មហាសាមគ្គីជនជាតិ គំរូក្នុងសហគមន៍

03/06/2019 - 16:27

នារីខ្មែរគំរូ

ហ៊ានគិតហ៊ានធ្វើ ត្រៀមលក្ខណៈចែករំលែកនិងឧបត្ថម្ភសមាជិកក្រីក្រ រួមគ្នាឈានឡើង-នោះគឺជាទង្វើរបស់បងស្រីលីវធីថាញ់ត្វៀន ប្រធានសាខាសមាគមនារីភូមិធើយធ្វឹងB ទីប្រជុំជនធើយឡាយ ស្រុកធើយឡាយ។

បងស្រីថាញ់ត្វៀន (ខាងឆ្វេង) ក្នុងពិធីជូនរង្វាន់ “ធុរជនខ្នាតតូចគំរូ Citi

–វៀតណាមឆ្នាំ២០១៨”។

បងស្រីថាញ់ត្វៀន ជាជនជាតិខ្មែរ កើតក្នុងគ្រួសារក្រីក្រ មានកូនច្រើន គ្មានដីបង្កបង្កើនផល ប្រកបមុខរបរធ្វើការឈ្នួលដើម្បីចិញ្ចឹមជីវិត។ កាលពីឆ្នាំ២០១៣ គាត់ក៏បានចូលរួមសមាគមសហព័ន្ធនារីទីប្រជុំជនធើយឡាយ រួចក៏បានឧទ្ទេសនាមរៀនរបរអ៊ុតសក់។ លុះរៀនចប់ ផ្តើមពីដើមទុនសន្សែសន្សំ រួមជាមួយទឹកប្រាក់បុលបាន៣០លានដុង គាត់ក៏បើកហាងអ៊ុតសក់និងសម្អាងការនៅនឹងផ្ទះ រកបានប្រាក់ចំណូលជាមធ្យមភាគជាង៦លានដុង/ខែ។ អាស្រ័យឧស្សាហ៍ព្យាយាម ចេះប្រិតសំចៃ និងប្រើប្រាស់ដើមទុនត្រូវតាមគោលដៅ សព្វថ្ងៃបងស្រី សង់ បានផ្ទះមួយខ្នងយ៉ាងសមរម្យ ហើយមិនបាច់ទៅធ្វើការស៊ីឈ្នួលឆ្ងាយដូចពីមុនទេ។

ឆ្នាំ២០១៥ បងស្រីថាញ់ត្វៀន មានទំនុកចិត្តត្រូវបានបោះឆ្នោតជាប្រធានសាខាសមាគមនារីភូមិធើយធ្វឹង B ។ល។ ជាមួយតួនាទីនេះ មិនត្រឹមតែធ្វើមានសម្រាប់ខ្លួនឯងប៉ុណ្ណោះទេ បងស្រីថែមទាំងឧទ្ទេសនាមបងប្អូនសមាជិករាប់សិបនាក់ ចូលរួមវគ្គបណ្តុះបណ្តាលវិជ្ជាជីវៈនៅភូមិស្រុក ចែករំលែកបទពិសោធន៍ការងារធ្វើ ជួយសមាជិកបុលដើមទុនអភិវឌ្ឍសេដ្ឋកិច្ចទៀតផង។ល។ អាស្រ័យហេតុនោះ បានជាមកទល់ពេលនេះ គាត់បានជួយបងប្អូនសមាជិកប្រមាណ១០៤នាក់ បានបុលដើមទុនដោយមានទឹកប្រាក់ជាង២,៥៩១ពាន់លានដុង កសាងបានទម្រង់នារីរកស៊ីមានប្រសិទ្ធភាពជាច្រើន ដូច៖ ត្បាញបន្ទោះ កំប្រោងជ័រ ដាំបន្លែសុវត្ថិភាព លក់ដូរជាលក្ខណៈគ្រួសារ ចិញ្ចឹមជ្រូកសាច់ និងចិញ្ចឹមជ្រូកមេ។ល។ ក្នុងមួយៗឆ្នាំ អាចនឹងជួយសមាជិកចាកផុតពីភាពក្រីក្រពី២-៣នាក់។ បងស្រីលីវធីហ្វា ជាគ្រួសារមួយក្នុងចំណោមគ្រួសារទើបចាកផុតពីភាពក្រីក្រនៅភូមិធើយធ្វឹងB ឲ្យដឹង៖ “បងស្រីថាញ់ត្វៀន រស់នៅចុះសម្រុង តែងចែករំលែកបទពិសោធន៍របស់ខ្លួន ដើម្បីជួយសមាជិកនារីក្នុងភូមិរួមអភិវឌ្ឍ។ ពិសេសគឺគាត់ជំហរធានាដើម្បីបងប្អូននារីបានបុលដើមទុនចិញ្ចឹមសត្វ-បង្កបង្កើនផលពីធនាគារគោលនយោបាយសង្គម ដើម្បីអភិវឌ្ឍសេដ្ឋកិច្ច។ល។ ម្ល៉ោះហើយអ្នកណាក៏ស្រឡាញ់រាប់អានគាត់ទាំងអស់”។

បងស្រីង្វៀនធីត្វៀកអាញ់ ប្រធានសមាគមសហព័ន្ធនារីទីប្រជុំជនធើយឡាយ ឲ្យដឹង៖ “បងស្រីថាញ់ត្វៀន គឺជាប្រធានសាខាសមាគមម្នាក់ មានភាពរវៀសរវៃ ជាពិសេសក្នុងការងារចលនាសមាជិកនារីជនជាតិខ្មែរអនុវត្តល្អនូវគោលការណ៍ គោលនយោបាយរបស់បក្ស ច្បាប់របស់រដ្ឋជាដើម។ អំពីសេដ្ឋកិច្ចវិញគាត់ ក៏បានដាក់ចេញគំនិតច្នៃប្រតិដ្ឋធ្វើអាជីវកម្មនិងធ្វើការរកស៊ីប្រកបដោយប្រសិទ្ធភាព ដើម្បីជួយបងប្អូននារីលំនឹងជីវភាព” ។

នៅក្នុងសន្និបាតស្ងើចសរសើរនារីជនជាតិភាគតិច នារីអ្នកកាន់ សាសនា និងសមូហភាព ព្រមទាំងបុគ្គលគំរូក្នុងការអនុវត្តប្រឡងប្រណាំងស្នេហាជាតិ អាស្រ័យសមាគមសហព័ន្ធនារីវៀតណាម សហការជាមួយក្រុមហ៊ុនធុរជនខ្នាតតូច Citiវៀតណាម រៀបចំថ្មីៗ នេះនៅហាណូយ។ ពិសេស បងស្រីថាញ់ត្វៀន ជានារីមួយរូបក្នុងចំណោមបុគ្គលទាំង៣០រូបក្នុងទូទាំងប្រទេស មានកិត្តិយស បានទទួលរង្វាន់ “ធុរជនខ្នាតតូចគំរូ Citi – វៀតណាមឆ្នាំ២០១៨” រង្វាន់សម្រាប់សមូហភាព បុគ្គលដែលប្រើប្រាស់ដើមទុនមានប្រសិទ្ធភាព រួមចំែណកអនុវត្តល្អគម្រោងកសាង និងអភិវឌ្ឍប្រព័ន្ធហិរញ្ញវត្ថុខ្នាតតូចប្រកបដោយចីរភាពនៅវៀតណាម៕

កុសល-លីសៀ

ចែករំលែកអត្ថបទ

ពាក្យគន្លឹះ