គោលនយោបាយ -ការរស់នៅ ការរស់នៅ

14/08/2026 - 06:07

ភូមិរបរផ្កាលម្អបង្កើតមុខរបរចិញ្ចឹមជីវិតជូនប្រជាជនភូមិភាគ

រយៈពេលជាង ១០០ ឆ្នាំការកកើតឡើងនិងអភិវឌ្ឍ ភូមិរបរផ្កាលម្អឡុងប៊ិញ សង្កាត់ឡុងឌឹក ខេត្តវិញឡុង បានក្លាយជាកន្លែងផលិត ផ្គត់ផ្គង់ផ្កាលម្អច្រើនប្រភេទសម្រាប់ទីផ្សារ។ របរប្រពៃណីនេះ មិនត្រឹមតែនាំមកប្រសិទ្ធភាពសេដ្ឋកិច្ចប៉ុណ្ណោះទេ ថែមទាំងបង្កការងារធ្វើ បង្កើនប្រាក់ចំណូលជូនប្រជាជន ក្នុងនោះមានគ្រួសារខ្មែរជាច្រើនផងដែរ។

លោកត្រឹងវ៉ាំងប៊ិញ(ខាងឆ្វេង) ដោះដូរជាមួយកម្មាភិបាលសង្កាត់អំពីចំនួនផ្កាក្រដាសដែលត្រៀមប្រគល់ជូនអតិថិជន តម្លៃប្រហែល៣០០លានដុង។

មកដល់អនុសង្កាត់ឡុងប៊ិញ សង្កាត់ឡុងឌឹក មានច្រើននាក់បានស្គាល់ពីភូមិរបរផ្កាលម្អ ដែលបានកកើតឡើងរយៈពេលជាង ១០០ ឆ្នាំ ហើយបានអភិរក្សពីជំនាន់មួយទៅជំនាន់មួយ។ លោកត្រឹង វ៉ាំងប៊ិញ កើតឆ្នាំ ១៩៦៦ នៅអនុសង្កាត់ឡុងប៊ិញ ប្រធានក្រុមសាខាសមាគមកសិករមុខរបរផ្កាលម្អ ឱ្យដឹង៖ របរនេះមានតាំងពីសម័យដូនតាមកម្ល៉េះ។ កាលពីមុន ប្រជាជនភាគច្រើនដាំ និងជួញដូរផ្កាលម្អជាលក្ខណៈរាយរងក្នុងវិសាលភាពនៃគ្រួសារប៉ុណ្ណោះ។ តាមការរៀបរាប់ពីចាស់ៗជំនាន់មុន ផ្កាលម្អក្រោយពីដាំបាន ត្រូវដឹកជញ្ជូនតាមទូក ទៅកាន់បណ្តាខេត្តជិតខាងដើម្បីលក់។ រយៈពេលកន្លងផុតទៅ របរនេះកាន់តែរីកចម្រើនឡើង ផ្តើមចាប់ពីគ្រួសារដាំដោយឡែកពីគ្នា សន្សឹមៗកកើតជាការចងសម្ព័ន្ធរវាងគ្រួសារប្រជាជន រហូតបង្កើតបានជាភូមិរបរដូចសព្វថ្ងៃនេះ។

លោកត្រឹងវ៉ាំងប៊ិញ (ខាងស្តាំ) ប្រធានក្រុមសាខាសមាគមកសិករមុខរបរផ្កាលម្អ ឧទ្ទេសនាមផ្កាក្រដាសបំបៅពណ៌ចម្រុះដល់កម្មាភិបាលសង្កាត់ឡុងឌឹក។

បច្ចុប្បន្ន សាខាសមាគមកសិករមុខរបរផ្កាលម្អ មានសមាជិកចូលរួមចំនួន៤០ នាក់ ក្នុងនោះមានសមាជិកជាច្រើនជាជនជាតិខ្មែរ។ សមាជិកម្នាក់ៗរួមគ្នាចែករំលែកពីប្រភពផ្កាលម្អ ជួយឧបត្ថម្ភគ្នាទៅវិញទៅមកនៅពេលអតិថិជនមានតម្រូវការ តាមនោះផ្តល់ជាការចងសម្ព័ន្ធក្នុងការផលិត និងអាជីវកម្ម។ ផលិតផលរបស់ភូមិរបរមានច្រើនសម្បូរបែបដូច៖ ផ្កាស្បៃរឿង ផ្កាដាយស៊ី និងផ្កាលម្អជាច្រើនប្រភេទទៀត; ពិសេសគឺផ្កាក្រដាសបានអតិថិជននិយមចូលចិត្ត។ ភូមិរបរអាចផ្គត់ផ្គង់ចាប់ពីលិខិតបញ្ជាទិញតិច រហូតដល់លិខិតបញ្ជាទិញចំនួនច្រើនសម្រាប់ក្រុមហ៊ុន និងអាជីវកម្មនានា។ តម្លៃលិខិតបញ្ជាទិញចាប់ពី ពីរបីលានដុង រហូតដល់រាប់រយលានដុង។ បច្ចុប្បន្ន ភូមិរបរកំពុងត្រៀមលិខិតបញ្ជាទិញផ្កាក្រដាសតម្លៃប្រមាណ ៣០០ លានដុង ដើម្បីប្រគល់ជូនអតិថិជន។ បើតាមលោកប៊ិញ ការចងសម្ព័ន្ធផលិតជួយសមាជិកម្នាក់ៗអាចនឹងគាំទ្រគ្នាអំពីប្រភពផ្កា ឆ្លើយតបបានល្អនូវលិខិតបញ្ជាទិញចំនួនច្រើន និងផ្តល់ប្រាក់ចំណូលបន្ថែមសម្រាប់គ្រួសារ។

លោកហ្វិញវ៉ាំងហ្វាង អនុប្រធានសមាគមកសិករសង្កាត់ឡុងឌឹក ឱ្យដឹង៖ លើភូមិឋានសង្កាត់បច្ចុប្បន្នមានភូមិរបរចំនួន ២ ជំនាញផលិត និងផ្គត់ផ្គង់ផ្កាលម្អគ្រប់ប្រភេទដូចជា ផ្កាស្បៃរឿង ផ្កាដាយស៊ី ពិសេសគឺផ្កាក្រដាស។ ផលិតផលបានផ្គត់ផ្គង់ចាប់ពីចំនួនតិច រហូតដល់លិខិតបញ្ជាទិញច្រើន នាំមកប្រសិទ្ធភាពសេដ្ឋកិច្ចខ្ពស់។ ភូមិរបរនីមួយៗមិនត្រឹមតែបង្កការងារធ្វើសម្រាប់សមាជិកប្រមាណ ៤០ នាក់ប៉ុណ្ណោះទេ ថែមទាំងរួមចំណែកជួយមាមីងខ្មែរលើភូមិឋានមានការងារធ្វើបន្ថែម រកបានប្រាក់ចំណូលលំនឹងទៀតផង។ តាមប្រសាសន៍លោកហ្វាង ការរក្សានិងអភិវឌ្ឍភូមិរបរគឺសមស្របនឹងលក្ខណៈផលិតរបស់ភូមិភាគ ព្រមទាំងរួមចំណែកពង្រីកស្មារតីសាមគ្គី ជួយគ្នាទៅវិញទៅមកដើម្បីអភិវឌ្ឍសេដ្ឋកិច្ចក្នុងសហគមន៍។

មិនត្រឹមតែនាំមកប្រសិទ្ធភាពសេដ្ឋកិច្ចប៉ុណ្ណោះទេ ភូមិរបរផ្កាលម្អឡុងប៊ិញ នៅទាំងរួមចំណែកអភិរក្សរបរប្រពៃណីដែលបានកកើតឡើងពីជំនាន់មួយទៅជំនាន់មួយទៀតផង។ សាខាសមាគមកសិករមុខរបរផ្កាលម្អភូមិឡុងប៊ិញ (សព្វថ្ងៃជាអនុសង្កាត់ឡុងប៊ិញ) ធ្លាប់បានប្រធានគណៈកម្មាធិការប្រជាជនខេត្តត្រាវិញ (ចាស់) ជូនប័ណ្ណសរសើរ ពីព្រោះមានស្នាដៃឆ្នើមក្នុងការអនុវត្តចលនាប្រឡងប្រណាំងស្នេហាជាតិ ដំណាក់កាល ២០២០-២០២៥។ នេះជាការកត់ស្គាល់ចំពោះការប្រឹងប្រែងរបស់សមាជិកម្នាក់ៗក្នុងការថែរក្សា និងអភិវឌ្ឍរបរ។ ជាមួយនឹងបទពិសោធន៍ដែលបានសន្សំរយៈពេលច្រើនឆ្នាំមកហើយ រួមជាមួយការចងសម្ព័ន្ធក្នុងផលិត ភូមិរបរកំពុងបោះជំហានសមប្រកបនឹងតម្រូវការទីផ្សារ។ ការលើកកម្ពស់គុណភាពផលិតផល បើកទូលាយទីផ្សារប្រើប្រាស់ ពិសេសគឺពង្រីកភាពខ្លាំងនៃផ្កាក្រដាស អាចនឹងរួមចំណែកជួយភូមិរបរអភិវឌ្ឍប្រកបដោយស្ថិរភាព បង្កើតមុខរបរចិញ្ចឹមជីវិតបន្ថែម និងបង្កើនប្រាក់ចំណូលជូនប្រជាជនភូមិភាគ៕

ទីទុយ - លីសៀ

ចែករំលែកអត្ថបទ

ពាក្យគន្លឹះ