គោលនយោបាយ -ការរស់នៅ ច្បាប់

09/10/2026 - 08:58

កំណត់លម្អិតអំពីការអនុវត្តសាកល្បងការកំណត់មេធាវីរដ្ឋ នៅតាមក្រសួងចំនួន ៨ និងខេត្ត ក្រុងចំនួន ១០ ចាប់ពីថ្ងៃទី ១ ខែតុលា

មេធាវីរដ្ឋជាសំខាន់គឺការពារសិទ្ធិនិងផលប្រយោជន៍របស់រដ្ឋ

តាមសេចក្តីសម្រេចចិត្តលេខ ២៤/២០២៦/QH១៦ របស់រដ្ឋសភាស្ដីពីការអនុវត្តសាកល្បងការកំណត់មេធាវីរដ្ឋ បានអនុម័តនៅថ្ងៃទី២៤ ខែមេសា ឆ្នាំ ២០២៦ និងមានសុពលភាពចាប់ពីថ្ងៃទី ១ ខែតុលា ឆ្នាំ ២០២៦ មេធាវីរដ្ឋគឺជាកម្មាភិបាល អ្នករដ្ឋបាល បុគ្គលិក នាយទាហានកងទ័ពប្រជាជន នាយទាហាននគរបាលប្រជាជន ឬអ្នកធ្វើការក្នុងអាជីវកម្មរដ្ឋ បានផ្តល់ជូនវិញ្ញាបនបត្រអនុវត្តវិជ្ជាជីវៈមេធាវី ដើម្បីអនុវត្តការងារមានលក្ខណៈផ្នែកខាងច្បាប់។

ការកំណត់មេធាវីរដ្ឋនឹងអនុវត្តសាកល្បងនៅតាមក្រសួងចំនួន ៨ និងខេត្ត ក្រុងចំនួន១០ ចាប់ពីថ្ងៃទី ១ ខែតុលា ឆ្នាំ ២០២៦។

គួរកត់សម្គាល់ ទិសដៅរបស់មេធាវីរដ្ឋគឺការពារសិទ្ធិនិងផលប្រយោជន៍ស្របច្បាប់របស់ស្ថាប័នរដ្ឋ ស្ថាប័ននិងអង្គការចំណុះប្រព័ន្ធនយោបាយ និងអាជីវកម្មរដ្ឋតាមសេចក្តីកំណត់។

ការសាកល្បងនេះ បានអនុវត្តនៅក្រសួងការពារប្រទេស ក្រសួងនគរបាល ក្រសួងការបរទេស ក្រសួងយុត្តិធម៌ ក្រសួងហិរញ្ញវត្ថុ ក្រសួងឧស្សាហពាណិជ្ជកម្ម ក្រសួងកសិកម្មនិងបរិស្ថាន ក្រសួងសំណង់ និងគណៈកម្មាធិការប្រជាជនខេត្ត ក្រុងចំនួន១០ ក្នុងនោះមានទីក្រុងហូជីមិញ ទីក្រុងកឹងធើ។ល។ រយៈពេលអនុវត្តសាកល្បងចាប់ពីថ្ងៃទី ១ ខែតុលា ឆ្នាំ ២០២៦ រហូតដល់ថ្ងៃទី ៣០ ខែកញ្ញា ឆ្នាំ ២០២៨។

ដូច្នេះ ប្រជាជនម្នាក់ៗដែលមានជម្លោះស៊ីវិល ដីធ្លីការងារ ឬរឿងក្តីព្រហ្មទណ្ឌមិនមែនសុខៗអាច ស្នើមេធាវីរដ្ឋម្នាក់ ដែលរដ្ឋចាត់មកការពារផលប្រយោជន៍របស់ខ្លួនឡើយ។

ស្ថាប័ន និងអង្គការទើបជាអង្គប្រធានប្រើប្រាស់ មេធាវីរដ្ឋ

តាមមាត្រា ៩ នៃសេចក្តីសម្រេចចិត្តលេខ ២៤/២០២៦/QH១៦ ស្ថាប័ន អង្គការដែលមានតម្រូវការប្រើប្រាស់មេធាវីរដ្ឋ ដើម្បីអនុវត្តការងារផ្នែកច្បាប់ អាចចាត់មេធាវីរដ្ឋឱ្យធ្វើការនៅស្ថាប័ន ឬអង្គការរបស់ខ្លួន ដើម្បីការពារសិទ្ធិនិងផលប្រយោជន៍របស់រដ្ឋ។

ក្នុងករណីស្ថាប័ន ឬអង្គការមួយស្ថិតក្នុងវិសាល ភាពអនុវត្តសាកល្បង មានតម្រូវការប្រើប្រាស់មេធាវីរដ្ឋរបស់ស្ថាប័ន ឬអង្គការផ្សេងទៀត ស្ថាប័ននោះត្រូវមានលិខិតស្នើសុំ។ អ្នកដឹកនាំស្ថាប័ន ឬអង្គការដែលបានស្នើសុំ មានសិទ្ធិចាត់ ឬបដិសេធន៍ចាត់មេធាវីរដ្ឋ។

ប្រការនេះបង្ហាញឱ្យឃើញយន្តការប្រើប្រាស់មេធាវីរដ្ឋ មិនបានគ្រោងធ្វើដូចសេវាកម្មផ្នែកច្បាប់ សាធារណៈសម្រាប់ប្រជាជនគ្រប់រូបឡើយ

អនុក្រឹត្យលេខ ៣៦៤/២០២៦/NĐ-CP របស់រដ្ឋាភិបាល ដាក់ឱ្យប្រើនៅថ្ងៃទី ២១ ខែកញ្ញា ឆ្នាំ ២០២៦ កំណត់លម្អិតអំពីខ្លឹមសារមួយចំនួនដើម្បី អនុវត្តសេចក្តីសម្រេចចិត្តលេខ ២៤/២០២៦/QH ១៦ និងមានសុពលភាពចាប់ពីថ្ងៃទី ១ ខែតុលា ឆ្នាំ ២០២៦។

ចំពោះប្រជាជនមានសំណូមពរបានរដ្ឋជំនួយផ្នែកច្បាប់ដោយឥតគិតថ្លៃ គប្បីបែងចែកមេធាវីរដ្ឋ ជាមួយនឹងជំនួយការផ្នែកច្បាប់។ ជំនួយការផ្នែកច្បាប់ គឺជាយន្តការបានច្បាប់កំណត់សម្រាប់អ្នកស្ថិតក្នុងក្របខណ្ឌបានជំនួយក្នុងរឿងក្តី និងវិសាលភាពជាក់លាក់។

អាស្រ័យហេតុនោះ ចាប់ពីថ្ងៃទី ១ ខែតុលា ឆ្នាំ ២០២៦ វត្តមាននៃការកំណត់មេធាវីរដ្ឋ មិនមានន័យថា ប្រជាជនមានបណ្តាញបន្ថែមដើម្បីស្នើសុំមេធាវីរដ្ឋ ការពារដោយឥតគិតថ្លៃក្នុងគ្រប់ជម្លោះទាំងអស់ទេ។ ប្រជាជនគប្បីកំណត់ច្បាស់ តើខ្លួនយើងស្ថិតក្នុងក្របខណ្ឌជំនួយផ្នែកច្បាប់ឬអត់ និងរឿងក្តីស្ថិតក្នុងវិសាលភាពជំនួយផ្នែកច្បាប់តាមសេចក្តីកំណត់ឬទេ មុនពេលស្នើសុំជំនួយ៕

យោង៖ laodong.vn - វិមាន

ចែករំលែកអត្ថបទ

ពាក្យគន្លឹះ