មហាសាមគ្គីជនជាតិ គំរូក្នុងសហគមន៍

25/11/2014 - 10:38

ទឹកព្រះទ័យរបស់ដូនជីតឹមលៀង

ដូនជីថិតតឹមលៀង (ឈ្មោះពិតត្រឿងធីចូ) ជាព្រះចៅអធិការវត្តង៉ុកចូវញ៉ឺ ក្រុងវិញចូវ ខេត្តសុកត្រាំង ត្រូវបានមាមីងពុទ្ធបរិស័ទគោរពរាប់អាន គ្រប់ៗគ្នា ពីព្រោះដូនជីមានសន្តានចិត្តល្អ ឧបត្ថម្ភគិតគូរជីវភាព គ្រួសារក្រីក្រ មនុស្សចាស់គ្មានទីពឹង ជនពិការ កុមារកំព្រា កសាងស្ពាន សង់ផ្ទះមេត្តាធម៌ជូនគ្រួសារក្រីក្រដែលលំបាកខាងផ្ទះនៅ...។

ដូនជីថឹតតឹមលៀង ក្បែរថ្នាក់រៀនរបរធេី្វធូបសម្រាប់ ជនពិការនៅវត្ត។

កើតនិងធំដឹងក្តីក្នុងគ្រួសារកសិករក្រីក្រ ធ្លាប់ជួបប្រទះនឹងស្ថានភាពក្រលំបាក ជំងឺតម្កាត់ ម៉្លោះហើយពេលអាយុ១៧ឆ្នាំ (ឆ្នាំ១៩៦១) ដូនជីតឹមលៀងចូលវត្តបួសដោយបំណងចង់បានធ្វើអំពើល្អជូនសង្គម។ ក្នុងរយៈកាលបួសរៀន ដូនជីតែងសិក្សាស្វែងយល់តាមរយៈសៀវភៅ កាសែត និងសាកសួរវិធីព្យាបាលជំងឺតាមក្បួនវេជ្ជសាស្រ្តបុរាណពីគ្រូពេទ្យជំនាញៗ។ ក្រោយពីរយៈកាល៣ឆ្នាំរៀនវេជ្ជសាស្រ្តបុរាណ ដូនជី បានបើកបន្ទប់ពិនិត្យជំងឺប្រើថ្នាំស្រុក ដើម្បីព្យាបាលរោគជូនអ្នកក្រដោយឥតគិតថ្លៃ។ យោងតាមដូនជីតឹមលៀង បន្ទប់ពិនិត្យមានទ្រង់ទ្រាយតូចក៏ពិតមែន ប៉ុន្តែមានអ្នកជំងឺជាច្រើនមកស្ទង់ជីពចរ និងយកថ្នាំស្រុក ពុំនោះសោតមានថ្ងៃខ្លះមានអ្នកមកពិនិត្យជំងឺឡើងដល់២០០ លើកនាក់ និងយកថ្នាំជាង១.០០០ធៀប។ ឆ្នាំ១៩៩៧ ពេលអាយុ៥៣ឆ្នាំ ដូនជីចាប់ផ្តើមកសាងវត្តង៉ុកចូវញ៉ឺ និងធ្វើព្រះចៅអធិការវត្តរហូតមក ទល់នឹងសព្វថ្ងៃ។ ដូនជីតឹមលៀង មានប្រសាសន៍៖ "ដំបូងវត្តង៉ុកចូវញ៉ឺ មានតែអគារមួយខ្នងដំបូលប្រក់ស្លឹក សសរដើមអង្គាដី ប៉ុន្តែផ្ដើមពីការ ពិនិត្យជំងឺបានសមប្រកបល្បីឈ្មោះទៅឆ្ងាយ ម៉្លោះហើយមានអ្នកជំងឺ មកស្ទង់ជីពចរ យកថ្នាំពីមួយថ្ងៃទៅមួយថ្ងៃកាន់តែច្រើន។ បច្ចុប្បន្ន វត្តត្រូវបានកសាងសមរម្យ ផ្តើមប្រភពថវិការួមវិភាគទានរបស់មាមីងពុទ្ធ បរិស័ទ និងសប្បុរសជនក្នុងនិងក្រៅខេត្ត"។

ដោយអស់ពីព្រះទ័យជាមួយនឹងការងារសប្បុរសធម៌ ម៉្លោះហើយយូរៗទៅ ដូនជីបានក្លាយជា "ស្ពានតភ្ជាប់" រវាងសប្បុរសជនទាំងឡាយចូលមកឧបត្ថម្ភអ្នកក្រ មនុស្សចាស់គ្មានទីពឹងនៅក្រុងវិញចូវ។ ចាប់ពីឆ្នាំ ២០១២ រហូតមកទល់នឹងបច្ចុប្បន្ន ដូនជីតឹមលៀងបវារណាសប្បុរសជនមក វត្តង៉ុកចូវញ៉ឺរួមវិភាគទានជាប្រាក់ជាង៦១ពាន់លានដុង ដើម្បីឧបត្ថម្ភគ្រួសារក្រីក្រ មនុស្សចាស់គ្មានទីពឹង ជនពិការ កុមារកំព្រានៅក្រុងវិញចូវ មានដូចៈ ជូនក្តារមឈូសដល់គ្រួសារក្រីក្រចំនួន៤៣៦ ជូនអ្នកជំងឺទៅ វះកាត់រោគភ្នែកឡើងបាយចំនួន១.៣០៧លើកនាក់ ពិនិត្យជំងឺ និងជូន ថ្នាំដោយឥតគិតថ្លៃដល់អ្នកជំងឺចំនួន៥.៥០០លើកនាក់ ជូនអំណោយ រាប់ពាន់ចំណែកមានដូចៈ អង្ករ មី ស្ករ ម្សៅស៊ុប មុង ខ្នើយ ប្រាក់ជូនរទេះរមៀលចំនួន៨៩គ្រឿង កសាងស្ពានជនបទចំនួន៨ខ្សែ ផ្ទះមេត្តាធម៌៥៩ខ្នង (មួយខ្នងៗស្មើនឹងតម្លៃ៣០លានដុង)។ កសាងផ្លូវដានជនបទប្រវែង ១.៣៣៨ ម៉ែត្រនិងជូនសៀវភៅប៊ិក សម្លៀកបំពាក់ អាហារូបករណ៍ដល់ សិស្សក្រីក្រសង្វាតរៀនសូត្រ...។

ទោះជាឋិតក្នុងជន្មាយុជាង៧០វស្សា ប៉ុន្តែដូនជីតឹមលៀងនៅតែពុំព្រម សម្រាកពីការងារ។ ដូនជីមានប្រសាសន៍៖" ពីមុនខ្ញុំជាសមាជិកគណៈ កម្មាធិការរណសិរ្សមាតុភូមិវៀតណាមខេត្ត ការងារច្រើនបង្គួរ។ ឥឡូវ វ័យចាស់ ខ្ញុំបានឈប់ចូលរួមការងារទាំងនោះទៀតហើយ ដូច្នេះខ្ញុំមានពេលវេលា ដើម្បីអស់ពីចិត្តពីថ្លើមគិតគូរជីវភាពជូនមាមីងភូមិស្រុក ពិសេសគឺកុមារកំព្រាពិការ"។ ជារៀងរាល់ថ្ងៃ មានជនពិការកុមារកំព្រាជាង៤៥នាក់កំពុងរស់នៅលើ ភូមិសាស្រ្តក្រុងវិញចូវមកវត្តង៉ុកចូវញ៉ឺរៀនរបរធ្វើធូប។ ប្អូនយឿងធីម៉ុងដាវ នៅឃុំវិញហាយ ឲ្យដឹង៖ "ប្អូនកំព្រាឪពុកម្តាយតាំងពីតូច អាស្រ័យ បានដូនជីឧបត្ថម្ភ ទើបប្អូនមានកន្លែងស្នាក់នៅហូបចុក ស្លៀកពាក់សមរម្យ។ ឥឡូវប្អូននៅទាំងបានដូនជីឲ្យរៀនរបរធ្វើធូប ដើម្បីអនាគតមានរបរចិញ្ចឹមជីវិត។ ដូនជីដូចជាវិសុទ្ធមាតា តែងមានទឹកព្រះទ័យមេត្តា ករុណាស្រឡាញ់អ្នកទាំងឡាយដូចស្រឡាញ់ខ្លួនអ៊ីចឹងដែរ"៕

យី្វអាញ់-មុនី

ចែករំលែកអត្ថបទ

ពាក្យគន្លឹះ