ព្រឹត្តិការណ៍ - នយោបាយ ព្រឹត្តិការណ៍

11/12/2018 - 15:17

បំប៉នការងារជនជាតិដល់មន្រ្តីក្រសួងធម្មការនិងសាសនានៃព្រះរាជាណាចក្រកម្ពុជាឆ្នាំ២០១៨

នៅក្រុងកឹងធើ គណៈកម្មាធិការជនជាតិ ទើបរៀបចំបើកវគ្គបំប៉នការងារជនជាតិដល់មន្រ្តីក្រសួងធម្មការនិងសាសនានៃព្រះរាជាណាចក្រកម្ពុជា ឆ្នាំ២០១៨ (ថ្នាក់បំប៉ន)។

អ្នកតំណាងទាំងឡាយនិងសិក្ខាកាម ថតរូបអនុស្សាវរីយ៍នៅក្នុងពិធីបើកវគ្គ។

វគ្គបំប៉ន គឺសំដៅអនុវត្តកិច្ចព្រមព្រៀងសហប្រតិបត្តិការដែលបានចុះហត្ថលេខារវាងគណៈកម្មាធិការជនជាតិនៃសាធារណរដ្ឋសង្គមនិយមវៀតណាម ជាមួយនឹងក្រសួងធម្មការនិងសាសនានៃព្រះរាជាណាចក្រកម្ពុជា។ វគ្គបំប៉ននេះគឺជាសកម្មភាពមានអត្ថន័យយ៉ាងសំខាន់ ចំពោះកងជួរមន្រ្តីដែលបម្រើការងារជនជាតិរវាងប្រទេសទាំងពីរ ហើយក៏ជាសកម្មភាពជាក់ស្តែង រួមចំណែកអភិវឌ្ឍកម្មវិធីសហប្រតិបត្តិការ ស្តីពីការបណ្តុះបណ្តាល និងបំប៉នដល់មន្រ្តីរដ្ឋការ និយាយរួម និងកម្មាភិបាលបម្រើការងារជនជាតិនិយាយដោយឡែក រវាងរាជរដ្ឋាភិបាលនៃប្រទេសទាំងពីរ វៀតណាម និងកម្ពុជា។

វគ្គបំប៉នដោយមានសិក្ខាកាមចំនួន២០រូប កម្មវិធីសិក្សារយៈពេល១៥ថ្ងៃ (ចាប់ពីថ្ងៃ ២៧ ខែវិច្ឆិកា ដល់ថ្ងៃ១០ ខែធ្នូ ឆ្នាំ២០១៨) ។ ក្រៅពីនេះ កម្មវិធីរួមមាន៦បធានបទដោះដូរចំណេះដឹង ស្តីពីការងារជនជាតិ។ ទន្ទឹមនឹងនោះ សិក្ខាកាមថែមទាំងចូលរួមសកម្មភាពក្រៅកម្មវិធីសិក្សា ទៅទស្សនាសិក្សានៅនឹងភូមិស្រុក ដើម្បីស្វែងយល់និងផ្លាស់ប្តូរបទពិសោធន៍ជាក់ស្តែងអំពីការគ្រប់គ្រងរដ្ឋនៃការងារជនជាតិ។ ព្រមជាមួយនោះ រៀនសូត្រទម្រង់ជឿនលឿនមួយចំនួន ក្នុងការបង្កបង្កើនផលដែលមានប្រសិទ្ធភាពជួយជនរួមជាតិចាកផុតពីភាពក្រីក្រនៅខេត្តសុកត្រាំង និងក្រុងហូជីមិញ៕

យោង៖ http://www.cema.gov.vn ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ