31/07/2018 - 14:17

ក​សិ​ករ​ផលិត​ពូ​កែ

លោក​ឡឹម​អឿង នៅ​ភូមិ​តីប​ញ៉ឹក​ ឃុំ​វៀន​អាន​ ទទួល​បាន​លិ​ខិត​សរ​សើរ​របស់​គណៈ​កម្មា​ធិ​ការ​ប្រ​ជា​ជន​ស្រុក​ត្រឹង​ដេ និង​ប័ណ្ណ​សរ​សើរ​របស់​គណៈ​កម្មា​ធិ​ការ​ប្រ​ជា​ជន​ខេត្ត​សុក​ត្រាំង​។ ដោយ​ឡែក​ឆ្នាំ​២០១៧ លោក​បាន​សមា​គម​ក​សិ​ករ​វៀត​ណាម​ខេត្ត​សុក​ត្រាំង​ ទ​ទួល​ស្គាល់​ជា​កសិ​ករ​ផ​លិត​ធ្វើ​អា​ជីវ​កម្ម​ពូ​កែ​ថ្នាក់​ខេត្ត​។

លោក​ឡឹម​អឿង​។

លោក​ឡឹម​អឿង កើត​និង​ធំ​ដឹង​ក្តី​ក្នុង​គ្រួ​សារ​ក​សិ​ករ​ក្រី​ក្រ។ ដោយ​​សារ​ឪ​ពុក​ម្តាយ​សង​ខាង​​ក្រ ម៉្លោះ​​ហើយ ពេល​រៀប​ការ​ចេញ​នៅ​ដោយ​ឡែក ប្តី​ប្រ​ពន្ធ​លោក​ផ្តើម​អា​ជីព​ដោយ​បាត​ដៃ​ទ​ទេ​។ លុះ​ដល់​ឆ្នាំ​១៩៩០ រដ្ឋ​អំ​ណាច​ភូមិ​ភាគ​ចែក​ដី ស្រែ​បាន​៤​កុង​។ ផ្តើម​ពី​ដី​ស្រែ​៤​កុង​ដំ​បូង រ​ហូត​មក​ទល់​នឹង​បច្ចុប្បន្ន លោក​ឡឹម​អឿង​ មាន​ដី​ស្រែ​ដ​ល់​ទៅ​១១០​កុង​។ លោក​ឡឹម​អឿង ចែក​រំ​លែក​៖ “ដើម្បី​មាន​ចំ​នួន​ដី​ ដូច​ពោល​ខាង​លើ ប្តី​ប្រ​ពន្ធ​ខ្ញុំ​ឆ្លង​កាត់​ការ​លំ​​បាក​នឿយ​ហត់ ប្រើ​ប្រាស់​ប្រិត​សំ​ចៃ​ទិញ​ដី​ស្រែ​មួយ​ឆ្នាំ​បន្តិច​ៗ​”។ ប្តី​ប្រ​ពន្ធ​លោក​យក​ ចិត្ត​ទុក​ដាក់​ធ្វើ​ការ​រក​ស៊ី សន្សែ​សន្សំ​ដើម​ទុន ដើម្បី​ពង្រីក​ទ្រង់​ទ្រាយ​ផលិត​។ ទន្ទឹម​នឹង​នោះ លោក​តែង​សិក្សា​​ស្វែង​យល់​អំ​ពី​បច្ចេក​ទេស​ផ​លិត​អនុ​វត្ត​ពូជ​ថ្មី ចូល​រួម​វគ្គ​ហ្វឹក​ហាត់​ជំ​រុញ​ក​សិ​កម្ម​ ដើម្បី​បង្កើន​ចំ​ណេះ​ដឹង​។ ផ្តើម​ពី​នោះ លោក​ក៏​មាន​ចំ​ណេះ​ដឹង​ថ្មី​ក្នុង​ការ​បង្ក​បង្កើន​ស្រូវ​ ម៉្លោះ​ហើយ​លោក​មិន​ញ​ញើត​ក្នុង​ការ​ផលិត​ស្រូវ​២​រដូវ​/ឆ្នាំ​។

ជាង​៣០​ឆ្នាំ​ច្បាម​នឹង​ស្រែ​ចម្ការ​ ប៉ុន្តែ​កសិ​ករ​ខ្មែរ​ផ​លិត​ពូ​កែ​រូប​នេះ មិន​ព្រម​សម្រាក​លោក​កំ​ពុង​នឹង​ពង្រីក​ទម្រង់​ផលិត​ជា​ច្រើន ដើម្បី​ធ្វើ​មាន​លើ​​ដី​ស្រែ​របស់​ខ្លួន​។ ក្រៅ​ពី​ការ​ផលិត​ស្រូវ លោក​នៅ​ទាំង​ធ្វើ​សេ​វា​កម្ម​ដើម្បី​រក​ប្រាក់​ចំ​ណូល​បន្ថែម​ ដូច​ស៊ី​ឈ្នួល​ ភ្ជួរ​រាស់​ដី ចិញ្ចឹម​សត្វ​ ក្នុង​នោះ​មាន​ជ្រូក​មេ​២​ក្បាល ជ្រូក​សាច់​ជិត​២០​ក្បាល​ក្នុង​មួយ​ល្បាស់​ៗ​។ ជា​រៀង​រាល់​ឆ្នាំ ប្រាក់​ចំ​ណូល​ពី​ការ​ធ្វើ​ស្រែ ចិញ្ចឹម​សត្វ​​និង​សេ​វា​ក​សិ​កម្ម​ប្រ​មាណ​ជាង​៧០០​លាន​ដុង​។ ឥ​ឡូវ​ពិត​មែន តែ​ជីវ​ភាព​គ្រួ​សារ​ឈាន​ឡើង​ធូរ​ធារ ប៉ុន្តែ​លោក​ឡឹម​អឿង​ រស់​នៅ​សា​មញ្ញ​ ស្រុះ​ស្រួល​​នឹង​មា​មីង​ភូមិ​ផង​របង​ជា​មួយ​។ ម្យ៉ាង​ទៀត​ លោក​នៅ​ទាំង​ខ្នះ​ខ្នែង​ចូល​រួម​ការ​ងារ​ស​មា​គម​ក​សិ​ករ​អង្គ​ការ​ម​ហា​ជន​នា​នា​នៅ​ភូមិ​ភាគ ជួយ​ណែ​នាំ​បទ​ពិ​សោធន៍​ផ​លិត​ស្រូវ​ដល់​មា​មីង​ដោយ​អស់​ពី​ចិត្ត​ដើម្បី​រួម​គ្នា​ជម្នះ​ លំ​បាក​ឈាន​ឡើង​ចាក​ផុត​ពី​ភាព​ក្រី​ក្រ​។

លោក​ត្រឹង​មិញ​ត្រុង ប្រ​ធាន​សមា​គម​ក​សិ​ករ​ឃុំ​វៀន​អាន ចែក​រំ​លែក​៖ “ពូ​ឡឹម​អឿង​ ជា​ស​មា​ជិក​សមា​គម​ក​សិ​ករ​ឃុំ​វៀន​អាន​ ពូ​មាន​ច​រិត​ឧស្សាហ៍ ​ស៊ូ​លំ​បាក​ ធ្វើ​មាន​សម​ហេតុ​។​ ពូ​អឿង​ គឺ​ជា​គំ​រូ​គួរ​បាន​ក​សិ​ករ​ជា​ច្រើន​រៀន​សូត្រ​តាម​”៕     

                              ត្រឿង​ផល​-មុនី

ចែករំលែកអត្ថបទ
ពាក្យគន្លឹះ
លោក​ឡឹម​អឿង