គោលនយោបាយ -ការរស់នៅ ការរស់នៅ

22/09/2026 - 04:55

ជីររណារ – ដំណាំផ្តល់ប្រាក់ចំណូលគ្រាន់បើជូនមាមីងនៅសង្កាត់សុកត្រាំង

គ្រួសារកសិករជាច្រើននៅមណ្ឌល ១២ សង្កាត់សុកត្រាំង ទីក្រុងកឹងធើ កំពុងទទួលបានជោគជ័យជាមួយទម្រង់ដាំបន្លែជីររណារ។ អាស្រ័យលក្ខណៈជីរងាយដាំ មិនសូវចំណាយលើការថែទាំ និងមានច្រកចេញលំនឹងបង្គួរ ប្រជាជននៅទីនេះមិនត្រឹមតែបើកទូលាយផ្ទៃដីប៉ុណ្ណោះទេ ថែមទាំងបានចងសម្ព័ន្ធបង្កើតក្រុមសហការ រួមគ្នាបង្កើនប្រសិទ្ធភាពផលិត លំនឹងប្រាក់ចំណូលដល់គ្រួសារទៀតផង។

មិនត្រឹមតែផ្តោតលើការបើកទូលាយផ្ទៃដីប៉ុណ្ណោះទេ គ្រួសារប្រជាជនក៏បានវិនិយោគប្រព័ន្ធសំណាញ់បាំងកម្ដៅថ្ងៃ និងស្រោចទឹកដោយស្វ័យប្រវត្ត ជួយប្រិតសំចៃកម្លាំងពលកម្ម ប្រើប្រាស់ទឹកកាន់តែមានប្រសិទ្ធភាពផង។ ពិសេស មាមីងដាំជីររណារចំនួន ៨ គ្រួសារ បានចងសម្ព័ន្ធបង្កើតក្រុមសហការផលិត ដែលមានផ្ទៃដីសរុបជាង ២ ហិកតា។ ជាសមាជិកសហករណ៍ដែលមានបទពិសោធន៍ដាំជីររណារជាង ២០ ឆ្នាំ បងស្រី ឡឹមធីក្វាង នៅមណ្ឌល ១២ សង្កាត់សុកត្រាំង បច្ចុប្បន្នគ្រួសារបងស្រីមានផ្ទៃដីដាំជីររណារទំហំ ៤.០០០ ម៉ែត្រការ៉េ ក្នុងមួយថ្ងៃប្រមូលផលបានជិត ១០០ គីឡូក្រាមដើម្បីប្រគល់ឱ្យឈ្មួញ។ បងស្រី ក្វាងឱ្យដឹង៖ “ដំបូងខ្ញុំដាំប្រហែល ៥០០ ម៉ែត្រការ៉េ ដោយឃើញទម្រង់នេះមានប្រសិទ្ធភាព មកទល់ពេលនេះខ្ញុំបានបើកពង្រីកដល់ ៤.០០០ ម៉ែត្រការ៉េ ជីររណារដកអស់មួយលើកប្រហែល ៣ ខែ ហើយបន្តដកលើកបន្ទាប់ទៀត ក្នុងមួយថ្ងៃដកលក់ឱ្យឈ្មួញចាប់ពី ៨០ ដល់ ១០០ គីឡូក្រាម តម្លៃលក់បច្ចុប្បន្នប្រគល់ឱ្យឈ្មួញចន្លោះពី ១៥.០០០ ដល់ ១៦.០០០ ដុង/គីឡូក្រាម ម្ល៉ោះហើយក្នុងមួយថ្ងៃគ្រួសារខ្ញុំមានចំណូលពី ១.០០០.០០០ ដល់ ១.៥០០.០០០ដុង ផ្តើមពីទម្រង់ដាំជីររណារ ចិញ្ចឹមគោ និងធ្វើស្រែ ជួយគ្រួសារខ្ញុំមានជីវភាពធូរធារជាងមុន”។

បងស្រីឡឹមធីក្វាង (ទីមួយពីឆ្វេង) នៅមណ្ឌល ១២ សង្កាត់សុកត្រាំង រួមជាមួយរដ្ឋអំណាចភូមិភាគ ចុះមកពិនិត្យទម្រង់ដាំជីររណាររបស់គ្រួសារ។

បើតាមគ្រួសារនីមួយៗដែលដាំជីររណារ ក្រោយពីដាក់ដាំបានប្រហែល ៣ ទៅ ៤ ខែ ដំណាំចាប់ផ្ដើមប្រមូលផល។ ប្រមូលផលមួយលើកៗលើផ្ទៃដី ១.០០០ ម៉ែត្រការ៉េ ជីររណារអាចនឹងផ្តល់ផលជាមធ្យមពី ២ ទៅ ៣ តោន។ បច្ចុប្បន្ន ជីររណារបានឈ្មួញមកទិញដល់កន្លែងក្នុងតម្លៃ ១៦.០០០ ដុង/គីឡូក្រាម។ ក្រោយពីទូទាត់រួចស្រេច កសិករអាចនឹងចំណេញបានជាង ២០ លានដុងក្នុងមួយកុងដី/លើក។ ក្នុងរដូវប្រាំង តម្លៃមានពេលខ្លះឡើងដល់ប្រហែល ២៥.០០០ ដុង/គីឡូក្រាម ជួយអ្នកដាំមានប្រាក់ចំណូលលើកស្ទួយជីវភាពគួរឱ្យកត់សម្គាល់។ បងស្រី ឡឹមធីហ្វិញ នៅមណ្ឌល ១២ ឱ្យដឹង៖ “គិតមកទល់ពេលនេះខ្ញុំបានដាំជីររណាររយៈពេលជាង ១០ ឆ្នាំមកហើយ របៀបថែទាំជីររណារក៏ងាយស្រួលដែរ ប៉ុន្តែចាប់ពីពេលដាំរហូតដល់ប្រមូលផលប្រើពេលយូរល្មម ម្ល៉ោះហើយយើងត្រូវជម្រះស្មៅឱ្យបានស្អាត។ ពូជជីររណារដែលដាំសព្វថ្ងៃគឺជាជីររណារស្រុក មិនត្រឹមតែងាយដាំប៉ុណ្ណោះទេ ថែមទាំងងាយថែទាំ ហើយអាចនឹងប្រើគ្រាប់ពូជដើម្បីបន្តពូជបានទៀតផង។ មុននឹងបណ្តុះគ្រាប់ ចាប់ផ្តើមធ្វើដី កម្ចាត់ស្មៅ និងលើករងតាមខ្សែបន្ទាត់ គឺ៖ រងចម្ងាយពីគ្នា ៤០ សង់ទីម៉ែត្រ មុខរងទទឹង ១,៥ ម៉ែត្រ និងកម្ពស់ ១៥ សង់ទីម៉ែត្រធៀបនឹងផ្ទៃដី ដើម្បីបន្ថយការលិចទឹកក្នុងរដូវវស្សា ប្រវែងរងអាស្រ័យលើផ្ទៃដីចម្ការ។ បន្ទាប់ពីដំណើរការបណ្តុះគ្រាប់ គ្រាន់តែស្រោចដោយបាញ់ទឹកសន្សើមដើម្បីរក្សាសំណើមដល់រងជីររណារ គួបផ្សំនឹងបាញ់ថ្នាំការពារសត្វល្អិតស៊ីគ្រាប់; គ្រាន់តែពី ១០ ទៅ ១៥ ថ្ងៃ គ្រាប់ជីររណារនឹងដុះពន្លក ហើយក្រោយពី ៣ ខែអាចនឹងប្រមូលផលបាន”។ល។។

បងស្រី ឡឹមធីហ្វិញ (ខាងឆ្វេង) នៅមណ្ឌល ១២ សង្កាត់សុកត្រាំង កំពុងថែទាំជីររណារ។

អ្នកស្រី ក្វាច់ថាញធ្វី លេខាសាខាបក្សមណ្ឌល ១២ សង្កាត់សុកត្រាំង ឱ្យដឹង៖ “បច្ចុប្បន្ន ក្រុមសហការទម្រង់ដាំជីររណារមានសមាជិកចំនួន ៨ នាក់ ជាមួយផ្ទៃដី ២,២ ហិកតា។ ចាប់ពីថ្ងៃដែលមានក្រុមសហការ ពេលនេះ ភាពងាយស្រួលគឺបានសមាគមកសិករ និងការិយាល័យសេដ្ឋកិច្ចសង្កាត់ គាំទ្រលើផ្នែកបច្ចេកទេស ធ្វើយ៉ាងណាដើម្បីរបៀបថែទាំនាំមកប្រសិទ្ធភាព ប្រមូលបរិមាណផលបានខ្ពស់ អំពីតម្លៃទីផ្សារ ជាសារវន្តគឺលំនឹងសមគួរ ជួយមាមីងមានប្រាក់ចំណូល ដោះស្រាយបញ្ហាការងារធ្វើ លើកស្ទួយជីវភាពរបស់មាមីងក្នុងមណ្ឌលឱ្យកាន់តែប្រសើរឡើងបន្តិចម្តងៗ”។

ជាមួយនឹងការហ៊ានផ្លាស់ប្ដូរ ចងសម្ព័ន្ធផលិត គ្រួសារដែលដាំជីររណារនៅមណ្ឌល ១២ សង្កាត់សុកត្រាំង កំពុងជាជំហានបង្កទិសដៅសមស្របជាមួយលក្ខណៈជាក់ស្តែងនៅភូមិភាគ។ ទម្រង់មិនត្រឹមតែនាំមកប្រភពចំណូលលំនឹងដល់ប្រជាជនប៉ុណ្ណោះទេ ថែមទាំងបើកទូលាយមុខរបរចិញ្ចឹមជីវិតដោយចីរភាព និងលើកស្ទួយជីវភាពទៀតផង៕

ដាលីន - លីសៀ

ចែករំលែកអត្ថបទ

ពាក្យគន្លឹះ