24/12/2018 - 15:29

ប្រ​សិទ្ធ​ភាព​នៃ​កម្ម​វិ​ធី​១៣៥

ខេត្ត​សុក​ត្រាំង បាន​ខ្នះ​ខ្នែង​ផ្សព្វ​ផ្សាយ​នូវ​គោល​នយោ​បាយ​ជន​ជាតិ​ ដើម្បី​អភិ​វឌ្ឍ​តំ​បន់​ជន​រួម​ជាតិ​ខ្មែរ។ ក្នុង​នោះ  កម្ម​វិ​ធី​១៣៥ របស់​នា​យក​រដ្ឋ​មន្រ្តី​នៃ​រដ្ឋា​ភិ​បាល​ បាន​វិ​និ​យោគ​អភិ​វឌ្ឍ​គ្រប់​ជ្រុង​ជ្រោយ​នៅ​បណ្តា​ឃុំ​នា​នា​ដែល​មាន​ជន​រួម​ជាតិ​ខ្មែរ​រស់​នៅ​កុះ​ករ ទាំង​ហេដ្ឋា​រចនា​សម្ព័ន្ធ​​និង​សេដ្ឋ​កិច្ច​-សង្គ​ម​។​  ម្ល៉ោះ​ហើយ ជីវ​ភាព​របស់​ជន​រួម​ជាតិ​បាន​លំ​នឹង​ជា​បណ្ដើរ​ៗ ជន​បទ​កាន់​តែ​ផ្លាស់​ថ្មី​។

 ទម្រង់​ចិញ្ចឹម​គោ​ទឹក​ដោះ​ផ្តល់​ប្រាក់​ចំ​ណូល​ខ្ពស់​ត្រូវ​បាន​ពង្រីក
​ក្នុង​ជន​រួម​ជាតិ​ខ្មែរ​នៅ​ខេត្ត​សុក​ត្រាំង​។

តាម​គណៈ​ជន​ជាតិ​ខេត្ត​សុក​ត្រាំង​ ឲ្យ​ដឹ​ង​៖ ក្រោយ​រយៈ​ពេល​២​ឆ្នាំ (២០១៦​-២០១៨) ផ្សព្វ​ផ្សាយ​អនុ​វត្ត​កម្ម​វិ​ធី​ ១៣៥ ខេត្ត​បាន​ឧបត្ថម្ភ​ជាង​១៥៨​ពាន់​លាន​ដុង​សម្រាប់​កសាង​ហេដ្ឋា​រចនា​សម្ព័ន្ធ​។ ឆ្លង​តាម​រយៈ​នោះ កសាង​ស្ពាន​ជន​បទ​បាន​១៣៦​ខ្សែ  សំ​ណង់​ធា​រា​សាស្រ្ត​បាន​៦​ខ្សែ ​អា​គារ​ប្រ​ជុំ​ជីវ​ភាព​សហ​គមន៍​បាន​១៨ខ្ន​ង សំ​ណង់​បម្រើ​វិ​ស័យ​អប់​រំ​១​។ល។  ​វិ​និ​យោគ​ជាង​៤០​ពាន់​លាន​ដុង​សម្រាប់​ឧបត្ថម្ភ​ពង្រីក​ផលិត​កម្ម ធ្វើ​ពិ​ពិធ​កម្ម​មុខ​របរ​រក​ស៊ី​និង​បើក​ទូ​លាយ​ទម្រង់​កាត់​បន្ថយ​ភាព​ក្រី​ក្រ​ជូន​ប្រ​ជា​ជន​៣.០៤៦​គ្រួ​សារ​។  ផ្ដើម​ពី​នោះ នៅ​តំ​បន់​​ដែល​មាន​ជន​រួម​ជាតិ​ខ្មែរ​រស់​នៅ​កុះក​រ សុទ្ធ​សឹង​តែ​មាន​ផ្លូវ​បេតុង​ត​ភ្ជាប់​ពី​ភូមិ​មួយ​ទៅ​ភូមិ​មួយ ពី​ឃុំ​មួយ​ទៅ​ឃុំ​មួយ​។ មូល​ដ្ឋាន​សម្ភារៈ​សា​លា​រៀន​ត្រូវ​បាន​ក​សាង​យ៉ាង​រឹង​មាំ​និង​សម្រេច​បទ​ដ្ឋាន​ជាតិ​។ ដំ​ណាក់​សុ​ខា​ភិ​បាល​មាន​វេជ្ជ​បណ្ឌិត​ពិ​និត្យ​ ព្យា​បាល​​ជំ​ងឺ​ជូន​ប្រ​ជា​ជន​។ល។ លោក​ឡឹម​សឺន ហៀន​ ប្រ​ធាន​គណៈ​កម្មា​ធិ​ការ​ប្រ​ជា​ជន​ឃុំ​ដា​យ​តឹម ស្រុក​មី​ស្វៀន​ ឲ្យ​ដឹង​៖ “ជា​ឃុំ​ដែល​មាន​ជន​រួម​ជាតិ​ខ្មែរ​រស់​នៅ​ជាង​៨៤​% ម្ល៉ោះ​ហើយ ឃុំ​ដាយ​តឹម​ក៏​មាន​សំ​ណង់​ជា​ច្រើន​ដើម្បី​បម្រើ​ជីវ​ភាព​ប្រ​ជា​ជន​ត្រូវ​បាន​រដ្ឋ​វិ​និ​យោគ​ក​សាង​តាម​រយៈ​កម្ម​វិ​ធី​១៣៥ និង​កម្ម​វិ​ធី​ឯ​ទៀត​។ ផ្ដើម​ពី​នោះ សំ​ណង់​ទាំ​ង​ឡាយ​ ដូច​ជា​ផ្លូវ​ថ្នល់​ អា​គារ​ប្រ​ជុំ​ជីវ​ភាព​សហ​គមន៍​ សា​លា​រៀន​ ដំ​ណា​​ក់សុខា​ភិ​បាល​ ធា​រា​សាស្រ្ត​។ល។ ត្រូវ​បាន​វិ​និ​យោគ​ក​សាង​ជា​​សារ​វន្ត​។ តាម​រយៈ​ប្រ​ភព​ទុន​គោល​ន​យោ​បាយ ឃុំ​បាន​ផ្ដុំ​កម្លាំង​ដោះ​ស្រាយ​បញ្ហា​ផ្ទះ​សម្បែង​ ឧបត្ថម្ភ​បុល​ទុន​សម្រាប់​បង្ក​បង្កើន​ផល ដី​ផលិត​កម្ម​ អគ្គិ​សនី​ ទឹក​ប្រើ​ប្រាស់ ​​បណ្តុះ​បណ្តាល​វិជ្ជា​ជីវៈ​ ដោះ​ស្រាយ​ការ​ងារ​​ធ្វើ។​ល។ អា​ស្រ័យ​ហេតុ​នោះ ទើប​មា​មី​ង​ខ្មែរ មានលក្ខណ​សម្បត្តិ​ធ្វើ​ការ​រក​ស៊ី​ រក​បាន​ប្រាក់​ចំ​ណូល​លំ​នឹង​។ ឃុំ​ដាយ​តឹម សម្រេច​បទ​ដ្ឋាន​ជន​បទ​ថ្មី​ ភាគ​ច្រើន​គឺ​ដោយ​សារ​គោល​ន​យោ​បាយ​ជន​ជាតិ​ ជាក់​ស្ដែង​​គឺ​កម្ម​វិ​ធី​១៣៥​”។

ផ្លូវ​គមនា​គមន៍​ជន​បទ​នៅ​តំ​បន់​ជន​រួម​ជាតិ​ខ្មែរ​បាន​ក​សាង​ ផ្តើម​ពី​កម្ម​វិ​ធី​១៣៥​។

តាម​ប្រ​សាសន៍​របស់​លោក​លី​សុ​ខា​ អនុ​ប្រ​ធាន​គណៈ​ជន​ជាតិ​ខេត្ត​សុក​ត្រាំង​៖ គ​ណៈ​ជន​ជាតិ​បាន​សហ​ការ​ជា​មួយ​នឹង​មន្ទីរ​ ផ្នែក​ ភូមិ​ភាគ​ រៀប​ចំ​អនុ​វត្ត​គម្រោង​ទី​២​នៃ​កម្ម​វិ​ធី​១៣៥​ចំ​ណុះ​កម្ម​វិ​ធី​ទិស​ដៅ​ជាតិ​ស្តី​ពី​ការ​កាត់​ បន្ថយ​ភាពក្រី​ក្រដោយ​ចីរ​ភាព​ តាម​សេច​ក្ដី​សម្រេច​ចិត្ត​លេខ​១៧២២/​QĐ-TTg ចុះ​ថ្ងៃ​០២​/៩​/២០១៦​របស់​នា​យករដ្ឋ​មន្រ្តី​នៃ​រដ្ឋា​ភិ​បាល​។ អា​ស្រ័យ​ហេតុ​នោះ មូល​ដ្ឋាន​សម្ភារៈ​នៅ​តំ​បន់​លំ​បាក​មាន​ភាព​សុក្រឹត​ជា​បណ្តើរ​ៗ ទាំង​វិ​ស័យ​សេដ្ឋ​កិច្ច​​វប្បធម៌​សង្គម រួម​ចំ​ណែក​យ៉ាង​ស​កម្ម​ក្នុង​ការ​លើក​កម្ពស់​ជីវ​ភាព សម្ភារៈ ស្មារ​តី​ជូន​ប្រជា​ជន​។ ជា​ពិ​សេស មាន​ភូមិ​ភាគ​ជា​ច្រើន​បាន​ពិ​និត្យ​ឃើញ​ហើយ ក​សាង និង​ពង្រីក​ទម្រង់​កាត់​បន្ថយ​ភាព​ក្រី​ក្រប្រ​កប​ដោយ​ប្រ​សិទ្ធ​ភាព​លើ​វិ​សាល​ភាព​ទូ​ទាំង​ខេត្ត​។ ផ្តើមពី​នោះ រួម​ចំ​ណែក​​កាត់​បន្ថយ​ជា​បណ្តើរ​ៗ​អត្រា​គ្រួ​សារ​ក្រី​ក្រ​ក្នុង​ជន​រួម​ជាតិ​ខ្មែរ​។ ប្រ​សិន​បើ​ឆ្នាំ២០១៦ គ្រួ​សារ​ក្រី ក្រ​ក្នុង​ជន​រួម​ជាតិ​ខ្មែរ​មាន​អត្រា​ជិត​២៣​% បច្ចុប្បន្ន​នៅ​ត្រឹម​តែ​ជាង​១៤​%ប៉ុណ្ណោះ៕​

                                        លីធាន - ធី

 

ចែករំលែកអត្ថបទ
ពាក្យគន្លឹះ
លោក​លី​សុ​ខា