គោលនយោបាយ -ការរស់នៅ គោលនយោបាយ

07/01/2019 - 14:55

មានគោលនយោបាយជាច្រើនគិតគូរពីជីវភាពជូនអ្នកក្រ

រយៈពេលកន្លង ខេត្តសុកត្រាំង មានគោលនយោបាយជាច្រើនគិតគូរដល់គ្រួសារខ្មែរក្រីក្រ។ ផ្តើមពីនោះ ជួយឲ្យគ្រួសារជនរួមជាតិខ្មែររាប់រយពាន់គ្រួសារមានលំនៅឋាន មានលក្ខណសម្បត្តិពង្រីកសេដ្ឋកិច្ច លើកស្ទួយជីវភាពគ្រួសារចាកផុតពីភាពក្រីក្រ។

ប្តីប្រពន្ធបងស្រីថាច់ធីស្វឹងដាវ ទទួលសេចក្តីសម្រេចចិត្តប្រគល់ផ្ទះមហាសាមគ្គីពី

អង្គការមហាជន។

តាមគណៈជនជាតិខេត្តសុកត្រាំង ឆ្នាំ២០១៨ ខេត្តបានវិនិយោគទុនរាប់រយពាន់លានដុង ដើម្បីអនុវត្តគោលនយោបាយពិសេសដោយឡែក សំដៅអភិវឌ្ឍសេដ្ឋកិច្ច-សង្គម នៅតំបន់ជនរួមជាតិខ្មែរ។ តាមរយៈនោះ មានប្រជាជនប្រមាណជាង៣.០០០គ្រួសារ បានឧបត្ថម្ភអភិវឌ្ឍផលិតកម្ម និងប្រមាណជាង២៤.៥០០០គ្រួសារ បានឧបត្ថម្ភតាមសេចក្តីសម្រេចចិត្ត លេខ១០២/២០០៩/QĐ-TTg របស់នាយករដ្ឋមន្រ្តីនៃរដ្ឋាភិបាល ស្តីពីគោលនយោបាយឧបត្ថម្ភដោយផ្ទាល់ចំពោះប្រជាជនឋិតក្នុងក្របខ័ណ្ឌគ្រួសារក្រីក្រនៅតំបន់លំបាក។ ក្រៅពីនោះ ខេត្តនៅទាំងចលនាសប្បុរសជនរួមវិភាគទានទឹកប្រាក់ជាង១០០ពាន់លានដុង សង់ផ្ទះមហាសាមគ្គីជូនគ្រួសារក្រីក្រចំនួន៥០០ខ្នង។ ក្នុងឆ្នាំ២០១៨ ខេត្តបានដោះស្រាយការងារធ្វើជូនពលករជាង១២៨.៨០០នាក់ ក្នុងនោះ ទៅពលកម្មប្រទេសក្រៅ ជាង៤០០នាក់។ ផ្តើមពីនោះ គ្រួសារជនរួមជាតិខ្មែរមានផ្ទះសមរម្យ មានលក្ខណសម្បតិ្តពង្រីកសេដ្ឋកិច្ច រកបានប្រាក់ចំណូលលំនឹង។

បងស្រីលីធីថៀង នៅភូមិតឹមទ័រ ឃុំដាយតឹម ស្រុកមីស្វៀង ឲ្យដឹង៖ “លំនៅឋាន ដីសង់ផ្ទះ អគ្គិសនី ទឹកស្អាត ដើមទុន។ល។ របស់គ្រួសារខ្ញុំ សុទ្ធតែបានរដ្ឋឧបត្ថម្ភ។ កូនខ្ញុំទាំង៣នាក់ ក៏បានភូមិភាគឧទ្ទេសនាមចូលធ្វើនៅហាងនំនៅក្រុងសុកត្រាំង មានប្រាក់ចំណូលលំនឹង។ រដ្ឋមានគោលនយោបាយគិតគូរគ្រប់សព្វ ជូនអ្នកក្រ ឲ្យតែយើងខំប្រឹងធ្វើការរកស៊ី ជីវភាពនឹងបានធូរធារ”។ បងស្រីថៀងបានឲ្យដឹង៖ ពីមុនជីវភាពគ្រួសារជួបការលំបាក ប្តីប្រព័ន្ធបងទៅធ្វើការឈ្នួលឲ្យមាមីងនៅភូមិស្រុក ប្រាក់ចំណូលគ្រប់តែផ្គត់ផ្គង់ជីវភាពប្រចាំថ្ងៃប៉ុណ្ណោះ។ ព្រោះហេតុនោះ គ្រួសារបងគ្មានលទ្ធភាពទិញដីសង់ផ្ទះ រស់នៅពឹងអាស្រ័យដីរបស់ញាតិសន្តាន។ ពេលបានរដ្ឋអំណាចភូមិភាគសង់ផ្ទះមហាសាមគ្គីជូន ព្រមទាំងឲ្យបុលទុនចំនួន១០លានដុង បងទិញ ម៉ូតូ១គ្រឿងសម្រាប់ដឹកបន្លែបង្ការទៅលក់នៅផ្សារញូយ៉ា។ កូនស្រីពៅនៅផ្ទះលក់ដូរកំប៉ិកកំប៉ុក ម៉្លោះហើយមានប្រាក់ចំណូលលំនឹង។ បងស្រីថាច់ធីស្វឹងដាវ នៅភូមិត្រឿងឡុក ឃុំត្រឿងខាញ់ ស្រុកឡុងភូ ក៏ទទួលបានផ្ទះមហាសាមគ្គី១ខ្នង។ បងស្រីដាវ ឲ្យដឹង៖ “ប្តីប្រព័ន្ធខ្ញុំគ្មានដីបង្កបង្កើនផល ប្តីទៅធ្វើជាងកំបោរ រីឯខ្ញុំទៅធ្វើការឈ្នួល ម៉្លោះហើយគ្មានលទ្ធភាពសង់ផ្ទះឥដ្ឋ។ ឆ្នាំនេះ បានភូមិភាគពិនិត្យឲ្យផ្ទះ ផ្សំនឹងប្រាក់សន្សែសន្សំ ខ្ញុំសង់បានផ្ទះ១ខ្នងមានភាពសមរម្យ។ គ្រួសារខ្ញុំបានរដ្ឋឧបត្ថម្ភបុលទុនចំនួន៣០លានដុង ដើម្បីចិញ្ចឹមពពែ កែប្រែដីជុំវិញផ្ទះដាំដំណាំរួមផ្សំ។ ព្រោះហេតុនោះ ខ្ញុំមានលក្ខណសម្បត្តិពង្រីកសេដ្ឋកិច្ចគ្រួសារ ម៉្លោះហើយជីវភាពបានលំនឹងជាបណ្ដើរៗ”។

ទន្ទឹមនឹងគោលនយោបាយគិតគូររបស់រដ្ឋ និងការខិតខំប្រឹងប្រែងដោយខ្លួនឯង ម៉្លោះហើយ មានគ្រួសារខ្មែរក្រីក្រជាច្រើន បានចាកផុតពីភាពក្រីក្រ ឈានឡើងធូរធារ។ ប្រការនេះ បានបញ្ជាក់ថា កម្មវិធី គម្រោងនានា ដែលវិនិយោគជូនគ្រួសារក្រីក្របានផ្សព្វផ្សាយនៅខេត្តសុកត្រាំង ពិតជានាំមកនូវក្តីរីករាយ បង្កជាមូលដ្ឋានគ្រឹះជូនជនរួមជាតិខ្មែរពង្រីកសេដ្ឋកិច្ចឈានឡើងក្នុងជីវភាព។ ផ្តើមពីនោះ រួមចំណែកកាត់បន្ថយ អត្រាគ្រួសារក្រីក្ររបស់ខេត្តសុកត្រាំងនៅ៨,៤៣% ប្រៀបនឹងឆ្នាំ២០១៧ កាត់បន្ថយបាន៣,៤%(ក្នុងនោះ អត្រាគ្រួសារខ្មែរក្រីក្រក្នុងជនរួមជាតិខ្មែរស្រូបអត្រា៣,៥%)៕

យ្វីអាញ់-មុនី

ចែករំលែកអត្ថបទ

ពាក្យគន្លឹះ