វើការ និងមានសាច់ញាតិនៅកម្ពុជា។ លោក ង្វៀនវ៉ាន់កឹង ប្រធានសមាគមមិត្តភាពវៀតណាម-កម្ពុជាក្រុងកឹងធើ ឱ្យដឹង៖ រយៈពេលកន្លង សមាគមអនុវត្តបានល្អនូវភារកិច្ចសំខាន់ៗអំពីកិច្ចការបរទេសប្រជាជនលើភូមិសាស្រ្ត រៀបចំជោគជ័យសកម្មភាពទំនាក់ទំនងមិត្តភាពជាមួយនឹងដៃគូរ ប្រជាជនកម្ពុជា រៀបចំពិធីជួបជុំរំលឹកខួបអនុស្សាវរីយ៍និងអបអរសាទរបុណ្យជាតិកម្ពុជា អនុស្សាវរីយ៍បង្កើតទំនាក់ទំនងការទូតវៀតណាម-កម្ពុជា។ល។ ជារៀងរាល់ឆ្នាំ សមាគមសហការជាមួយនឹងសហព័ន្ធអង្គការមិត្តភាពក្រុងកឹងធើ រៀបចំពិធីជួបជុំមិត្តភាពអំណរបុណ្យចូលឆ្នាំថ្មីជូនសមាជិកជាជនរួមជាតិខ្មែរ និស្សិតកម្ពុជាកំពុងសិក្សានៅក្រុងកឹងធើ បំផុសចលនា ”បណ្តុះពន្លកមិត្តភាព” ឧបត្ថម្ភនិស្សិតកម្ពុជា ពេលមកសិក្សានៅកឹងធើ រៀបចំក្រុមប្រតិភូទៅសួរសុខទុក្ខ និងប្រសិទ្ធពរឆ្នាំថ្មីស្ថានឯកអគ្គរាជទូតព្រះរាជាណាចក្រកម្ពុជាប្រចាំក្រុងហូជីមិញ និងព្រះតេជព្រះគុណព្រះឧបជ្ឈាយ៍ ជាសមាជិកនៃគណៈប្រតិបត្តិការសមាគមនៅតាមវត្តអារាមលើភូមិសាស្រ្តក្រុងកឹងធើ។ល។

ក្រៅពីសកម្មភាពប្រចាំឆ្នាំដូចពោលខាងលើ ចាប់ពីដើមឆ្នាំ២០១៩ មកទល់នឹងពេលនេះ សមាគមមិត្តភាពវៀតណាម-កម្ពុជាក្រុងកឹងធើ នៅទាំងរៀបចំសកម្មភាពជាច្រើនប្រកបដោយអត្ថន័យជាក់ស្តែង។ តួយ៉ាងដូច៖ ចលនាសប្បុរសជនឧបត្ថម្ភប្អូនរ៉ូគីយ៉ា ជាពលរដ្ឋកម្ពុជាមកសម្រាកព្យាបាលជំងឺនៅមន្ទីរពេទ្យពហុព្យាបាលមជ្ឈិមកឹងធើ។ សមាគមរៀបចំឱ្យអតីតកងទ័ពស្ម័គ្រចិត្ត៧នាក់ ទៅបំពេញទស្សនកិច្ច ទំនាក់ទំនងមិត្តភាពជាមួយនឹងអភិបាលខេត្តកំពង់ឆ្នាំង។ សាខាសមាគមនៅមូលដ្ឋាន តែងផ្តល់ព័ត៌មានសកម្មភាពមិត្តភាពនិងកិច្ចសហប្រតិបត្តិការរវាងប្រទេសទាំងពីរ ក្រើនរំលឹកសមាជិកគ្រប់រូបអភិរក្សពង្រីកប្រវេណីមិត្តភាព សហប្រតិ បត្តិការរវាងរដ្ឋាភិបាលនិងប្រជាជននៃប្រទេសទាំងពីរ។ល។

ស្ដីពីសកម្មភាពនាពេលខាងមុខ លោកង្វៀនវ៉ាន់កឹង ប្រធានសមាគមមិត្តភាពវៀតណាម-កម្ពុជាក្រុងកឹងធើ ឱ្យដឹង៖ សមាគមនឹងបន្តការចលនា ទាក់ទាញអង្គការ បុគ្គលជាជនជាតិវៀតណាម រាប់ទាំងប្រជាជនវៀតណាមរស់នៅកម្ពុជា ក៏ដូចជាពលរដ្ឋកម្ពុជាធ្លាប់សហការជាមួយនឹងវៀតណាមចូលរួមបណ្ដាសកម្មភាព មិត្តភាព សាមគ្គីភាពនៅក្រុងកឹងធើ។ សមាគមម្ចាស់ការសហការជាមួយនឹងសហព័ន្ធអង្គការមិត្តភាព រៀបចំពិធីជួបជុំមិត្តភាព ដោះដូរវប្បធម៌នាឱកាសបុណ្យទានផ្សេងៗ។ល។ ជាមួយនឹងពលរដ្ឋកម្ពុជានៅក្រុងកឹងធើ។ ទន្ទឹមនឹងនោះ ស្នើថ្នាក់ដឹកនាំក្រុងនិងថ្នាក់ដឹកនាំសហព័ន្ធអង្គការមិត្តភាពនូវដំណោះស្រាយ ពង្រីកទំនាក់ទំនងសហប្រតិបត្តិការជាមួយនឹងដៃគូមិត្តលើវិស័យវិនិយោគ ពាណិជ្ជកម្ម ទេសចរណ៍។ល។ សកម្មផ្សព្វផ្សាយទាក់ទាញវិនិយោគិន ទេសចរណ៍កម្ពុជា មកវិនិយោគនៅក្រុងកឹងធើ ម្ចាស់ការចាប់យកឱកាស បង្កើតទំនាក់ទំនងដៃគូ សហការជាមួយនឹងអាជីវកម្មកម្ពុជា៕

ថាញ់ឡុង-មុនី

ចែករំលែកអត្ថបទ

ពាក្យគន្លឹះ