គោលនយោបាយ -ការរស់នៅ គោលនយោបាយ

21/09/2026 - 17:56

ក្តីរីករាយក្នុងផ្ទះថ្មី

ផ្តើមពីគោលនយោបាយឧបត្ថម្ភសង់ផ្ទះ ផ្សារភ្ជាប់នឹងបង្កការរកស៊ីចិញ្ចឹមជីវិត គ្រួសារខ្មែរដែលមានស្ថានភាពលំបាកនៅភូមិអូរក្តារ ឃុំហឺងមី ខេត្តវិញឡុង មានលក្ខណៈធ្វើការរកស៊ីកសាងជីវភាព។ ផ្ទះថ្មីទាំងនោះមិនត្រឹមតែជួយមាមីងនៅទីនេះមានកន្លែងស្នាក់នៅលំនឹងប៉ុណ្ណោះទេ ថែមទាំងមានកម្លាំងជំរុញបន្ថែមដើម្បីអភិវឌ្ឍសេដ្ឋកិច្ច ឈានឡើងក្នុងជីវភាពជាបណ្តើរៗទៀតផង។

លោកថាច់ចាំ (ទីពីរពីខាងស្តាំ) រួមជាមួយកម្មាភិបាលភូមិភាគ។

អូរក្ដារ ជាភូមិមាន ប្រជាជនរស់នៅសុទ្ធតែជាគ្រួសារខ្មែរ និងកាន់ព្រះពុទ្ធសាសនា រួមមាន ២១១ គ្រួសារ ដោយមាន ៨៩២ នាក់។ ជីវភាពប្រជាជនបង្អែកលើការផលិតកសិកម្មជាចម្បង និងធ្វើការឈ្នួល ហេតុនោះគ្រួសារមួយចំនួននៅមានការលំបាក បំផុតគឺអំពីផ្ទះសម្បែង និងការរកស៊ីចិញ្ចឹមជីវិត។ រយៈពេលកន្លង ភូមិភាគបានយកចិត្តទុកដាក់ពិនិត្យគ្រួសារក្រីក្រ ក្បែរក្រ និងគ្រួសារមានស្ថានភាពលំបាក ដើម្បីស្នើឧបត្ថម្ភសមស្រប។ ក្នុងនោះ គោលនយោបាយឧបត្ថម្ភសង់ផ្ទះបានជួយឱ្យគ្រួសារទាំងនោះមានលក្ខណៈសង់ផ្ទះរឹងមាំជាងមុន បន្ថយការលំបាកក្នុងជីវភាព។ រួមជាមួយការឧបត្ថម្ភអំពីផ្ទះសម្បែង គ្រួសារមួយចំនួននៅទាំងបានមធ្យោបាយរកស៊ីចិញ្ចឹមជីវិត ដូចជាឧបត្ថម្ភគោបន្តពូជ បង្កលក្ខណៈដើម្បីប្រជាជនមានប្រភពចំណូលបន្ថែម ឈានឡើងលំនឹងជីវភាពជាបណ្តើរៗ។

ផ្ទះរបស់លោកថាច់ចាំ បានរដ្ឋឧបត្ថម្ភសង់។

នៅក្នុងផ្ទះថ្មី លោកថាច់ចាំ (កើតឆ្នាំ ១៩៥៨) នៅភូមិអូរក្ដារ បានរៀបរាប់ដោយក្តីរំភើបអំពីដំណើរការឧបត្ថម្ភសង់ផ្ទះ។ គាត់បានឱ្យដឹង បច្ចុប្បន្នគាត់កំពុងរស់នៅជាមួយចៅ គ្រួសារមានស្ថានភាពលំបាក ពីមុនគ្មានលទ្ធភាពសង់ផ្ទះរឹងមាំដោយខ្លួនឯងនឹងគេ។ ផ្តើមពីប្រភពទុនឧបត្ថម្ភរបស់រដ្ឋ រួមជាមួយទឹកប្រាក់របស់គ្រួសារ ផ្ទះថ្មីបានសង់ស្អាតបាតនិងសមរម្យ ជួយឱ្យគ្រួសារមានកន្លែងស្នាក់នៅលំនឹង។ “ពីមុនគ្រួសារលំបាក គ្មានលទ្ធភាពសង់ផ្ទះ។ ឥឡូវបានរដ្ឋយកចិត្តទុកដាក់ឧបត្ថម្ភ គ្រួសារមានលក្ខណៈសង់ផ្ទះថ្មី។ មានកន្លែងបាំងភ្លៀងបាំងក្តៅ ខ្ញុំត្រេកអរណាស់ ពេលខ្លះត្រេកអរដល់ហូរទឹកភ្នែក” លោកថាច់ចាំ ឱ្យដឹងដូច្នេះ។ ក្តីត្រេកអរកាន់តែកើនឡើងពេលគ្រួសារបានឧបត្ថម្ភគោបន្តពូជមួយក្បាលបន្ថែមទៀត ដើម្បីមានលក្ខណៈអភិវឌ្ឍសេដ្ឋកិច្ច។ តាមប្រសាសន៍លោកចាំ នេះគឺជាប្រភពកម្លាំងជាក់ស្តែង ជួយឱ្យគ្រួសារមានលក្ខណៈរកស៊ីចិញ្ចឹមជិវិត បង្កប្រាក់ចំណូល និងលំនឹងជីវភាពជាបណ្តើរៗ។ “ខ្ញុំសូមថ្លែងអំណរគុណបក្ស រដ្ឋដែលបានយកចិត្តទុកដាក់ដល់គ្រួសារខ្ញុំ ជួយឱ្យយើងខ្ញុំមានលក្ខណៈឈានឡើង” លោកថាច់ចាំ បានឱ្យដឹងដូច្នេះ។

លោកថាច់ជោត ប្រធានភូមិអូរក្ដារ ឱ្យដឹង៖ គ្រួសារលោកថាច់ចាំ ជាគ្រួសារក្បែរក្រ បច្ចុប្បន្នរស់នៅជាមួយចៅ ហើយជាគ្រួសារខ្មែរមួយក្នុងចំណោមគ្រួសារនៅជួបលំបាកជាច្រើននៅលើភូមិឋាន។ បានឧបត្ថម្ភសង់ផ្ទះ ជួយឱ្យគ្រួសារមានកន្លែងស្នាក់នៅលំនឹង បន្ថយបន្ទុកមួយផ្នែកក្នុងជីវភាព។ តាមប្រសាសន៍លោកជោត រយៈពេលកន្លង ភូមិភាគតែងពិនិត្យស្ថានភាពគ្រួសារនីមួយៗ ដើម្បីស្នើឧបត្ថម្ភចំមុខសញ្ញា បំផុតគឺគ្រួសារក្រីក្រ ក្បែរក្រ និងគ្រួសារលំបាកអំពីផ្ទះសម្បែង។

មកដល់ពេលនេះ ភូមិអូរក្តារឧបត្ថម្ភសង់ផ្ទះបាន ៤ ខ្នង ជូនគ្រួសារខ្មែរដែលមានស្ថានភាពលំបាក ក្នុងនោះមានគ្រួសារក្រីក្រ ក្បែរក្រ និងគ្រួសារលំបាកអំពីផ្ទះសម្បែង។ គោលនយោបាយឧបត្ថម្ភផ្ទះផ្សារភ្ជាប់នឹងការរកស៊ីចិញ្ចឹមជីវិត បានរួមចំណែកជួយឱ្យប្រជាជនមានកន្លែងស្នាក់នៅលំនឹង ស្ងប់អារម្មណ៍ពលកម្មផលិត។ ផ្តើមពីភាពកក់ក្តៅនៃផ្ទះថ្មីនេះ មាមីងកាន់តែជឿជាក់ និងមានកម្លាំងចលកឈានឡើង សន្សឹមៗកែលម្អប្រាក់ចំណូល លំនឹងជីវភាព និងបន្ថយភាពក្រីក្រដោយចីរភាព៕

ទីទុយ - វិមាន

ចែករំលែកអត្ថបទ

ពាក្យគន្លឹះ