គោលនយោបាយ -ការរស់នៅ ការរស់នៅ

18/09/2018 - 10:48

ធ្វឹងហ្វា យកចិត្តទុកដាក់គិតគូរជីវភាពជនរួមជាតិខ្មែរ

ឃុំធ្វឹងហ្វា ស្រុកកូវង៉ាង មានប្រជាជនរស់នៅប្រមាណ២.២៦៨គ្រួសារ ដោយមានមនុស្ស៩.៧១៧នាក់ ក្នុងនោះ ជនរួមជាតិខ្មែរ១.២៣១គ្រួសារ ស្រូបអត្រា៥៦%នៃចំនួនប្រជាជនរួម។ ប៉ុន្មានឆ្នាំកន្លង សេដ្ឋកិច្ចរីកចម្រើន ហេដ្ឋារចនាសម្ព័ន្ធ ដូចជាអគ្គិសនី ផ្លូវគមនាគមន៍ សាលារៀន ដំណាក់សុខាភិបាលរបស់ឃុំធ្វឹងហ្វា ត្រូវបានវិនិយោគទុនកសាង គោលនយោបាយសុខុមាលភាពសង្គម ក៏បានយកចិត្តទុកដាក់យ៉ាងពិសេស។ អាស្រ័យហេតុនោះ ជីវភាពជនរួមជាតិខ្មែរបានលំនឹង និងលើកកម្ពស់។

អាស្រ័យបានបុលប្រាក់ឥណទាន ទើបគ្រួសារបងថាច់ហ្វាយផុង ខ្នះខ្នែងរកស៊ីទិញបានម៉ាស៊ីន

ច្រូតបោកចម្រុះមួយគ្រឿង។

លោកង្វៀនវ៉ាន់ហុង ប្រធានគណៈកម្មាធិការប្រជាជនឃុំធ្វឹងហ្វា ឲ្យដឹង៖ “សេដ្ឋកិច្ចរបស់ឃុំបង្អែកលើកសិកម្មជាសំខាន់។ រយៈពេលកន្លង រដ្ឋអំណាចឃុំបានផ្តុំកម្លាំងណែនាំប្រជាជនបង្វែររចនាសម្ព័ន្ធផលិតកម្មសមស្រប ឧបត្ថម្ភបុលទុនពីធនាគារគោលនយោបាយសង្គម ផ្ទេរជូនវិទ្យាសាស្រ្តបច្ចេកទេស ពង្រីកទម្រង់សេដ្ឋកិច្ចដែលមានប្រសិទ្ធភាពខ្ពស់។ល។ ផ្តើមពីនោះ បរិមាណផលដាំដុះនិងនេសាទជលផលពីមួយថ្ងៃទៅមួយថ្ងៃកាន់តែកើនឡើង គុណភាពនិងទិន្នផលស្រូវពីមួយថ្ងៃទៅមួយថ្ងៃកាន់តែខ្ពស់។ ចំនួនគ្រួសារចិញ្ចឹមគោ និងដាំដំណាំរួមផ្សំពីមួយថ្ងៃទៅមួយថ្ងៃកាន់តែកើនឡើង”។

បងស្រីថាច់ធីហុងហ្វា នៅភូមិផ្នោហាញ់ ឲ្យដឹង៖ “ឆ្នាំ២០១៦ គ្រួសារខ្ញុំបានសាខាសមាគមនារីភូមិផ្នោហាញ់ ឧទ្ទេសនាមបុលទុនបាន១៥លានដុង។ ខ្ញុំជួលដី៥កុងដើម្បីដាំដំណាំរួមផ្សំ និងទិញគោចិញ្ចឹម។ ឥឡូវគ្រួសារខ្ញុំមានគោដល់ទៅ៨ក្បាល។ ម្យ៉ាងទៀត ខ្ញុំទិញដីស្រែបន្ថែមបាន៦កុង និងសង់បានផ្ទះមួយខ្នង គិតជាតម្លៃ២៣០លានដុង។ល។ គ្រួសារខ្ញុំសូមថ្លែងអំណរគុណដល់រដ្ឋអំណាចគ្រប់លំដាប់ថ្នាក់ ពិសេសគឺសមាគមនារីឃុំ បានបង្កលក្ខណៈឲ្យបុលទុនពីធនាគារគោលនយោបាយសង្គម ដើម្បីខ្ញុំធ្វើការរកស៊ី ឈានឡើងចាកផុតពីភាពក្រីក្រ”។ បងថាច់ហ្វាយផុង នៅភូមិផ្នោហាញ់ ឲ្យដឹង៖ “ពីមុនគ្រួសារខ្ញុំក្រណាស់។ ប្តីប្រពន្ធខ្ញុំធ្វើការឈ្នួល។ អាស្រ័យមានកម្មវិធី១៦៧ ឧបត្ថម្ភដីលំនៅឋាន បន្ទាប់ពីនោះឧបត្ថម្ភបុលប្រាក់ឥណទាន។ល។ ខ្ញុំបុលបាន៣០លានដុងសម្រាប់ឲ្យកូនរៀនមហាវិទ្យាល័យត្រាវិញ និងទិញគោចិញ្ចឹម។ អាស្រ័យប្រិតសំចៃក្នុងការចាយវាយ គ្រួសារខ្ញុំទិញម៉ាស៊ីនច្រូតបោកចម្រុះបានមួយគ្រឿង និងដីស្រែបាន៥កុង។ បច្ចុប្បន្ន ប្រាក់ចំណូលពីចិញ្ចឹមគោ ធ្វើស្រែ ស៊ីឈ្នួលច្រូតកាត់គ្រួសារខ្ញុំរកបានប្រាក់ចំណេញជាង១០០លានដុង/ឆ្នាំ និងដោះស្រាយការងារធ្វើជាប្រចាំដល់ពលករនៅភូមិភាគបាន៦នាក់ ដោយប្រាក់ចំណូល៣០០.០០០ដុង/ម្នាក់/ថ្ងៃ”។

លោកង្វៀនវ៉ាន់ហុង ប្រធានគណៈកម្មាធិការប្រជាជនឃុំធ្វឹងហ្វា ឲ្យដឹង៖ អាស្រ័យអនុវត្តល្អនូវគោលនយោបាយចំពោះតំបន់ជនរួមជាតិ ទើបជីវភាពរបស់ជនរួមជាតិខ្មែរក្នុងឃុំបានផ្លាស់ប្តូរយ៉ាងប្រចក្ស។ រៀងរាល់ឆ្នាំ ទូទាំងឃុំមានគ្រួសារជនរួមជាតិខ្មែរចាកផុតពីភាពក្រីក្រប្រមាណ១០គ្រួសារ។ នៅពេលខាងមុខ ឃុំនឹងបន្តការចលនាប្រជាជនបង្វែរពូជដំណាំ សត្វចិញ្ចឹម ដាំដំណាំ រួមផ្សំនៅកន្លែងដែលមានលក្ខណសម្បត្តិសមស្រប ធ្វើស្រែនិងចិញ្ចឹមជលផល ដើម្បីអភិវឌ្ឍសេដ្ឋកិច្ចគ្រួសារ៕

សឺនម៉ាល័យ-វិមាន

ចែករំលែកអត្ថបទ

ពាក្យគន្លឹះ