ព្រឹត្តិការណ៍ - នយោបាយ ព្រឹត្តិការណ៍

19/10/2026 - 09:19

ក្រុងកឹងធើ មានបុគ្គល ៤ រូបសម្រេចកិត្តិនាមកសិករវៀតណាមឆ្នើម ៤០ ឆ្នាំផ្លាស់ថ្មី

ក្នុងកម្មវិធី “មោទនភាពកសិករវៀតណាម ៤០ ឆ្នាំផ្លាស់ថ្មី” ឆ្នាំ ២០២៦ អាស្រ័យដោយមជ្ឈិមសមាគមកសិករវៀតណាម ចាត់តាំងនៅថ្ងៃទី ១២ ខែតុលា នៅរដ្ឋធានីហាណូយ ទីក្រុងកឹងធើ មានបុគ្គល ៤ រូបមានកិត្តិយសទទួលបានកិត្តិនាម “កសិករវៀតណាមឆ្នើម ៤០ ឆ្នាំផ្លាស់ថ្មី”។ នេះជាបុគ្គល ៤ រូបក្នុងចំណោមបុគ្គលទាំង ៩៦ រូបមកពីខេត្ត ក្រុងនានាចំនួន ៣៤ មានការរួមចំណែកយ៉ាងច្រើនក្នុងការអភិវឌ្ឍកសិកម្ម និងសេដ្ឋកិច្ចជនបទ បានលើកសរសើរនៅក្នុងកម្មវិធីនេះ។

បុគ្គលទាំង ៤ រូបនៅទីក្រុងកឹងធើ (រាប់ពីអ្នកទី ១ ដល់អ្នកទី ៤ ពីឆ្វេងទៅស្តាំ) នៅក្នុងពិធីលើកតម្កើង និងប្រទានកិត្តិនាម “កសិករវៀតណាមឆ្នើម ៤០ ឆ្នាំផ្លាស់ថ្មី”។

បុគ្គលទាំង ៤ រូបដែលបានលើកតម្កើងរួមមាន៖ លោកត្រឹង វ៉ាំងចៀង នៅឃុំទ្រឿងឡុង ជាមួយនឹងទម្រង់ដាំទុរេនគ្មានសារធាតុលោហៈធ្ងន់ (Cadimi) បន្ថយថ្លៃដើមផលិត និងចងសម្ព័ន្ធជាមួយអាជីវកម្មប្រមូលទិញនាំចេញ; លោក ឡេវ៉ាំងសៅ នៅឃុំតឹងប៊ិញ ជាមួយនឹងទម្រង់ដាំទុរេនតាមបទដ្ឋាន VietGAP និងមានលេខកូដតំបន់ដាំ; លោក តាំងវ៉ាំងសួស នៅសង្កាត់ខាញ់ហ្វា ជាមួយនឹងទម្រង់ចិញ្ចឹមបង្គាស។ អ្នកស្រី ង្វៀងគឹមធ្វី នៅឃុំថាញ់ហ្វា ជាមួយនឹងទម្រង់កែច្នៃត្រីស្លាត ជាផលិតផលដែលមានម៉ាកសញ្ញាល្បីនៅលើទីផ្សារ។

បុគ្គលទាំងអស់សុទ្ធតែមានស្នាដៃលេចធ្លោក្នុងពលកម្មផលិត និងអាជីវកម្ម ដោយសម្រេចកិត្តិនាមជាកសិករផលិតនិងធ្វើអាជីវកម្មពូកែ នៅគ្រប់ថ្នាក់ជាច្រើនឆ្នាំបន្តបន្ទាប់ ព្រមទាំងមានវិធីសាស្ត្រធ្វើការប្រកបដោយប្រសិទ្ធភាព រួមចំណែកអភិវឌ្ឍន៍សេដ្ឋកិច្ច និងលើកកម្ពស់តម្លៃកសិផលនៅភូមិភាគ៕

ធ្វីតៀង - វ៉ាន់តឹន

ចែករំលែកអត្ថបទ

ពាក្យគន្លឹះ