គោលនយោបាយ -ការរស់នៅ ការរស់នៅ

08/10/2019 - 09:54

ស្រុកថ្កូវអនុវត្តល្អគោលនយោបាយជនជាតិ

ស្រុកថ្កូវ ខេត្តត្រាវិញ មានជនរួមជាតិខ្មែររស់នៅប្រមាណ២៥.១៥៦គ្រួសារ។ រយៈពេល៥ឆ្នាំកន្លង (២០១៤-២០១៩) ការអនុវត្តនូវគោលនយោបាយក្នុងតំបន់ជនរួមជាតិភាគតិចនៅស្រុកថ្កូវ ខេត្តត្រាវិញ សម្រេចបានលទ្ធផលសំខាន់ៗជាច្រើន បានរួមចំណែកអភិវឌ្ឍសេដ្ឋកិច្ច លើកកម្ពស់ជីវភាពសម្ភារៈ និងស្មារតីរបស់ប្រជាជន។

ផ្ទះមីងឡឺធីយ៉ែ សង់លើដីដែលរដ្ឋឧបត្ថម្ភទិញ។

លោកគឹមង៉ុកសឿង ប្រធានការិយាល័យជនជាតិស្រុកថ្កូវ ឱ្យដឹង៖ “ការផ្សព្វផ្សាយអនុវត្តនូវគោលនយោបាយ កម្មវិធី គម្រោង សម្រាប់ជនរួមជាតិភាគតិចលើភូមិសាស្រ្តស្រុក តែងបានរដ្ឋអំណាចគ្រប់លំដាប់ថ្នាក់យកចិត្តទុកដាក់។ ក្នុងនោះ ស្រុកបានយកចិត្តទុកដាក់ជាសំខាន់ដល់ការអនុវត្តនូវគោលនយោបាយឧបត្ថម្ភគ្រួសារក្រីក្រ ។ រយៈពេល៥ឆ្នាំកន្លង លើភូមិសាស្រ្តស្រុកថ្កូវមានគម្រោងចំនួន៩៥ ឧបត្ថម្ភអភិវឌ្ឍផលិតកម្មដល់គ្រួសារក្រីក្រ គ្រួសារប្រកៀកបន្ទាត់ ក្រីក្រជាជនរួមជាតិភាគតិចពីប្រភពទុននៃកម្មវិធី១៣៥ និងឃុំជាប់មាត់សមុទ្រ។ ស្រុកបានរំសាយទុនដល់១.១៨៧គ្រួសារដែលត្រូវការទិញដីធារផ្ទះដល់ ៨៩៩ គ្រួសារទិញដីផលិតកម្ម និងឧបត្ថម្ភផ្លាស់ប្តូរមុខរបរ១.៥៧០គ្រួសារ តាមសេចក្តីសម្រេចលេខ២៩/២០១៣/QĐ-TTg របស់នាយករដ្ឋមន្ត្រីនៃរដ្ឋាភិបាល គិតជាទឹកប្រាក់សរុប៥៩,៩៤១ពាន់លានដុង(ក្នុងនោះទុនមជ្ឈិម៤០,០៥ពាន់លានដុង និងទុនភូមិភាគ៣,១២ពាន់លានដុង)។

គ្រួសារមីងឡឺធីយ៉ែ នៅភូមិផ្នោសង្កែចាស់ ឃុំដាយអាង គឺជាគ្រួសារមួយក្នុងចំណោមគ្រួសារក្រីក្រទាំង១១បានរដ្ឋឧបត្ថម្ភដីធារផ្ទះ។ មីងយ៉ែ ឱ្យដឹងដោយក្តីរីករាយ៖ “តាំងពីដើមមក គ្រួសារខ្ញុំគ្មានដីទេ រស់នៅពឹងលើដីរបស់អ្នកជិតខាង។ ឆ្នាំ២០១៨បានរដ្ឋឧបត្ថម្ភទិញដីជាង៣០០ ម២សម្រាប់សង់ផ្ទះ ខ្ញុំត្រេកអរយ៉ាងក្រៃលែង។ មានដីធារផ្ទះ ប្តីប្រពន្ធខ្ញុំខំសន្សំសំចៃសង់ផ្ទះឱ្យរឹងមាំ។ ឥឡូវខ្ញុំនឹងនរចិត្តពលកម្មផលិត។ រៀងរាល់ថ្ងៃ ខ្ញុំលក់ដូរកំប៉ិកកំប៉ុកនៅផ្សារដាយអាង ចំណែកប្តីខ្ញុំក្រៅពីដើរធ្វើការឈ្នួលតាមរដូវកាល ពេលទំនេរឆ្លៀតត្បាញចង្អេរ កញ្ច្រែងរកប្រាក់ចំណូលបន្ថែម។ គ្រួសារខ្ញុំខិតខំធ្វើការរកស៊ីដើម្បីឈានឡើងចាកផុតក្រីក្រ”។

ឆ្លងតាមរយៈកម្មវិធីទិសដៅជាតិកាត់បន្ថយភាពក្រីក្រប្រកបដោយចីរភាព កសាងជនបទថ្មី គោលនយោបាយអភិវឌ្ឍសេដ្ឋកិច្ច-សង្គមតំបន់ជនរួមជាតិភាគតិច តំបន់លំបាកខ្លាំង ត្រូវបានស្រុកថ្កូវផ្សព្វផ្សាយព្រមៗគ្នា មកទល់ពេលនេះ ជាសារវន្តផ្លូវរថយន្តអាចធ្វើដំណើរទៅមក ប្រជុំជីវភាព រៀនសូត្រ ផលិតកម្ម ឆ្លើយតបទៅនឹងតម្រូវការរបល់ប្រជាជនលើភូមិសាស្រ្ត។ បច្ចុប្បន្ន ទូទាំងស្រុកមានផ្លូវកៅស៊ូចូលដល់មជ្ឈមណ្ឌលឃុំ និងផ្លូវបេតុងតភ្ជាប់ភូមិសម្រេច ១០០% ប្រព័ន្ធធារាសាស្រ្តសម្រាប់ការផលិតកសិកម្មបាន៨៥% ហើយនៅតាមភូមិ អនុសង្កាត់សុទ្ធតែមានបណ្តាញអគ្គិសនីជាតិ។ មជ្ឈមណ្ឌលសុខាភិបាលស្រុក មន្ទីរពេទ្យ ពហុព្យាបាល ដំណាក់សុខាភិបាលឃុំសុទ្ធតែសម្រេចបទដ្ឋានជាតិទាំងអស់ អត្រាគ្រួសារមានទឹកស្អាតប្រើប្រាស់សម្រេចបាន៩៨,៩៨% មានឃុំចំនួន១១ ដែលមានប្រជាជន៧០%បានសាងសង់ផ្ទះរឹងមាំនិងពាក់កណ្តាលរឹងមាំ។ល។ លទ្ធផលនេះ បានរួមចំណែកអភិវឌ្ឍសេដ្ឋកិច្ច លើកកម្ពស់ជីវភាពសម្ភារៈ ស្មារតីប្រជាជន បំផុតគឺជនរួមជាតិភាគតិចលើភូមិសាស្រ្តស្រុក៕

សើុងម៉ាល័យ-វិមាន

ចែករំលែកអត្ថបទ

ពាក្យគន្លឹះ