សុខភាព - អប់រំ អប់រំ

03/09/2019 - 18:45

សិស្សជនជាតិភាគតិចរាប់ពាន់នាក់នៅតំបន់វាលរាបទន្លេគឺវឡុង រួមជាមួយសិស្សទូទាំងប្រទេសឈានចូលឆ្នាំសិក្សាថ្មី២០១៩-២០២០

តាមប្រសាសន៍លោកស្រីង្វៀនធីមិញយ៉ាង នាយិកាមន្ទីរអប់រំនិងបណ្តុះបណ្តាលខេត្តគៀងយ៉ាង កាលពីថ្ងៃ០៥ ខែសីហា ឆ្នាំ២០១៩ សិស្សកម្រិតមធ្យមសិក្សាក្នុងទូទាំងខេត្តបានចូលសាលា និងចាប់ផ្តើមរៀននៅថ្ងៃ១២ ខែសីហា ឆ្នាំ២០១៩ ហើយនៅថ្ងៃ១២ ខែសីហា ឆ្នាំ២០១៩នេះដែរ សិស្សកម្រិតមត្តេយ្យនិងបឋមសិក្សាក៏ចូលសាលា និងចាប់ផ្តើមរៀននៅថ្ងៃ ១៩ ខែសីហា ឆ្នាំ២០១៩។ មន្ទីរបានចង្អុលការដល់សាលានានា ចាំបាច់ត្រូវធានាលក្ខណសម្បត្តិរៀនសូត្រដល់សិស្សានុសិស្សមុនពេល ប្អូនៗចូលរៀននិងបើកបវេសនកាលឆ្នាំសិក្សាថ្មីព្រមៗគ្នានៅថ្ងៃ០៥ ខែកញ្ញា ឆ្នាំ២០១៩។

សិស្សជនជាតិភាគតិច (ខាងស្តាំ) នៅឃុំឌិញម៉ូង ស្រុកថើយឡាយ ក្រុងកឹងធើ បានទទួលអាហារូបករណ៍នៅដើមឆ្នាំសិក្សាថ្មី។ រូប៖ ហាថាញ

នៅខេត្តវិញឡុង លោកផាមវ៉ាន់ហុង នាយករងមន្ទីរអប់រំនិងបណ្តុះបណ្តាល ឱ្យដឹង៖ ប្រព័ន្ធសាលារៀនរបស់ខេត្តបានបន្តបង្កើនកម្រិត ឆ្លើយតបនឹងតម្រូវការរៀនសូត្ររបស់សិស្សទូទាំងខេត្តមានសាលាសម្រេចបទដ្ឋានជាតិប្រមាណ៥៤,៩៨% សកម្មភាពបង្រៀនមុខវិជ្ជាជាប់ពាក់ព័ន្ធគ្នា បង្រៀនឆ្លងកាត់បទពិសោធន៍ គំនិតច្នៃប្រតិដ្ឋ សិក្សាស្រាវជ្រាវ បង្ហាត់បង្រៀនតាមទិសដៅពង្រីកសមត្ថភាពសិស្សត្រូវបានយកចិត្តទុកដាក់អនុវត្តបន្តក្នុងឆ្នាំសិក្សាថ្មី២០១៩-២០២០។

នៅក្រុងកឹងធើ គិតមកដល់ខែកក្កដា ឆ្នាំ២០១៩ ទូទាំងក្រុងមានសាលារៀនប្រមាណ៤៦០នៅគ្រប់កម្រិតសិក្សា ដោយមានបន្ទប់រៀនជាង៦.២៧០ សម្រាប់បម្រើការថ្នាក់រៀនជាង៧.៦៤០ថ្នាក់ (សម្រេចអត្រាជាង៨២%)។ សាលាសម្រេចបទដ្ឋានជាតិរបស់ក្រុងនាបច្ចុប្បន្ន មាន៣០៦សាលា(សម្រេចអត្រាជាង៦៦%)។

តាមស្ថិតិរបស់មន្ទីរអប់រំនិងបណ្តុះបណ្តាលខេត្តត្រាវិញ។ ឆ្នាំសិក្សា២០១៩-២០២០ ទូទាំងខេត្តមានសិស្សចូលរៀនប្រមាណ២១២.៥០០នាក់ បើប្រៀបធៀបនឹងឆ្នាំសិក្សាកន្លង ឃើញថាសិស្សកើនឡើងជាង៨.៤២៨នាក់។ ក្នុងនោះ សិស្សជនជាតិខ្មែរចូលរៀននៅឆ្នាំសិក្សា ២០១៩-២០២០ ចំនួន៧១.៥១២នាក់។ ទូទាំងខេត្ត មានសាលារៀនចំនួន៤៦៤ ក្នុងនោះ មានសាលា ជនជាតិអន្តេវាសិកចំនួន៨។ ពិសេស ឆ្នាំសិក្សា ២០១៩-២០២០ ខេត្តបានវិនិយោគកសាងសាលាមធ្យមសិក្សាបាលី-ខ្មែរ សរុបថវិកាវិនិយោគជាង៤៤ពាន់លានដុង បានបើកឱ្យប្រើប្រាស់ក្នុងឆ្នាំសិក្សាថ្មីនេះ។

តាមប្រសាសន៍ថ្នាក់ដឹកនាំផ្នែកអប់រំនៅតាមបណ្ដាខេត្ត ក្រុងដែលមានជនរួមជាតិភាគតិចរស់នៅកុះករតំបន់វាលរាបទន្លេគឺវឡុង ភូមិភាគចង្អុលការបានល្អការងារចលនាសិស្សចូលរៀន ត្រៀមបំរុងមូលដ្ឋានសម្ភារៈ ឧបត្ថម្ភសិក្ខូបករណ៍ មធ្យោបាយធ្វើដំណើរនិងអាហារូបករណ៍ដល់សិស្ស ប្តេជ្ញាចិត្តមិនទុកឱ្យសិស្សជនជាតិភាគតិច ព្រោះតែជីវភាពលំបាក បោះបង់ចោលការរៀនសូត្រ។

ថ្ងៃ០៥ ខែកញ្ញា ឆ្នាំ២០១៩ សិស្សជនរួមជាតិភាគតិចរាប់ពាន់នាក់នៅតំបន់វាលរាបទន្លេគឺវឡុង រួមជាមួយនឹងសិស្សទូទាំងប្រទេស ចាប់ផ្តើមឈានចូលឆ្នាំសិក្សាថ្មី២០១៩-២០២០៕

ល័យ-ថាញ់-វិមាន

ចែករំលែកអត្ថបទ

ពាក្យគន្លឹះ