មហាសាមគ្គីជនជាតិ គំរូក្នុងសហគមន៍

03/09/2019 - 18:45

នារីសង្កាត់៩ រួមដំណើរជាមួយសិស្សក្រីក្រ

ប៉ុន្មានឆ្នាំកន្លង ទន្ទឹមនឹងការផ្សព្វផ្សាយអនុវត្តបានល្អនូវការចលនាប្រឡងប្រណាំង “នារីសកម្មរៀនសូត្រ ពលកម្ម ច្នៃប្រតិដ្ឋ កសាងគ្រួសារសុភមង្គល” សមាគមសហព័ន្ធនារី សង្កាត់៩ ក្រុងត្រាវិញ ខេត្តត្រាវិញ បានខ្នះខ្នែងផ្សព្វផ្សាយ ចលនាសមាជិកនារីអនុវត្តចលនា “ជ្រូកដីជំរុញការសិក្សា”។

លោកម៉ាយវ៉ាន់ប័ន ប្រធានគណៈកម្មាធិការប្រជាជនសង្កាត់៩ វាយកូនជ្រូកដី។

សមាគមសហព័ន្ធនារីសង្កាត់៩មានសមាជិកចំនួន១.៣៣២នាក់ (នារីខ្មែរ៥៣%)សកម្មភាពនៅសាខាសមាគមចំនួន១០។ ដើម្បីរួមចំណែកជាមួយរដ្ឋអំណាចភូមិភាគនិងអង្គការមហាជនសង្កាត់ អនុវត្តល្អការងារជំរុញការសិក្សា ជំរុញបញ្ញា កសាងសង្គមរៀនសូត្រ សមាគមនារីបានចលនានារីចូលរួមចលនា “ជ្រូកដីជំរុញការសិក្សា” ទទួលបានការគាំទ្រយ៉ាងសកម្ម។ តាមរយៈការចលនានេះ រៀងរាល់ឆ្នាំ សមាគមនារី សង្កាត់បានជួយដល់សិស្សក្រីក្ររាប់រយនាក់ មានលក្ខណសម្បត្តិបានទៅរៀនសូត្រ។ ទន្ទឹមនឹងការសន្សំលុយ “ជ្រូកដីជំរុញការសិក្សា” សមាគមនារីបានចលនាសមាជិកដែលមានជីវភាពធូរធារ និងសប្បុរសជន ជំនួយជាសាច់ប្រាក់ កង់ និងសិក្ខូបករណ៍ដល់កូនចៅសមាជិកនារីដែលមានជីវភាពក្រីក្រ និងសិស្សក្រីក្រសង្វាត់រៀនសូត្រក្នុងឱកាសឈានចូលឆ្នាំសិក្សាថ្មី រួមចំណែកកាត់បន្ថយអត្រាសិស្សបោះបង់ការរៀនសូត្រពាក់ កណ្ដាលការ។

ក្នុងឱកាសឈានចូលឆ្នាំសិក្សាថ្មី២០១៩-២០២០ សមាគមនារីបានចលនាអង្គការនានានិងសប្បុរសជនជូនអំណោយ១៧៥ចំណែក (មួយចំណែកៗគិតជាទឹកប្រាក់២០០.០០០ដុង សៀវភៅ១០ក្បាល ប៊ិច២ដើម) និងកង់៦គ្រឿង (មួយគ្រឿងតម្លៃ១លានដុង) ជំនួយដល់កូនចៅសមាជិកនារីដែលមានជីវភាពក្រីក្រ និងសិស្សក្រីក្រលើភូមិសាស្រ្ត សង្កាត់គិតជាទឹកប្រាក់ប្រមាណ៦០លានដុង។ ស្របក្នុងឱកាសនេះ សមាគមបានចលនាសមាជិកនារី វាយជ្រូកដីជំរុញការសិក្សាចំនួន៣៩ ប្រមូលបានទឹកប្រាក់ជិត៥៣លានដុង។ បងស្រីថាច់ធីង៉ុកម៉ាយ ចូលរួមចិញ្ចឹមជ្រូកដីជំរុញការសិក្សា ចែករំលែក៖ “ចំនួនលុយប្រិតសំចៃបានមកតាមរយៈ “ជ្រូកដីជំរុញការសិក្សា” យើងខ្ញុំតែងយកទៅគិតគូរសម្រាប់ការរៀនសូត្ររបស់កូនៗ និងចំណាយមួយភាគសម្រាប់អាហារូបករណ៍ រង្វាន់លើកទឹកចិត្តសិស្សក្រីក្រសង្វាត់រៀនសូត្រ ក្នុងឱកាសឆ្នាំសិក្សាថ្មី។ យើងខ្ញុំគិតថា ចលនាសន្សំលុយ “ជ្រូកដីជំរុញការសិក្សា” មិនមែនជាការងារដោយឡែករបស់សមាជិកជំរុញការសិក្សាសង្កាត់៩ទេ គឺជាការងារដែលសមាជិកនៃអង្គការមហាជននានា គប្បីសកម្មចូលរួមដើម្បីគិតគូរឱ្យកូនចៅក្នុងគ្រួសាររៀនសូត្រ”។

បងស្រីគឹមធីយ៉ុយ ប្រធានសមាគមសហព័ន្ធនារីសង្កាត់៩ ឱ្យដឹង៖ “ក្នុងឱកាសប្រជុំជីវភាពប្រចាំខែ សមាគមនារីតែងផ្សព្វផ្សាយចលនាប្រឡងប្រណាំងរបស់អង្គការសមាគម ផ្សារភ្ជាប់ជាមួយនឹងការចលនាជំរុញការសិក្សាជំរុញបញ្ញា និងចលនា “កសាងគ្រួសារគ្មាន៥ ស្អាត៣”។ ពីព្រោះក្នុងការចលនា “កសាងគ្រួសារគ្មាន៥ ស្អាត៣” នេះមានលក្ខឋានគ្រួសារគ្មានកូនឈប់រៀនពាក់កណ្ដាលការ។ ក្នុងឱកាសវិស្សមកាលកន្លង សមាគមនារីបានសហការជាមួយនឹងសមាគមជំរុញការសិក្សាសង្កាត់ ធ្វើការស្វែងយល់ពីស្ថានភាពគ្រួសារសមាជិកដែលមានជីវភាពក្រីក្រ គ្រួសារក្រីក្រមានកូនកំពុងរៀនសូត្រ ដើម្បីមានផែនការជំនួយទាន់ពេល មិនទុកឱ្យកើតមានស្ថានភាពកុមារមិនបានទៅរៀនដោយខ្វះសិក្ខូបករណ៍ឡើយ”៕

សើុងម៉ាល័យ - ពេជ្រសឿន

ចែករំលែកអត្ថបទ

ពាក្យគន្លឹះ