ព្រឹត្តិការណ៍ - នយោបាយ ព្រឹត្តិការណ៍

02/12/2019 - 16:56

រដ្ឋសភាប្រជុំបិទសម័យប្រជុំលើកទី ៨

រសៀលថ្ងៃទី២៧ ខែវិច្ឆិកា នៅសាលប្រជុំយ៉ៀងហុង រដ្ឋសភាបានប្រជុំ បិទសម័យប្រជុំលើកទី៨។ លោកអគ្គលេខា ប្រធានរដ្ឋ ង្វៀនភូត្រុង រួមជាមួយថ្នាក់ដឹកនាំអតីតថ្នាក់ដឹកនាំបក្សនិងរដ្ឋ ចូលរួមសម័យប្រជុំ។

អគ្គលេខា ប្រធានរដ្ឋ ង្វៀនភូត្រុង និងថ្នាក់ដឹកនាំ អតីតថ្នាក់ដឹកនាំបក្សនិងរដ្ឋចូលរួមពិធីបិទសម័យប្រជុំលើកទី៨ រដ្ឋសភានីតិកាល XIV ។ រូបថតៈ VGP/ញឹកបាក់។

នៅក្នុងកិច្ចប្រជុំរដ្ឋសភាបានអនុម័តលើសេចក្តីសម្រេចចំនួន៣ រួមមាន៖ សេចក្តីសម្រេចស្តីពីលទ្ធផលនៃការត្រួតពិនិត្យបធានបទ ការអនុវត្តគោលនយោបាយច្បាប់ ស្តីពីការបង្ការនិងពន្លត់អគ្គិភ័យ ដំណាក់កាល២០១៤-២០១៨; សេចក្តីសម្រេចស្ដីពីសកម្មភាពចោទសួរ នៅសម័យប្រជុំលើកទី៨ រដ្ឋសភានីតិកាល XIV និងសេចក្តីសម្រេចចិត្តសម័យប្រជុំលើកទី៨ រដ្ឋសភានីតិកាលXIV ។

បន្ទាប់ពីរដ្ឋសភាបានអនុម័តសេចក្តីសម្រេចដូចពោលខាងលើ ប្រធានរដ្ឋសភា លោកស្រីង្វៀនធីគឹមង៉ឹង បានថ្លែងសុន្ទរកថាបិទសម័យប្រជុំលើកទី៨ រដ្ឋសភានីតិកាល XIV ។

សម័យប្រជុំលើកទី៨ រដ្ឋសភានីតិកាលXIV បានប្រព្រឹត្តឡើងក្នុងបរិបទនៃស្ថានការណ៍អន្តរ ជាតិនិងក្នុងតំបន់ មានការប្រែប្រួលយ៉ាងស្មុគស្មាញ ពិបាកស្មានទុកជាមុន។ កំណើនសេដ្ឋកិច្ចពិភពលោកមាននិន្នាការថយចុះ។ ការប្រកួតប្រជែងយុទ្ធសាស្ត្រ ទំនាស់ផលប្រយោជន៍ រវាងប្រទេសនានាបានកើនឡើង បង្កប់នូវហានិភ័យជាច្រើន។ នៅក្នុងប្រទេស គ្រោះធម្មជាតិ ជំងឺរាលដាល ការប្រែប្រួលអាកាសធាតុ ស្ថានភាពសមុទ្រខាងកើត ពេលជិតៗនេះមានភាពស្មុគស្មាញ ពិបាកស្មានទុកជាមុននិងផលប៉ះពាល់ដទៃទៀត។ល។ បានជះឥទ្ធិពលមិនតិច សម្រាប់ប្រទេសយើង។

ថ្វីត្បិតតែដូច្នោះ ស្ថានភាពសេដ្ឋកិច្ច-សង្គម ក្នុងរយៈពេល៩ខែដើមឆ្នាំ នៅតែបន្តទទួលបានលទ្ធផលល្អបង្គួរលើគ្រប់វិស័យ៖ កំណើនសេដ្ឋកិច្ចខ្ពស់បង្គួរ ម៉ាក្រូសេដ្ឋកិច្ចស្ថិរភាព អតិផរ ណាត្រូវបានគ្រប់គ្រងល្អ សមតុល្យនៃខឿនសេដ្ឋកិច្ចត្រូវបានកែលម្អ សុខុមាលភាពសង្គមត្រូវបានយកចិត្តទុកដាក់ គុណភាពជីវភាពរបស់ប្រជាជនបានលើកកម្ពស់។

ឆ្នាំ២០១៩ ជាឆ្នាំទី២បន្តបន្ទាប់ តាមការប៉ាន់សម្រេចនិងលើសភាគកម្រិតសំខាន់ៗដែលរដ្ឋសភាបានប្រគល់ជូន។ បង្កើតមូលដ្ឋានរឹងមាំដើម្បីសម្រេចផែនការអភិវឌ្ឍសេដ្ឋកិច្ច-សង្គម ថវិការដ្ឋក្នុង៥ដំណាក់ ២០១៦-២០២០ ៕

យោង៖ baocatho.com.vn - វ៉ាន់តឹន

ចែករំលែកអត្ថបទ

ពាក្យគន្លឹះ