មហាសាមគ្គីជនជាតិ គំរូក្នុងសហគមន៍

15/03/2016 - 08:41

ប្រធានសាខាសមាគមអតីតយុទ្ធជនគំរូ

មកដល់ភូមិអូរត្រាវ ឃុំហីវទឺ ស្រុកទីវកឹង ខេត្តត្រាវិញ សួររកពូគីមតឺ ប្រធានសាខាសមាគមអតីតយុទ្ធជនមាមីងនៅទីនេះ ដឹងស្គាល់គ្រប់គ្នា ដោយសារគាត់បានរួមចំណែកជាមួយនឹងភូមិស្រុក និងចលនា "សមាគមអតីតយុទ្ធជន ជួយគ្នាកាត់បន្ថយភាពក្រីក្រនិងធ្វើសេដ្ឋកិច្ចពូកែ"។

គ្រួសារពូគឹមតឺ។

ឆ្នាំ១៩៨៦ ពេលវិលត្រឡប់មកពីសមរភូមិកម្ពុជា ពូគីមតឺ ជាយុទ្ធជនពិការកម្រិត៣/៤ ដូច្នោះ សុខភាពនិងសមត្ថភាពពលកម្មចុះខ្សោយ។ ឆ្នាំ១៩៨៧ ពូរៀបការរួចបានឪពុកម្តាយទាំងសងខាងចែកដីស្រែឲ្យ៥កុងនៅភូមិអូរត្រាវ ឃុំហីវទឺ។ ប្តីប្រពន្ធពូ ខិតខំប្រឹងប្រែងធ្វើស្រែចម្ការនិងចិញ្ចឹមសត្វ។ល។ អាស្រ័យដោយការខិតខំស៊ូទ្រាំលំបាក ឧស្សាហ៍ព្យាយាមរៀនសូត្របទពិសោធន៍ ហើយក្រោយពីបានសន្សែសន្សំជាច្រើនឆ្នាំ គ្រួសារពូទិញបានដីស្រែជាង៣០កុងនិងចម្ការ៣កុង។ ហេតុនោះ ទើបសេដ្ឋកិច្ចគ្រួសារបានលំនឹងមានលក្ខណៈចិញ្ចឹមកូនរៀនសូត្រចប់ ចុងចប់ដើម។

ពូគីមតឺ ឲ្យដឹង៖ "អាស្រ័យបានគណៈកម្មាធិការប្រជាជនឃុំហឺវទឺ អញ្ជើញទៅហ្វឹកហាត់ផ្ទេរជូនវិទ្យាសាស្រ្តបច្ចេកទេសក្នុងការផលិត និងសិក្សាស្វែងយល់តាមរយៈសៀវភៅកាសែត វិទ្យុ។ល។ ដូច្នេះទើបគ្រួសារខ្ញុំចិញ្ចឹមកូន៣នាក់បានរៀនសូត្រចប់ចុងចប់ដើម"។ បច្ចុប្បន្ន កូនច្បងគឹមតឹមក្រោយពីប្រឡងចប់យកសញ្ញាប័ត្រផ្នែកកសិកម្មនៃសកលវិទ្យាល័យត្រាវិញ បច្ចុប្បន្នកំពុងធ្វើការនៅក្រុមហ៊ុនជីខេត្តសុកត្រាំង។ កូនស្រីបន្ទាប់គឹមធីណារិនរៀនថ្នាក់ឧបដ្ឋាកនិងកូនប្រុសពៅឈ្មោះ គឹមតួរៀនផ្នែកកសិកម្មនៅសកលវិទ្យាល័យត្រាវិញ ទើបតែចេញសាលាកំពុងស្វែងរកការងារធ្វើ។ មកទល់នឹងបច្ចុប្បន្ន គ្រួសារពូមានដីស្រែជិត៤៨កុងនិងចម្ការ៣កុងក្រោយទូទាត់ចំណូលចំណាយរួចស្រេច គ្រួសារពូនៅសល់ជាង១៥០លានដុង/ឆ្នាំ។ ឆ្នាំ១៩៩៨ ពូបានចូលរួមក្នុងសាខាសមាគមអតីតយុទ្ធជនភូមិអូរត្រាវ។ ពូតែងធ្វើជាគំរូដោយអស់ពីចិត្តក្នុងការងារសមាគមនិងចលនាសមាជិកក្នុងសមាគមចូលរួមបង្កើតមូលនិធិហ៊ុនទុន ដើម្បីជួយគ្នាអភិវឌ្ឍសេដ្ឋកិច្ចគ្រួសារ។

លោកថាច់សល លេខាសាខាបក្សនិងជាប្រធានភូមិអូរត្រាវ ឲ្យដឹង៖ " ពូគឹមតឺ នៅទាំងធ្វើសេនាធិការបានល្អឲ្យគណៈកម្មការភូមិក្នុងការសម្រុះសម្រួលវិវាទតូចតាចនៅក្នុងផ្ទៃក្នុងប្រជាជន។ ទន្ទឹមនឹងនោះ ថែមទាំងចូលរួមផ្សព្វផ្សាយចលនាប្រជាជន អនុវត្តបានល្អនូវគោលនយោបាយរបស់បក្សនិងច្បាប់របស់រដ្ឋ។ អាស្រ័យហេតុនោះ បានរួមចំណែកកាត់បន្ថយករណីបំពានច្បាប់"។ ដោយទង្វើជាក់ស្តែងរបស់ខ្លួនឆ្នាំ២០០៩ ពូតឺមានកិត្តិយសបានគណៈកម្មាធិការប្រជាជនខេត្តត្រាវិញ ជូនប័ណ្ណសរសើរពីព្រោះ "ស្នាដៃក្នុងការកសាងនិងអភិវឌ្ឍផែនមហាសាមគ្គីទូទាំងជនជាតិ"៕

លីសៀ - សុផល

ចែករំលែកអត្ថបទ

ពាក្យគន្លឹះ