គោលនយោបាយ -ការរស់នៅ ការរស់នៅ

11/02/2019 - 15:29

ប្រសិទ្ធភាពផ្តើមពីប្រភពទុនជំនួយ

សមាគមកសិករសង្កាត់៧ ក្រុងត្រាវិញ ខេត្តត្រាវិញ មានសមាជិក៣៦៨នាក់ ក្នុងនោះ មាន សមាជិកជនជាតិខ្មែរ២១៤នាក់។ រយៈពេលកន្លង សមាគមបានផ្សព្វផ្សាយកម្មវិធី គម្រោង ចលនាប្រឡងប្រណាំងជាច្រើនប្រកបដោយប្រសិទ្ធភាព ជួយដល់សមាជិកពង្រីកសេដ្ឋកិច្ច កាត់បន្ថយភាពក្រីក្រប្រកបដោយចីរភាព។

ដោយសារមានប្រភពទុនបងលីវថាញ់ទ្វឹង មានលក្ខណសម្បត្តិ

បើកទូលាយទម្រង់ចិញ្ចឹមសំពោច។

លោកវ៉វ៉ាន់បឺវ ប្រធានសមាគមកសិករសង្កាត់៧ ឲ្យដឹង៖ “ឆ្នាំ២០១៨ ផ្តើមពីប្រភពមូលនិធិជំនួយកសិករ សមាគមកសិករក្រុងត្រាវិញបានឧបត្ថម្ភសមាជិក៥នាក់ បុលទុនរួមទាំងអស់៨០លានដុង សម្រាប់វិនិយោគពង្រីកមុខរបររកស៊ី។ សមាគមនៅទាំងសហការជាមួយនឹងធនាគារគោលនយោបាយសង្គម បង្កលក្ខណៈឲ្យសមាជិក២៨៤នាក់បុលទុនសម្រាប់ពង្រីកសេដ្ឋកិច្ចគ្រួសារ។ ដោយសារការរំសាយទុនបុលបានទាន់ពេល ចំមុខសញ្ញា ជួយដល់កសិករខ្មែរជាច្រើន ដោះស្រាយបានបញ្ហាប្រាក់កាស ឧបត្ថម្ភឲ្យកូនរៀនសូត្រ កែលម្អជីវភាព លើកកម្ពស់គុណភាពរស់នៅនិងពង្រីកការចិញ្ចឹមសត្វ ដាំដុះ។ល។”។ ផ្តើមពីគ្រួសារជួបការលំបាក គ្មានដីបង្កបង្កើនផល និងខ្វះដើមទុន អាស្រ័យបានប្រកៀកនឹងប្រភពទុនបុល និងបានផ្ទេរជូនវិទ្យាសាស្រ្តបច្ចេកទេសជឿនលឿន ក្នុងការចិញ្ចឹមសត្វ បងលីវថាញ់ទ្វឹង ជាសមាជិកសមាគមកសិករនៅអនុសង្កាត់៨ បានបង្កបង្កើតនិងពង្រីកទម្រង់ចិញ្ចឹមសំពោច រកបានប្រាក់ចំណូលខ្ពស់។ មិនត្រឹមតែគិតគូរអភិវឌ្ឍសេដ្ឋកិច្ចគ្រួសារប៉ុណ្ណោះទេ បងទ្វឹងនៅទាំងខ្នះខ្នែងណែនាំពីបច្ចេកទេសចិញ្ចឹមដល់សមាជិកឯទៀតអភិវឌ្ឍសេដ្ឋកិច្ច រួមគ្នាឈានឡើងចាកផុតពីភាពក្រីក្រទៀតផង។ បងទ្វឹង ឲ្យដឹង៖ “ផ្តើមពីចិញ្ចឹមសំពោចពូជ២ក្បាលដំបូង ខ្ញុំបានសមាគមកសិករសង្កាត់ បង្កលក្ខណសម្បត្តិ បុលទុនធនាគារគោលនយោបាយសង្គម និងទុនរបស់មូលនិធិជំនួយកសិករ ដើម្បីពង្រីកការចិញ្ចឹម និងបង្កើនចំនួនសំពោចរហូតដល់៨០ក្បាល។ សព្វថ្ងៃមានសំពោច៥០ក្បាល កំពុងក្នុងដំណាក់កាលកើតកូន ក្នុងមួយឆ្នាំ២ល្បាស់ គិតមធ្យមភាគសំពោចមេមួយក្បាលកើតបានកូនពី២-៤ក្បាល ទម្ងន់១គីឡូក្រាម/ក្បាល លក់ក្នុងតម្លៃ៣លានដុង/ក្បាល។ សំពោចងាយចិញ្ចឹម ងាយថែទាំ ចំណីសំខាន់គឺផ្លែឈើ (ចេក) និងជលផល បន្លែ ផ្លែឈើ មើមឈើ។ សព្វថ្ងៃ ទីផ្សារសំពោចលើភូមិសាស្រ្តគឺបានលំនឹង និងមានដំណើរការលក់ចេញក្រៅខេត្ត ម្ល៉ោះហើយខ្ញុំរកបានប្រាក់ចំណេញពីការចិញ្ចឹមសំពោចប្រមាណ ៤០០-៥០០ ពាន់ដុង/ឆ្នាំ”។

តាមប្រសាសន៍របស់លោកវ៉វ៉ាន់បឺវ ឆ្នាំ២០១៨ មានសមាជិក១៦០នាក់ចុះឈ្មោះជាកសិករ ផលិត ធ្វើអាជីវកម្មពូកែគ្រប់លំដាប់ថ្នាក់។ ឆ្លងតាមរយៈពិនិត្យវាយតម្លៃ មានសមាជិក៨៥នាក់សម្រេចកិត្តិនាមជាកសិករផលិត ធ្វើអាជីវកម្មពូកែគ្រប់លំដាប់ថ្នាក់សម្រេច១០០%ផែនការ។ ប្រការគួរឲ្យរីករាយ គឺទូទាំងសង្កាត់ គ្មានសមាជិកក្រីក្រ។ នៅពេលសមាជិកគ្រប់រូបមានសេដ្ឋកិច្ចគ្រួសារលំនឹង សមាគមក៏បានចលនាសមាជិកកសិករចូលរួមជាកម្លាំងពលកម្ម បរិច្ចាគដី ជួសជុលទំនប់ ប្រឡាយ ណែនាំសាខាសមាគមកសាងទម្រង់កសិករចូលរួមការពារបរិស្ថាន៕

សឺនម៉ាល័យ-ថាច់ធី

ចែករំលែកអត្ថបទ

ពាក្យគន្លឹះ