សុខភាព - អប់រំ អប់រំ

20/04/2016 - 15:25

ខេត្តហូវយ៉ាង សម្រេចលក្ខឋានឧត្តានកម្មអប់រំមតេ្តយ្យ

ខេត្តហូវយ៉ាង បានក្រសួងអប់រំនិងបណ្តុះបណ្តាលទទួលស្គាល់សម្រេច លក្ខឋានឧត្តានកម្មអប់រំមតេ្តយ្យជូនកុមារអាយុ៥ឆ្នាំ។ ដូច្នេះ ខេត្តហូវយ៉ាងជាខេត្តមួយក្នុងចំណោម៥ខេត្ត ក្រុងនៅវាលរាប ទន្លេគឺវឡុងសម្រេចលក្ខឋាន។

គ្រូនិងសិស្សសាលាមតេ្តយ្យហឿងយឿង។

កំណត់កម្រិតមតេ្តយ្យ គឺជាគ្រឹះធារដើម្បីសិស្សវិវឌ្ឍន៍លើគ្រប់ជ្រុងជ្រោយ បានជាផ្នែកអប់រំខេត្តហូវយ៉ាងកសាងផែនការអភិវឌ្ឍន៍អប់រំមតេ្តយ្យដោយភាពលម្អិតជាក់ស្តែង។ ទន្ទឹមនឹងនោះ ផ្នែកក៏បានប្រមូលផ្តុំ ផ្សព្វផ្សាយដោយប្រសិទ្ធភាព គម្រោងឧត្តានកម្មអប់រំមតេ្តយ្យជូនកុមារអាយុ៥ឆ្នាំ តាមសេចក្តីសម្រេចលេខ២៣៩របស់នាយករដ្ឋមន្ត្រីនៃរដ្ឋាភិបាល។ ដំណើរគម្រោងអភិវឌ្ឍនៅរាល់ឃុំ សង្កាត់ ទីប្រជុំជន ចាំបាច់ត្រូវតែមានខ្លឹមសារអភិវឌ្ឍអប់រំមតេ្តយ្យ លោកលឿងយ៉ាងណាមអនុប្រធានគណៈកម្មាធិការប្រជាជនឃុំលឿងងៀ ស្រុកឡុងមី ឲ្យដឹង៖ "កិច្ចចង្អុលការរបស់ថ្នាក់ដឹកនាំស្រុកចាប់ពីបង្កើតឃុំថ្មី ចែកចេញពីឃុំលឿងតឹម គណៈកម្មាធិការបក្ស គណៈកម្មាធិការប្រជាជនឃុំលឿងងៀ បានអាទិភាពអភិវឌ្ឍប្រព័ន្ធអប់រំ ពិសេសគឺសាលាកម្រិតមតេ្តយ្យ។ បច្ចុប្បន្ន ក្រៅពីសាលាមតេ្តយ្យនៅមជ្ឈមណ្ឌលឃុំបានកសាងថ្មី សាខាសាលានៅរាត់រាយក៏បានកសាងរឹងមាំនិងសមរម្យទាំងអស់ធានាជូនកុមារចូលរៀនកម្រិតមតេ្តយ្យ ដោយសុវត្ថិភាព កុមារអាយុ៥ឆ្នាំបានរៀន២ពេល/ថ្ងៃ"។ ចំណែកនៅឃុំហ្វាឡឺវ ក្រុងវីថាញ់ លោកគឹមទ្រុងយុង អនុលេខាគណៈកម្មាធិការបក្សឃុំឲ្យដឹង៖ កម្រិតមតេ្តយ្យនៅលើភូមិសាស្រ្តឃុំ បានត្រួតពិនិត្យនិងទទួលស្គាល់សម្រេចលក្ខឋានឧត្តានកម្មអប់រំ មតេ្តយ្យជូនកុមារអាយុ៥ឆ្នាំ ដោយសារមូលដ្ឋាន សម្ភារៈសាលាមតេ្តយ្យហឿងស៊ែន កសាងរឹងមាំមានគ្រូបង្រៀនគ្រប់គ្រាន់និងសម្រេចបទដ្ឋាន ។

តាមប្រសាសន៍របស់លោកវ៉ថាញ់ម៉ូង អនុប្រធានការិយាល័យនៃមន្ទីរអប់រំនិងបណ្តុះបណ្តាលខេត្តហូវយ៉ាង ពេលសាលាមតេ្តយ្យនានាបានកសាងថ្មី ការចលនាកុមារចូលរៀនពីមួយថ្ងៃទៅមួយថ្ងៃកាន់តែងាយស្រួលជាង។ ពិសេសគឺនៅតាមមណ្ឌលសាលាមានសិស្សជនជាតិភាគតិចកុះករ គ្រូបង្រៀនបានបំពេញការងារផ្សព្វផ្សាយល្អ ហេតុនោះ អត្រាកុមារជនជាតិភាគតិចចូលរៀនសម្រេច១០០%។ អ្នកគ្រូវ៉ធីហាញ់ នាយិកាសាលាមតេ្តយ្យហឿងយឿង ស្រុកចូវថាញ់A ឲ្យដឹង៖ "សិស្សជនជាតិភាគតិចលើភូមិសាស្រ្ត បានចលនាចូលរៀនទាំងអស់។ ក្រៅពីគោលនយោបាយមិនបង់កម្រៃសិក្សានិងកាត់បន្ថយកម្រៃសិក្សាប្អូនៗ ថែមទាំងបានឧបត្ថម្ភជារៀងរាល់ខែទៀតផង ហេតុនោះអាណាព្យាបាលសិស្សមានការស្ងប់ចិត្តឲ្យកូនមករៀននៅសាសានេះ"។

ដើម្បីឲ្យបានទទួលស្គាល់សម្រេចបទដ្ឋាន បច្ចុប្បន្នខេត្តហូវយ៉ាង មានសាលាមតេ្តយ្យចំនួន៨៤ រួមមាន៖ សាលារដ្ឋចំនួន៨៣ សាលាឯកជន១ និងមានកុមារ៤៩ក្រុម ថ្នាក់មតេ្តយ្យឯកជនក្នុងនោះមានសាលាសម្រេចបទដ្ឋានជាតិ៣២/៨៤ ស្រូបអត្រា៣៨,០៩%។ តាមប្រសាសន៍របស់លោកដុងវុាំងថាញ់ អនុប្រធានគណៈកម្មាធិការប្រជាជនខេត្តហូវយ៉ាង សម្រេចឧត្តានកម្មអប់រំមតេ្តយ្យជូនកុមារអាយុ៥ឆ្នាំ គឺជាគ្រឹះធារ ដើម្បីលើកកម្ពស់គុណភាពអប់រំជូនកម្រិតសិក្សាបន្តបន្ទាប់៕

ហាថាញ់-វិមាន

ចែករំលែកអត្ថបទ

ពាក្យគន្លឹះ