សន្តិសុខ - ការពារប្រទេស ការពារប្រទេស

11/11/2026 - 13:14

សាយភាយចលនា "៣បំផុត"ផ្តើមពីការងារធ្វើដើម្បីប្រជាជន

ផ្តើមពីការងារជាក់ស្តែងឆ្ពោះមកសហកមន៍ យុវវ័យនគរបាលឃុំនានាលើភូមិឋានទីក្រុងកឹងធើ កំពុងធ្វើឱ្យជាក់ស្តែងចលនាប្រឡងប្រណាំង"៣បំផុត វិន័យបំផុត ស្មោះត្រង់បំផុត ជិតដិតប្រជាជនបំផុត"។ ទម្រង់សុខុមាលភាពសង្គមនិងសកម្មភាពស្ម័គ្រចិត្ត រួមចំណែកចែករំលែកការលំបាក ថែមទាំងពូនជ្រំទំនុកចិត្តនិងសាយភាយរូបភាពយុទ្ធជននគរបាលជិតដិតប្រជាជននិងបម្រើប្រជាជនដោយអស់ពីចិត្ត។

នៅឃុំឡុងភូ ស្មារតី "ជិតដិតប្រជាជនបំផុត"បានយុវវ័យនគរបាលឃុំធ្វើឱ្យជាក់ស្តែងតាមរយៈទម្រង់ជាច្រើនពោពេញដោយអត្ថន័យ។ លេចធ្លោបំផុតគឺ"ឆ្នាំងបបរមនោសញ្ចេតនា កក់ក្តៅទឹកចិត្តអ្នកជំងឺ" ចាប់ពីខែកក្កដា ឆ្នាំ២០២៥ មកដល់ពេលនេះ អង្គភាពបានចែកជូនបបរជាង១.០០០ចំណែក ដល់អ្នកជំងឺដែលកំពុងសម្រាកព្យាបាលជំងឺនៅមន្ទីរពេទ្យពហុព្យាបាលតំបន់ឡុងភូ។ បបរទោះបីមានតម្លៃមិនធំធេងក៏ដោយ ប៉ុន្តែបានរួមចំណែកបន្ថយការចំណាយក្នុងការប្រជុំជីវភាព ផ្តល់ភាពកក់ក្តៅបន្ថែមដល់អ្នកជំងឺដែលមានស្ថានភាពលំបាក។ អ្នកមីង យ័ញធីគឹមយ័ញ នៅភូមិ៤ ចែករំលែក៖ "កម្មាភិបាលយុទ្ធជននគរបាលមកចែកជូនបបរដូច្នេះ ខ្ញុំមិនបាច់ចំណាយប្រាក់ ២០.០០០ដុង ដើម្បីទិញម្ហូបអាហារ។ ខ្ញុំយល់ឃើញថាឆ្នាំងបបរពិតជាកក់ក្តៅណាស់ ពីព្រោះ បានចម្អិនចេញពីទឹកចិត្តនិងក្តីស្រឡាញ់របស់កម្មាភិបាលយុទ្ធជននគរបាលជូនចំពោះអ្នកជំងឺនិងសាច់ញាតិអ្នកជំងឺក្រីក្រដូចជាយើងខ្ញុំនេះ"។

កម្មាភិបាល យុទ្ធជននគរបាលឃុំឡុងភូ ចែកបបរដល់អ្នកជំងឺកំពុងសម្រាកព្យាបាលជំងឺនៅមន្ទីរពេទ្យពហុព្យាបាលតំបន់ឡុងភូ។

ទន្ទឹមនឹនោះ ទម្រង់"ល្វែងទំនិញសូន្យដុង"បានជូនអំណោយជាង ៦១០ចំណែក ដល់ប្រជាជននិងសិស្សជនជាតិភាគតិចដែលមានស្ថានភាពលំបាក។ ទម្រង់"សំរាមប្លាស្ទីកដូរយកកូនឈើនិងសិក្ខូបករណ៍" ឧបត្ថម្ភទាំងសៀវភៅ ប៊ិកនិងសម្ភារៈសិក្សាដល់សិស្ស ព្រមទាំងលើកកម្ពស់ស្មារតីការពារបរិស្ថាន។ សម្ព័ន្ធយុវជននគរបាលឃុំនៅទាំងខ្នះខ្នែងចលនាប្រភពធនធានគិតគូរដល់គ្រួសារក្រីក្រ ណែនាំប្រជាជនបញ្ចូលអត្តសញ្ញាណអេឡិចត្រូនិកកម្រិត ២ បញ្ចូលធានារ៉ាប់រងសុខាភិបាល និងទៅដល់ផ្ទះធ្វើអត្តសញ្ញាណប័ណ្ណជូនអ្នកវ័យចាស់ អ្នកងាយរងគ្រោះ។ តាមរយៈនោះ មិនត្រឹមតែជួយប្រជាជនបង្ខិតជិតផលប្រយោជន៍ចាំបាច់ប៉ុណ្ណោះទេ ថែមទាំងនាំយកការផ្លាស់ប្តូរឌីជីថលកាន់តែខិតជិតសហគមន៍។ លោកទីវបាតាយ នៅភូមិទឹកប្រៃ ឱ្យដឹង៖ "កម្មាភិបាល យុទ្ធជននគរបាលតែងអស់ពីចិត្ត ជិតដិតនឹងប្រជាជន។ ចាប់ពីការជូនអំណោយ ឧបត្ថម្ភសិស្ស រហូតដល់ការណែនាំប្រជាជនបំពេញបែបបទរដ្ឋបាលនិងឆ្នាំងបបរប្រកបដោយភាពកក់ក្តៅសម្រាប់អ្នកជំងឺក្រីក្រ។ ការងារទាំងនេះ កាន់តែធ្វើឱ្យប្រជាជនមានទំនុកចិត្តនិងស្រឡាញ់រាប់អានកងកម្លាំងនគរបាល"។

នៅឃុំញ៉ូយ៉ា ចលនាប្រឡងប្រណាំង"៣បំផុត"បានគណៈកម្មាធិការបក្សគ្រប់លំដាប់ថ្នាក់និងថ្នាក់ដឹកនាំនគរបាលឃុំយកចិត្តទុកដាក់ចង្អុលការ ភ្ជាប់នឹងសកម្មភាពស្ម័គ្រចិត្ត សុខុមាលភាពសង្គម។ តាមប្រសាសន៍លោកវរសេនីយ៍ឯកបម្រុង ម៉ាមិញចៀង ប្រធាននគរបាលឃុំញ៉ូយ៉ា អង្គភាពបង្កលក្ខណៈងាយស្រួលដើម្បីសាខាសម្ព័ន្ធយុវជននគរបាលឃុំពង្រីកតួនាទីឈានមុខ អនុវត្តសកម្មភាពជាក់ស្តែងជាច្រើនឆ្ពោះមកប្រជាជន។ លេចធ្លោបំផុតគឺកម្មវិធី"របបអាហារមនោសញ្ចេតនា"នៅមន្ទីរពេទ្យពហុព្យាបាលមណ្ឌលមីស្វៀង កម្មាភិបាល យុទ្ធជននិងកងកម្លាំងចូលរួមការពារសន្តិសុខ សណ្តាប់ធ្នាប់នៅមូលដ្ឋាន បានរៀបចំអាហារ ២៥០ ចំណែក ជូនអ្នកជំងឺនិងសាច់ញាត់អ្នកជំងឺ។ ទន្ទឹមនឹងនោះ សាខាសមាគមនារីនគរបាលឃុំសហការជាមួយសមាគមសហព័ន្ធនារីឃុំនិងអង្គភាពនានាដែលពាក់ព័ន្ធចលនាឧបត្ថម្ភគ្រួសារលោកឡឹមឌឹក នៅភូមិមណ្ឌល៣ សរុបទឹកប្រាក់ឧបត្ថម្ភ ១០លានដុង រួមជាមួយរបស់របរប្រើប្រាស់ចាំបាច់ជាច្រើនទៀត។ សកម្មភាពទាំងនេះ បង្ហាញពីស្មារតីទទួលខុសត្រូវនិងការចែករំលែករបស់កងកម្លាំងនគរបាលចំពោះប្រជាជនដែលនៅជួបការលំបាកច្រើន។

នគរបាលឃុំញ៉ូយ៉ាជូនអាហារដល់អ្នកជំងឺនៅមន្ទីរពេទ្យពហុព្យាបាលមណ្ឌលមីស្វៀង។

អនុសេនីយ៍ឯក ង្វៀងហឿក្វេដឿង លេខាសម្ព័ន្ធយុវជននគរបាលឃុំឡុងភូ បញ្ជាក់៖ "យុវវ័យនគរបាលមូលដ្ឋានតែងកំណាត់ច្បាស់ ទន្ទឹមនឹងភារកិច្ចជំនាញវិជ្ជាជីវៈ ការទទួលខុសត្រូវចំពោះសហគមន៍គឺជាបន្ទាត់វាស់ស្ទង់កំពូល។ នាពេលខាងមុខ សាខាសម្ព័ន្ធយុវជនបន្តរក្សាបណ្តាទម្រង់មានប្រសិទ្ធភាព ចលនាប្រភពធនធានគិតគូរដល់អ្នកក្រ អ្នកងាយរងគ្រោះ សិស្សជនជាតិភាគតិចដែលមានស្ថានភាពលំបាកឱ្យបានល្អ បង្កការទំនាក់ទំនង ដើម្បីមាមីងយល់និងរួមដំណើរជាមួយកងកម្លាំងនគរបាលក្នុងការធានាសន្តិសុខ សណ្តាប់ធ្នាប់នៅភូមិភាគ"។

ផ្តើមពីសកម្មភាពជាក់ស្តែងរបស់នគរបាលឃុំឡុងភូនិងឃុំញ៉ូយ៉ា អាចបញ្ជាក់ពីការចលនាប្រឡងប្រណាំង"៣បំផុត"បានជ្រួតជ្រាបទៅក្នុងជីវភាពតាមរយៈការងារសាមញ្ញៗ ប្រកបដោយភាពកក់ក្តៅនិងពោពេញដោយលក្ខណៈមនុស្សធម៌។ ចលនានេះមិនត្រឹមតែបង្ហាញពីស្មារតីគោរពក្រឹត្យវិន័យ ស្មោះត្រង់ចំពោះបក្ស មាតុភូមិនិងប្រជាជន ថែមទាំងបង្ហាញពីស្មារតីទទួលខុសត្រូវនិងបម្រើប្រជាជនដោយអស់ពីចិត្ត។ តាមរយៈនោះ រួមចំណែកពង្រឹងការទំនាក់ទំនងយ៉ាងជិតស្និទរវាងកងកម្លាំងនគរបាលនិងប្រជាជន កសាងជំហរយុទ្ធសាស្ត្រទឹកចិត្តប្រជាជនរឹងមាំ បង្កជាមូលដ្ឋានគ្រឹះរក្សារឹងមាំសន្តិសុខ សណ្តាប់ធ្នាប់ចាប់ពីមូលដ្ឋាន៕

យ្វីអាញ-មុនី

ចែករំលែកអត្ថបទ

ពាក្យគន្លឹះ