ព្រឹត្តិការណ៍ - នយោបាយ ព្រឹត្តិការណ៍

19/10/2026 - 22:10

ឡុងភូ ចាត់តាំងច្រើនសកម្មភាពដើម្បីអបអរសាទរខួបអានុស្សាវរីយ៍លើកទី ៩៦ ទិវាបង្កើតសមាគមសហពន្ធនារីវៀតណាម

សមាគមសហពន្ធនារីឃុំឡុងភូ ទីក្រុងកឹងធើ ទើបចាត់តាំងពិធីជួបជុំអបអរសាទរខួបអានុស្សាវរីយ៍ លើកទី ៩៦ ថ្ងៃបង្កើតសមាគមសហពន្ធនារីវៀតណាម (២០/១០/១៩៣០ - ២០/១០/២០២៦) និងទិវានារីវៀតណាម ២០ តុលា ជាមួយសកម្មភាពជាក់ស្តែង និងមានអត្ថន័យជាច្រើន។ អញ្ជើញចូល រួមមាន សមមិត្ត យឿងថាញ់តង អនុលេខាប្រចាំការគណៈកម្មាធិការបក្ស ប្រធានក្រុមប្រឹក្សាប្រជាជនឃុំ សមមិត្ត ឡឹមវុាំងវូវ អនុប្រធានប្រចាំការគណៈកម្មាធិការប្រជាជនឃុំ ព្រមទាំងថ្នាក់ដឹកនាំបណ្តាស្ថាប័ន ផ្នែក អង្គការមហាជន និងសមាជិកានារីលើភូមិឋាន។

ទិដ្ឋភាពពិធីជួបជុំអបអរសាទរខួបអនុស្សាវរីយ៍លើកទី ៩៦ ទិវាបង្កើតសមាគម សហពន្ធនារីវៀតណាម។

នៅក្នុងពិធីជួបជុំ អ្នកតំណាងទាំងអស់បានចូលរួមរំលឹកឡើងវិញនូវប្រពៃណីដ៏ថ្លៃថ្លារបស់សមាគមសហពន្ធនារីវៀតណាមក្នុងរយៈពេល ៩៦ ឆ្នាំនៃការកសាងនិងអភិវឌ្ឍន៍; ទទួលស្គាល់ការរួមចំណែកយ៉ាងសកម្មរបស់នារីក្នុងការប្រឡងប្រណាំង ការអភិវឌ្ឍសេដ្ឋកិច្ច កសាងគ្រួសារសុភមង្គល និងចូលរួមសកម្មភាពផ្សេងៗនៅភូមិភាគ។ នៅក្នុងក្របខ័ណ្ឌនៃកម្មវិធី សមាគមសហពន្ធនារីឃុំឡុងភូ បានចាត់តាំងពិធីប្រឡងប្រណាំធ្វើម្ហូបដោយមានការចូលរួមចំនួន៩ ក្រុម។ ជាលទ្ធផល រង្វាន់លេខ ១ បានទៅលើសាលាមត្តេយ្យឡុងភូ រង្វាន់លេខ ២ បានទៅលើសាលាបឋមសិក្សាឡុងភូ; រង្វាន់លេខ ៣ បានទៅលើសាលាអនុវិទ្យាល័យ វិទ្យាល័យលឿងឌិញគួ និងគណៈបញ្ជាការយោធាឃុំ។ ការប្រឡងនេះបានបង្កបរិយាកាសរីករាយ សាមគ្គីភាព និងរួមចំណែកបង្កើនការដោះដូរ ផ្សារភ្ជាប់រវាងបណ្តាអង្គភាព។

ក្នុងឱកាសនេះ គណៈចាត់តាំងបានជូនអំណោយដល់កម្មាភិបាល បុគ្គលិក អ្នករដ្ឋការនារី និងបណ្តាសាខាសមាគមនារីលើភូមិឋានឃុំ បង្ហាញពីការយកចិត្តទុកដាក់ និងការលើកទឹកចិត្តដល់កងជួរកម្មាភិបាលនារី និងសមាជិកា។ ព្រមទាំង សមាគមសហពន្ធនារីឃុំបានសហការជាមួយក្រុមហ៊ុនទទួលខុសត្រូវមានកម្រិតសមាជិកមួយ BĐS សុកត្រាំងជូនអំណោយចំនួន ១០០ ចំណែកដល់នារីក្រីក្រ និងនារីដែលមានជីវភាពខ្វះខាត ដើម្បីរួមចំណែកចែករំលែក និងលើកទឹកចិត្តឱ្យបងប្អូននារីខិតខំឈានឡើងក្នុងជីវភាពរស់នៅ។ ទន្ទឹមនឹងនោះ កម្មវិធីក៏បានចាត់តាំងការពិគ្រោះយោបល់ និងឃោសនាផ្សព្វផ្សាយថែទាំសុខភាពជូននារី អាស្រ័យ មន្ទីរពេទ្យអន្តរជាតិភឿងចូវសុកត្រាំងអនុវត្ត ដើម្បីជួយបងប្អូននារីលើកកម្ពស់ការយល់ដឹង និងម្ចាស់ការថែទាំសុខភាពផ្ទាល់ខ្លួន។

ជូនអំណោយដល់បងប្អូននារីដែលមានជីវភាពខ្វះខាត។

បណ្តាសកម្មភាពទាំងនេះ បានរួមចំណែកក្នុងការគិតគូរអំពីជីវភាពសម្ភារៈ និងស្មារតីជូនកម្មាភិបាល និងសមាជិកានារី; ព្រមទាំងបង្កលក្ខណៈឱ្យបងប្អូនបានផ្លាស់ប្តូរនិងចែករំលែក បទពិសោធន៍ បន្តពង្រីកប្រពៃណីដ៏ល្អរបស់នារីវៀតណាម សកម្មចូលរួមបណ្តាចលនាប្រឡងប្រណាំង និងរួមចំណែកក្នុងការអភិវឌ្ឍរបស់ឃុំឡុងភូ៕

សុកកា-ត្រឹងរ៉ូន

ចែករំលែកអត្ថបទ

ពាក្យគន្លឹះ