គោលនយោបាយ -ការរស់នៅ គោលនយោបាយ

17/05/2016 - 09:13

ស្រុកទ្រីតូង គិតគូរជីវភាពជូនជនរួមជាតិភាគតិច

បងស្រីនាងសម្បូរណ៍ ប្រធានការិយាល័យជនជាតិស្រុកទ្រីតូង រីករាយ ឲ្យដឹង៖" ថ្វីត្បិតតែអាកាសធាតុក្ដៅខ្លាំងក្ដី ប៉ុន្តែជនរួមជាតិខ្មែរនៅស្រុកទ្រីតូង នៅតែទទួលអំណរបុណ្យចូលឆ្នាំថ្មី ប្រកបដោយភាពរីករាយនិងសុខដុមរមនា។ ត្បិតអីមាមីងបានផ្លាស់ប្តូររចនាសម្ព័ន្ធពូជដំណាំតាម ទិសដៅធន់នឹងភាពរាំងស្ងួត រកបានប្រាក់ចំណូលគួរឲ្យកត់សម្គាល់"។

យុវជនឃុំណូយតូលេងបាល់ទាត់នាពេលរសៀលនៅទីធ្លា អាគារវប្បធម៌មជ្ឈមណ្ឌលរៀនសូត្រសហគមន៍។

ក្រោយពីប្រមូលផលស្រូវរយៈពេលមុនចូលឆ្នាំតេតង្វៀនដាង ជនរួមជាតិខ្មែរនៅស្រុកទ្រីតូងនិយាយដោយឡែក និងតំបន់បៃណូយនិយាយ រួមបានជ្រើសប្រភេទពូជដំណាំមួយចំនួនដែលធន់នឹងភាពរាំងស្ងួត បានល្អ មានដូច៖ សណ្តែកបាយ សណ្តែកដី ត្រសក់ស្រូវ ល្ង។ល។ សម្រាប់ដាំដុះ។ បងស្រីនាងហេង នៅភូមិអាងថាញ់ ឃុំអាងហៅ ឲ្យដឹង៖ "ពីមុននេះ គ្រួសារខ្ញុំគ្មានដាំសណ្តែកដីឆ្លាស់រដូវនោះឡើយ ត្រឹមតែទុកចោលដីនៅទំនេរ ត្បិតអីរដូវនេះមិនអាចផលិតស្រូវបានរងចាំដល់មេឃបង្អូរភ្លៀងទើបដាំ។ អាស្រ័យកម្មាភិបាលបច្ចេកទេសណែនាំ ទើបមានមាមីងក្នុងភូមិដាំសណ្តែកកាន់តែច្រើន ម្ល៉ោះហើយទើបគ្រួសារខ្ញុំដាំតាម។ ឥឡូវនេះ ដំណាំសណ្តែកដីមិនត្រឹមតែជួយគ្រួសារខ្ញុំរកបានប្រាក់ចំណូលបន្ថែមប៉ុណ្ណោះទេ នៅទាំងបង្កការងារធ្វើជាច្រើនសម្រាប់មាមីងក្នុងភូមិទៀតផង"។

តាមប្រសាសន៍របស់បងស្រីសម្បូរណ៍ ឲ្យដឹង៖ ក្រៅពីការអភិវឌ្ឍន៍កសិកម្ម ការិយាល័យជនជាតិស្រុក បានធ្វើសេនាធិការជូនគណៈកម្មាធិការប្រជាជនស្រុកទ្រីតូង និងគណៈជនជាតិខេត្តបានល្អ ក៏ដូចជាសហការជិតស្និទ្ធជាមួយនឹងអង្គភាពទាក់ទិននានា អនុវត្តសេចក្ដីសម្រេចលេខ២៩ ២០១៣QĐ-TTg និងរំសាយទុនរួចរាល់សម្រាប់២២២ ៣២០គ្រួសារ ជនជាតិភាគតិច ដើម្បីទទួលចំណែកដីសង់ផ្ទះ។ មានទីលំនៅថ្មី ជនរួមជាតិខ្មែររឹតតែត្រេកអរ ខិតខំធ្វើការរកស៊ីចាកផុតពីភាពក្រីក្រ។ ក្រៅពីនោះ ស្រុកបានសហការជាមួយនឹងសាលាមធ្យមសិក្សាវិជ្ជាជីវៈជនជាតិអន្តេវាសិកអាងយ៉ាង រៀបចំបើកវគ្គបណ្តុះបណ្តាលបាន២ថ្នាក់ និងប្រគល់ជូនលិខិតបញ្ជាក់ថ្នាក់បច្ចេកទេសចិញ្ចឹមគោជូន២ឃុំ គឺឃុំអូរឡឹម មានសិក្ខាកាមចំនួន៣០រូប និងឃុំចូវឡាំងមានសិក្ខាកាមចំនួន២៨រូប។ ទន្ទឹមនឹងនោះ ពិនិត្យវាយតម្លៃនិងជម្រើសគ្រួសារជនជាតិភាគតិចចូលរួម gameshow"សប្បាយរីករាយជាមួយនឹងភូមិស្រុក" នៅឃុំនានាមាន ដូច៖ ណូយតូ អូរឡឹម កូតូនិងអាងទឹក ដើម្បីប្រគល់ជូនគោដល់គ្រួសារក្រីក្រ មានគោចំនួន២២ក្បាលត្រូវបានប្រគល់ជូនប្រជាជន។ ការិយាល័យជនជាតិស្រុកទ្រីតូង ក៏បានសហការជាមួយនឹងធនាគារគោលនយោបាយសង្គមស្រុក បង្កើតបញ្ជីរាយនាមនិងរំសាយទុនបុលសម្រាប់ អភិវឌ្ឍផលិតកម្ម។

បងចៅថន នៅភូមិភឿកថ ឃុំអូរឡឹម ឲ្យដឹង៖ "អាស្រ័យរដ្ឋឧបត្ថម្ភក្នុង ការបុលទុននិងបណ្តុះបណ្តាលវិជ្ជាជីវៈ ទើបខ្ញុំមានការងារធ្វើលំនឹង។ ផ្លូវចុះទៅកាន់ភូមិសព្វថ្ងៃបានក្រាលបេតុងរួចរាល់ ទើបខ្ញុំរៀនមុខរបរជួសជុលម៉ូតូ។ ខ្ញុំក៏បានបុលទុនដើម្បីបើករោងកិនស្រូវនៅនឹងផ្ទះ។ ឲ្យ តែមានមាមីងក្នុងភូមិទូរស័ព្ទហៅភ្លាម ខ្ញុំក៏យកម៉ូតូទៅដឹកស្រូវមកកិន រួចហើយខ្ញុំដឹកអង្ករកន្ទក់ អង្កាមប្រគល់ជូនដល់ផ្ទះស្រេចបាច់ ទើបយកប្រាក់ឈ្នួល។ អាស្រ័យរដ្ឋវិនិយោគទុនកសាងផ្លូវកៅស៊ូ ផ្លូវបេតុង បានជាសព្វថ្ងៃគ្រួសារខ្ញុំកាន់តែមានភាពងាយស្រួលក្នុងការងាររកស៊ី។ ខ្ញុំបានសងបំណុលរួចរាល់ សព្វថ្ងៃខ្ញុំក៏មានការនឹងនរចិត្ត គិតគូរឲ្យកូន២ នាក់រៀនសូត្រចប់ចុងចប់ដើមដូចគេឯង"៕

ហាថាញ់ - សេរី

ចែករំលែកអត្ថបទ

ពាក្យគន្លឹះ