ព្រឹត្តិការណ៍ - នយោបាយ ព្រឹត្តិការណ៍

02/12/2019 - 16:56

ស្វែងយល់ការប្រើប្រាស់ក្តារចុចនិងពុម្ពអក្សរយូនីកូដខ្មែរ ក្នុងដំណើរការបោះពុម្ពកាសែត និងកាសែតអេឡិចត្រូនិច

ព្រឹកថ្ងៃទី២៦ ខែវិច្ឆិកា ទីភ្នាក់ងារសារព័ត៌មានវៀតណាម (TTXVN) បានរៀបចំសិក្ខាសាលាវិទ្យាសាស្ត្រ “ស្វែងយល់ការប្រើប្រាស់ក្តារចុចនិងពុម្ពអក្សរយូនីកូដខ្មែរ ក្នុងដំណើរការបោះពុម្ពកាសែត និងកាសែតអេឡិចត្រូនិច” (ហៅខ្លីថាសិក្ខាសាលា)។

ទិដ្ឋភាពនៃអង្គសិក្ខាសាលាវិទ្យាសាស្ត្រ។ រូបថត៖ អានហីវ TTXVN។

បច្ចុប្បន្ន ក្រៅពីកាសែតរូបភាពជនជាតិនិងតំបន់ភ្នំ (របស់ទីភ្នាក់ងារសារព័ត៌មានវៀតណាម) មានស្ថាប័នសារព័ត៌មានជាច្រើននៅតំបន់វាលរាបទន្លេគឺវឡុង (ក្រុងកឹងធើ និងខេត្តនានាដូចជា៖ ត្រាវិញ សុកត្រាំង បាកលីវ កាម៉ាវ។ល។) ក៏មានកាសែតផ្សាយជាភាសាខ្មែរផងដែរ។ មានស្ថាប័នសារព័ត៌មានជាច្រើនមានគេហទំព័រកាសែតអេឡិចត្រូនិកជាភាសាខ្មែរដែរ មានដូច៖ កាសែតរូបភាពជនជាតិនិងតំបន់ភ្នំ កាសែតកឹងធើ។ល។ ដើម្បីបម្រើដល់មិត្តអ្នកអានទាំងក្នុង និងក្រៅប្រទេស។ កាសែតនានាតែងឧស្សាហ៍កែលម្អពីរបៀបធើ្វ ក៏ដូចជាបច្ចេកទេស ជំហានដំបូងឃើញថាមានភាពឆបគ្នានឹងពុម្ពអក្សរយូនីកូដខ្មែរល្អបង្គួរ និងកម្មវិធីរុករកកំពុងពេញនិយមនាបច្ចុប្បន្ន។ ជាពិសេសកាសែតកឹងធើ និងកាសែតរូបភាពជនជាតិនិងតំបន់ភ្នំ បានអនុវត្តពុម្ពអក្សរយូនីកូដខ្មែរក្នុងការបកប្រែ រៀបប្លង់ទំព័រនិងដំណើរការលើកម្មវិធី InDesign ទទួលបាននូវសមិទ្ធិផលយ៉ាងពិតប្រាកដ។

ក្នុងអង្គសិក្ខាសាលា របាយការណ៍១១/១៣ ដែលបានធ្វើបទបង្ហាញជាសារវន្តបង្ហាញឱ្យឃើញពីទិដ្ឋភាពទូទៅនៃសារព័ត៌មានជាភាសាខ្មែរនៅតំបន់វាលរាបទន្លេគឺវឡុង។ បទបង្ហាញភាគច្រើនគឺ ផ្តោតលើបញ្ហាលំបាកក្នុងការរៀបប្លង់ទំព័រ ការបោះពុម្ព អនុវត្តពុម្ពអក្សរយូនីកូដខ្មែរ ដំណើរការក្នុងកម្មវិធី Adobe InDesign... ដើម្បីស្រូតតាមទាន់និន្នាការអភិវឌ្ឍន៍ ជាជំហានលើកកម្ពស់គុណភាពនៃប្លង់ទំព័រ និងបោះពុម្ពផ្សាយ ជាពិសេសគឺ កាសែតអេឡិកត្រូនិកជាភាសាខ្មែរ មានយោបល់ជាច្រើនបានសន្និដ្ឋានថា ការប្រើប្រាស់ពុម្ពអក្សរយូនីកូដខ្មែរ គឺជាការចាំបាច់ណាស់។

ប្រការនេះឆ្លើយតបបានតម្រូវការបន្ទាន់ក្នុងការផ្សព្វផ្សាយ ក៏ដូចជាការទទួលព័ត៌មានពីមិត្តអ្នកអាន... អ្នកតំណាងទាំងឡាយ ក៏បានសម្ដែងពីបំណងចង់ទទួលបាននូវការគាំទ្រ ចែករំលែកបទពិសោធន៍ពីស្ថាប័នសារព័ត៌មានភាសាខ្មែរនានា ជាពិសេសគឺស្ថាប័នទីភ្នាក់ងារសារព័ត៌មានវៀតណាមតំបន់ភាគខាងត្បូង ដើម្បីបម្រើដល់មិត្តអ្នកអានពីមួយថ្ងៃទៅមួយថ្ងៃកាន់តែល្អប្រសើរជាងទៀត។

លោក ង្វៀនក្វឹកត្វឹន នាយកទីភ្នាក់ងារព័ត៌មានវៀតណាមតំបន់ភាគខាងត្បូង នឹងជាប្រធានគម្រោង បានមានប្រសាសន៍ថាៈ បណ្ដាយោបល់ក្នុងអង្គសិក្ខាសាលា មិនត្រឹមតែបញ្ជាក់ពីតម្រូវការស្វែងយល់ក្នុងការប្រើប្រាស់ក្តារចុចនិងពុម្ពអក្សរខ្មែរយូនីកូដ ក្នុងដំណើរការបោះពុម្ពកាសែត និងកាសែតអេឡិចត្រូនិចរបស់ទីភ្នាក់ងារសារព័ត៌មានវៀតណាមប៉ុណ្ណោះទេ ថែមទាំងស្រាយនូវបញ្ហាដែលជាប់ជំពាក់សម្រាប់ស្ថាប័នសារព័ត៌មាននានា ខណៈពេលប្រើប្រាស់ក្តារចុចនិងពុម្ពអក្សរយូនីកូដខ្មែរឱ្យបានស្ថេរភាពទៀតផង។ ផ្អែកលើមតិយោបល់ក្នុងអង្គសិក្ខាសាលា សមាជិកគម្រោងគប្បីបំពេញបន្ថែមឱ្យបានឆាប់រហ័ស បញ្ជូនទៅក្រុមប្រឹក្សាស្រាវជ្រាវ អភិវឌ្ឍន៍ទទួលយកគម្រោង ដើម្បីឆាប់បានបញ្ជូននិងអនុវត្តជាក់ស្ដែងក្នុងពេលឆាប់ៗនេះ៕

ដំណឹង៖ វ៉ាន់តឹន

ចែករំលែកអត្ថបទ

ពាក្យគន្លឹះ