សុខភាព - អប់រំ សុខភាព

21/10/2019 - 16:19

សកម្មបង្ការបង្ក្រាបជំងឺគ្រុនឈាម

បច្ចុប្បន្ន ជំងឺគ្រុនឈាមនៅសុកត្រាំង កំពុងមានការប្រែប្រួលយ៉ាងស្មុគស្មាញ តាមការកត់សម្គាល់ករណីកើតជំងឺគ្រុនឈាមកាន់តែកើនឡើងពីមួយថ្ងៃទៅមួយថ្ងៃ។ អាស្រ័យហេតុនោះ ផ្នែកសុខាភិបាលខេត្តសុកត្រាំងបានផ្តល់អនុសាសន៍ដល់ប្រជាជន មិនត្រូវធ្វេសប្រហែស គប្បីខ្នះខ្នែងរួមជាមួយរដ្ឋអំណាចភូមិភាគបង្ការជំងឺ។

បុគ្គលិកមន្ទីរពេទ្យឯកទេសសម្ភពកុមារសុកត្រាំង ពិនិត្យជំងឺដល់កុមារកើតគ្រុនឈាម។

កំពុងមើលថែកូនអាយុ៧ឆ្នាំ ព្យាបាលនៅមន្ទីរពេទ្យឯកទេសសម្ភពកុមារសុកត្រាំង ដែលកើតជំងឺគ្រុនឈាម បងស្រីង៉ោធីង៉ុកប៊ិច នៅភូមិបឹងកក់ ឃុំភូមី ស្រុកមីទូ ឱ្យដឹង៖ “គ្រួសារនាងខ្ញុំប្រកបរបរលក់ដូរ ទើបអីវ៉ាន់ ផ្ទុកពេញផ្ទះ មិនសូវមានឱកាសអនាម័យផ្ទះសម្បែង។ ហេតុនោះ សត្វមូសមានកន្លែងជ្រកនិងកើតកើន មូសខាំចម្លងជំងឺដល់កូននាងខ្ញុំ។ ដំបូងឡើយ ឃើញកូនក្តៅខ្លួន ស្មានថាឈឺធម្មតា ក៏នាំកូនទៅឱ្យគ្រូពេទ្យឯកជនពិនិត្យ។ ក្រោយពីលេបថ្នាំអស់មួយថ្ងៃកូននៅតែក្តៅខ្លួនមិនបាត់សោះ នាងខ្ញុំនាំកូនទៅពិនិត្យជំងឺឡើងវិញ គ្រូពេទ្យប្រាប់ថាកូនខ្ញុំកើតជំងឺគ្រុនឈាម នាងខ្ញុំមានការបារម្ភណាស់ រួចក៏នាំកូនទៅមន្ទីរពេទ្យព្យាបាលជាបន្ទាន់។ ក្រោយព្យាបាលជាងមួយសប្តាហ៍ ទើបកូននាងខ្ញុំបានជាសះស្បើយ។ លើកនេះនាងខ្ញុំទៅផ្ទះធ្វើអនាម័យឱ្យបានស្អាតបាត ដើម្បីកុំឱ្យសត្វមូសមានកន្លែងកើតកើន”។

កុមារជាច្រើនកើតជំងឺគ្រុនឈាមកំពុងសម្រាកព្យាបាលនៅមន្ទីរពេទ្យឯកទេសសម្ភពកុមារសុកត្រាំង។

វេជ្ជបណ្ឌិតអូវហឺវឌឹក ប្រធានការិយាល័យផែនការចម្រុះ គ្រប់គ្រងគុណភាពចង្អុលការ ខ្សែរយៈនៃមន្ទីរពេទ្យឯកទេសសម្ភពកុមារសុកត្រាំង ឱ្យដឹង៖ “បច្ចុប្បន្ន ជំងឺគ្រុនឈាមនៅខេត្តសុកត្រាំង កំពុងរាលដាលយ៉ាងខ្លាំង តាមការកត់សម្គាល់ករណីកើតជំងឺកើនឡើងជាលំដាប់ពីមួយថ្ងៃទៅមួយថ្ងៃ។ ចាប់ពីដើមឆ្នាំមកទល់ពេលនេះ មន្ទីរពេទ្យទទួលអ្នកជំងឺគ្រុនឈាមចំនួន៣៦៤នាក់ កើនជាង៨២% បើប្រៀបនឹងរយៈពេលដូចគ្នាក្នុងឆ្នាំ២០១៨។ ពិសេសគឺករណីគ្រុនធ្ងន់កើនដល់ទៅ១២៥% ក្នុងរយៈពេលកំណុចខ្ពស់ចាប់ពីខែឧសភាដល់ខែសីហា។ ដល់ខែកញ្ញា ឃើញថាករណីកើតជំងឺគ្រុនឈាមមានការកាត់បន្ថយ ប៉ុន្តែតាមការគូសបញ្ជាក់ ជំងឺគ្រុនឈាមនៅមានការប្រែប្រួលយ៉ាងស្មុគស្មាញនៅឡើយ។ បច្ចុប្បន្ន យើងខ្ញុំត្រៀមធនធានមនុស្ស មូលដ្ឋានសម្ភារៈ គ្រឿងបរិក្ខារព្រមទាំងថ្នាំសង្កូវ ដើម្បីទប់ទល់នឹងជំងឺគ្រុនឈាម។ ទន្ទឹមនឹងនោះ បានហ្វឹកហាត់ដល់ក្រុមគ្រូពេទ្យនៅតាមដំណាក់សុខាភិបាលឃុំ ស្គាល់ពីជំងឺគ្រុនឈាមបានឆាប់ដឹង អ្នកណាកើតជំងឺគ្រុនឈាម ដើម្បីព្យាបាលបានទាន់ពេល”។

គិតមកទល់ចុងខែកញ្ញា ឆ្នាំ២០១៩ ខេត្តសុកត្រាំង មានអ្នកកើតជំងឺគ្រុនឈាមជាង១.៣៣០នាក់ កើន៣៣%បើប្រៀបនឹងរយៈពេលដូចគ្នាក្នុងឆ្នាំ២០១៨ ជំងឺកើតមាននៅស្រុកនានា ដូច៖ ស្រុកកេសាច់ កូវឡាវយុង ឡុងភូ ទីរួមខេត្តវិញចូវ និងស្រុកមីស្វៀងជាដើម។ ដូច្នេះ ផ្នែកសុខាភិបាលខេត្តសុកត្រាំង ក៏បានផ្តល់អនុសាសន៍ដល់គ្រួសារដែលមានកុមារតូចៗ ខណៈពេលឃើញមានអាការៈក្តៅខ្លួនជាបន្តបន្ទាប់ គប្បីនាំកុមារទៅមូលដ្ឋានសុខាភិបាលជិតបំផុត ដើម្បីពិនិត្យនិងព្យាបាលទាន់ពេល៕

យ្វីអាញ់-លីសៀ

ចែករំលែកអត្ថបទ

ពាក្យគន្លឹះ