គោលនយោបាយ -ការរស់នៅ ការរស់នៅ

20/10/2026 - 21:21

លើកកម្ពស់តួនាទីអង្គការសមាគម រួមដំណើរជាមួយនារីជម្នះការលំបាក

ដោយកំណត់ថា ការឧបត្ថម្ភសមាជិកាអភិវឌ្ឍសេដ្ឋកិច្ច បន្ថយភាពក្រីក្រដោយចីរភាព ជាភារកិច្ចសំខាន់និងជាប្រចាំ ក្នុងរយៈពេលជាច្រើនឆ្នាំកន្លងមកនេះ សមាគមសហព័ន្ធនារីឃុំលិតហោយធឿង ទីក្រុងកឹងធើ បានសកម្មអនុវត្តនូវទម្រង់និងវិធីធ្វើប្រកបដោយប្រសិទ្ធភាពជាច្រើន។ តាមរយៈនោះ បានជួយបងប្អូននារីលើកកម្ពស់គុណភាពនៃការរស់នៅ និងឈានឡើងធូរធារ។

សមាជិកា គឹមធីហឿង (ខាងឆ្វេងបង្អស់) នៅភូមិហោយទ្រុង ឃុំលិតហោយធឿង រកបានប្រាក់ចំណូលលំនឹងពីទម្រង់លក់ដូរ និងដាំដំណាំរួមផ្សំ។

មានឱកាសបានមកទស្សនាទម្រង់លក់ដូរ និងដាំដំណាំរួមផ្សំរបស់សមាជិកា គឹមធីហឿង នៅភូមិហោយទ្រុង ឃុំលិតហោយធឿង ទើបឃើញពីអត្ថន័យនៃសកម្មភាពជាក់ស្តែងដែលសមាគមសហព័ន្ធនារីឃុំបានបង្កលក្ខណៈ និងឧបត្ថម្ភគ្រួសារបងស្រីហឿងក្នុងការអភិវឌ្ឍសេដ្ឋកិច្ច។ មុនពេលមានជីវភាពលំនឹងដូចសព្វថ្ងៃ បងស្រី ហឿង ធ្លាប់ជួបការលំបាកយ៉ាងខ្លាំងអំពីដើមទុន។ ជាមួយនឹងការប្តេជ្ញាស្វែងរកទម្រង់ថ្មីដើម្បីកែលម្អសេដ្ឋកិច្ចគ្រួសារ និងទទួលបានការគាំទ្រពីសមាគម បងស្រីហឿង បានចូលរួមក្រុមរួមទុនបង្វិលជុំគ្មានការប្រាក់ និងបុលទុនពីធនាគារគោលនយោបាយសង្គមចំនួន ២០ លានដុង ដើម្បីលក់ដូរនិងដាំដំណាំរួមផ្សំដូចជា៖ ពោត ដំឡូង ៤ រដូវ/ឆ្នាំ។ ជាមួយនឹងទម្រង់នេះ បាននាំមកនូវប្រាក់ចំណូលជូនគ្រួសារពី ៣០០.០០០ ដល់ ៤០០.០០០ ដុង/ថ្ងៃ។ ឬដូចជាសមាជិកា ង្វៀងធីវ៉ឹង នៅភូមិជាមួយគ្នានេះដែរក៏ជាសមាជិកាម្នាក់ដែលជម្នះការលំបាក ឈានឡើងអភិវឌ្ឍសេដ្ឋកិច្ចលំនឹងពីការធ្វើស្រែ ដាំសាឡាត់ ត្រកួន សណ្តែកគួរ រកបានប្រាក់ចំណូលគ្រាន់បើជាងមុន។ បងស្រី វ៉ឹង ចែករំលែក៖ “អាស្រ័យបានការយកចិត្តទុកដាក់ពីរដ្ឋអំណាចភូមិភាគ ពិសេសគឺសមាគមនារីបានបង្កលក្ខណៈឱ្យគ្រួសារបានបុលទុនអនុគ្រោះពីធនាគារគោលនយោបាយ ទើបខ្ញុំមានប្រភពធនធានបន្ថែមដើម្បីវិនិយោគលើសម្ភារៈ ជី និងពូជដំណាំសម្រាប់ផលិត។ អាស្រ័យហេតុនេះ ទើបគ្រួសារមានលក្ខណៈផលិត និងមានប្រាក់ចំណូលលំនឹងក្នុងជីវភាព”។

តាមអ្នកស្រី ថាច់ធីសាផាយ ប្រធានសមាគមនារីឃុំលិតហោយធឿង បានឱ្យដឹង ដើម្បីឧបត្ថម្ភសមាជិកាអភិវឌ្ឍសេដ្ឋកិច្ច សមាគមបានជំរុញសកម្មភាពជួយនារីបានខិតជិតនិងទាញយកប្រភពទុន អនុវត្តកម្មវិធីប្រគល់សិទ្ធិបុលទុនជាមួយធនាគារគោលនយោបាយសង្គម។ បច្ចុប្បន្ន សមាគមកំពុងគ្រប់គ្រង ១៥ ក្រុមប្រិតសំចៃនិងបុលទុនពីធនាគារគោលនយោបាយសង្គម ដោយមាន ៧៩៧ គ្រួសារបុល សរុបបំណុលជាង ៣០ ពាន់លានដុង; សមាគមបន្តចលនាសមាជិកាអនុវត្តល្អការងារជួយគ្នាទៅវិញទៅមកតាមរូបភាពរួមទុនបង្វិលជុំគ្មានការប្រាក់ដើម្បីអភិវឌ្ឍសេដ្ឋកិច្ចគ្រួសារ។ ផ្តើមពីនោះ ជីវភាពសម្ភារៈនិងស្មារតីរបស់សមាជិកា បានលើកកម្ពស់យ៉ាងច្បាស់ក្រឡែត។

សមាគសហព័ន្ធនារីឃុំលិតហោយធឿង សកម្មអនុវត្តកម្មវិធីប្រគល់សិទ្ធិបុលទុនជាមួយធនាគារគោលនយោបាយសង្គម ជូនសមាជិកា និងនារីផ្តើមអាជីព។

ទន្ទឹមនឹងការយកចិត្តទុកដាក់ឧបត្ថម្ភសមាជិកាអភិវឌ្ឍសេដ្ឋកិច្ច ការងារគិតគូរជីវភាព សុខភាពនិងស្មារតីរបស់សមាជិកាក៏បានសមាគមយកចិត្តទុកដាក់ផងដែរ ដោយឧស្សាហ៍ចុះសួរសុខទុក្ខនិងជូនអំណោយដល់សមាជិកាដែលមានស្ថានភាពលំបាកក្នុងឱកាសបុណ្យទាន មានបុណ្យចូលឆ្នាំជាដើម; ជូនអំណោយនិងអាហារូបករណ៍ដល់កូនចៅសមាជិកាដែលមានស្ថានភាពលំបាករៀនសូត្របានល្អ។ ក្នុងរយៈពេល ៦ ខែដើមឆ្នាំ ២០២៦ សមាគមបានតភ្ជាប់ជាមួយសប្បុរសជន ជួយឧបត្ថម្ភ ០៤ ករណីមានជំងឺឈឺធ្ងន់គិតជាទឹកប្រាក់ ១៣៧ លានដុង; ឧទ្ទេនាមសមាជិកាឱ្យចូលរួមកម្មវិធី “បំណងប្រាថ្នារបស់ម្តាយ” ដោយប្រភពធនធានឧបត្ថម្ភសរុប ៧០ លានដុង; សហការចាត់តាំងទៅសួរសុខទុក្ខ និងជូនអំណោយចំនួន ៣០០ ចំណែកដល់គ្រួសារដែលមានស្ថានភាពលំបាកគិតជាទឹកប្រាក់ ៤០ លានដុង។ ទន្ទឹមនឹងនោះ ជូនអាហារូបករណ៍ចំនួន ០២ ចំណែក និងកង់ចំនួន ៥០ គ្រឿង សរុបតម្លៃ ៨០ លានដុងដល់សិស្សានុសិស្សដែលមានស្ថានភាពលំបាកនៅលើភូមិសាស្រ្ត...

ជាមួយនឹងលទ្ធផលសម្រេចបាន សមាគមសហព័ន្ធនារីឃុំលិតហោយធឿង ពីមួយថ្ងៃទៅមួយថ្ងៃកាន់តែបញ្ជាក់ច្បាស់ពីតួនាទី និងរួមចំណែកយ៉ាងសំខាន់ក្នុងការអភិវឌ្ឍសេដ្ឋកិច្ច-សង្គមនៅភូមិភាគ។ ដើម្បីពង្រីកប្រសិទ្ធភាព សមាគមនឹងបន្តកសាងនិងពង្រឹងអង្គការសមាគមឱ្យកាន់តែរឹងមាំ; ជំរុញការងារឃោសនាសមភាពភេទ និងដើម្បីវឌ្ឍនភាពរបស់នារី ដោយចាត់ទុកនេះជាភារកិច្ចស្នូល ប្រចាំនិងយូរអង្វែង ផ្សារភ្ជាប់ជាមួយនឹងការអនុវត្តភារកិច្ចនយោបាយដែលបានប្រគល់ជូន៕

ថាញវ៉ាង - វ៉ាន់តឹន

ចែករំលែកអត្ថបទ

ពាក្យគន្លឹះ