សុខភាព - អប់រំ សុខភាព

05/08/2026 - 22:47

លើកកម្ពស់ការយល់ដឹងអំពីថែទាំសុខភាពបន្តពូជចំពោះនារីនៅឃុំធ្វឹងហ្វា

រយៈពេលកន្លង សមាគមសហព័ន្ធនារីឃុំធ្វឹងហ្វា (ទីក្រុងកឹងធើ) បានអនុវត្តសកម្មភាពផ្សព្វផ្សាយដោយផ្ទាល់យ៉ាងខ្លាំងក្លា អំពីបន្តពូជដោយសុវត្ថិភាព និងថែទាំសុខភាពកុមារចំពោះនារីជនជាតិភាគតិចនៅលើភូមិឋាន។ សកម្មភាពមិនត្រឹមតែដោះស្រាយឧបសគ្គផ្នែកព័ត៌មានដល់បងប្អូនសមាជិកាប៉ុណ្ណោះទេ ថែមទាំងរួមចំណែកយ៉ាងសំខាន់ក្នុងការលើកកម្ពស់គុណភាពចំនួនប្រជាជន ឆ្ពោះដល់ទិសដៅសមភាពភេទដោយចីរភាពទៀតផង។

ឃុំធ្វឹងហ្វា គឺជាភូមិឋានមួយពិសេដោយឡែករបស់ទីក្រុងកឹងធើ ដោយមានជនរួមជាតិខ្មែររស់នៅជិត ៨០%។ ទោះបីជាជីវភាពសេដ្ឋកិច្ច - សង្គមរបស់មាមីងមានការវិវឌ្ឍន៍ច្រើនក្នុងអំឡុងច្រើនឆ្នាំកន្លងក៏ដោយ ប៉ុន្តែការទទួលបានព័ត៌មានផ្នែកសុខាភិបាល វិទ្យាសាស្ត្រអំពីសុខភាពបន្តពូជ សមភាពភេទ និងថែទាំកុមារនៅតែមានកង្វះខាតជាប្រាកដ អាស្រ័យមានទម្លាប់រស់នៅបែបប្រពៃណី លក្ខណៈភូមិសាស្ត្រ និងឧបសគ្គវប្បធម៌។

ពេលឃោសនាផ្សព្វផ្សាយប្រធានបទអំពីការបន្តពូជដោយសុវត្ថិភាព និងការថែទាំសុខភាពកុមារចំពោះនារីជនជាតិភាគតិច នៅអគារវប្បធម៌ភូមិភឿកផុង។

ដើម្បីដោះស្រាយបញ្ហានេះ រយៈពេលកន្លង សមាគមសហព័ន្ធនារីឃុំធ្វឹងហ្វា បានច្បាមនូវកិច្ចចង្អុលការ ដើម្បីចាត់តាំងខ្សែសង្វាក់សកម្មភាពផ្សព្វផ្សាយប្រធានបទអំពីបន្តពូជសុវត្ថិភាព និងថែទាំកុមារចំពោះនារីជនជាតិភាគតិច។ សកម្មភាពនេះគឺជាផ្នែកជាក់ស្តែងមួយស្ថិតក្នុងក្របខណ្ឌគម្រោង ៨ អំពី "អនុវត្តសមភាពភេទ និងដោះស្រាយបញ្ហាចាំបាច់ចំពោះនារីនិងកុមារ"។ ជាក់ស្តែង កម្មវិធីបានអនុវត្តតាមផែនការលេខ ២៤/KH-BTV អាស្រ័យគណៈអចិន្ត្រៃយ៍នៃសមាគមសហព័ន្ធនារីទីក្រុងកឹងធើ បានដាក់ឱ្យប្រើ ដោយរំពឹងថានឹងបង្កបានភាពផ្លាស់ថ្មីគ្រប់ជ្រុងជ្រោយតាំងពីការយល់ដឹងរហូតដល់សកម្មភាពនៅក្នុងសហគមន៍។

ដោយការខិតខំប្រឹងប្រែងច្បាមមូលដ្ឋាន សមាគមសហព័ន្ធនារីឃុំ បានម្ចាស់ការចាត់តាំងឃោសនាផ្សព្វផ្សាយដោយផ្ទាល់នៅតាមភូមិនានាទូទាំងឃុំបាន៨ លើក។ ទិសដៅធំបំផុតនៃខ្សែសង្វាក់សកម្មភាពនេះ គឺដើម្បីដោះស្រាយបញ្ហារបាំងរារាំងព័ត៌មាន ផ្តើមពីនោះ បំពាក់ជូនបងប្អូននារីនូវចំណេះដឹងចាំបាច់បំផុតអំពីផ្នែកសុខភាពបន្តពូជ វិធីសាស្រ្តផែនការគ្រួសារមានប្រសិទ្ធភាព ក៏ដូចជាបំណិនថែទាំកុមារ។ មិនបញ្ឈប់ត្រឹមតែផ្តល់ចំណេះដឹងអំពីការថែទាំសុខភាពនោះទេ ពេលឃោសនាផ្សព្វផ្សាយថែមទាំងស៊ីជម្រៅក្នុងការដោះស្រាយបញ្ហាសង្គមចាំបាច់ បញ្ហាស្មុគស្មាញចំពោះនារីជនជាតិភាគតិចដែលកំពុងប្រឈមមុខទៀតផង។ ចែករំលែកអំពីទិសដៅនៃកម្មវិធីនេះ លោកស្រី វុាំងធីធ្វីយឿង – អនុប្រធានសមាគមសហព័ន្ធនារីឃុំធ្វឹងហ្វា ទីក្រុងកឹងធើ ឱ្យដឹង៖ “ទិសដៅនៃសកម្មភាពការឃោសនាគឺលើកកម្ពស់ចំណេះដឹងដល់បងប្អូននារីអំពីសមភាពភេទ ការរៀបការមិនគ្រប់អាយុ និងរៀបអាពាហ៍ពិពាហ៍ជាប់សាច់សាលោហិត ក៏ដូចជាចំណេះដឹងអំពីការថែទាំសុខភាពរបស់នារីនិងគ្រួសារ”។

តាមរយៈកម្មវិធីឃោសនាផ្សព្វផ្សាយជាក់ស្តែងនេះ នារីជនជាតិភាគតិចបានឧបត្ថម្ភជាក់ស្តែងក្នុងការលើកកម្ពស់បំណិនសុខាភិបាលមូលដ្ឋាន ចេះរបៀបការពារសុខភាពទាំងម្តាយ និងកូន។ នេះបានចាត់ទុកជាមូលដ្ឋានគ្រឹះដ៏សំខាន់ ដើម្បីកែលម្អគុណភាពចំនួនប្រជាជនរបស់ភូមិភាគ ទន្ទឹមនឹងនោះធ្វើឱ្យទៅជាភាពជាក់ស្តែងនូវទិសដៅសមភាពភេទប្រកបដោយប្រសិទ្ធភាព។ ភាពវិវឌ្ឍន៍ប្រចក្សបំផុតបន្ទាប់ពីការឃោសនាផ្សព្វផ្សាយនោះគឺផ្លាស់ប្តូរផ្នត់គំនិតថែទាំកូនចៅរបស់អ្នកម្តាយមានកូនតូច។

នៅពេលដែលកម្មាភិបាលសមាគមចុះទៅដល់ផ្ទះសួរសុខទុក្ខ និងឃោសនាផ្សព្វផ្សាយ បង្កបានឥទ្ធិពលជាវិជ្ជមាន។ បងស្រី ថាច់ធីម៉ាយធូ នៅភូមិភឿកផុង ឃុំធ្វឹងហ្វា ឱ្យដឹង៖ មកចូលរួមក្នុងពេលផ្សព្វផ្សាយនេះ ខ្ញុំបានគេបង្ហាញពីរបៀបចិញ្ចឹមកូន ឱ្យកូនហូបបែបនេះ បែបនោះជាដើម ខ្ញុំអរគុណក្រៃលែង"។ ចាប់ពីកើតរហូតដល់អាយុគ្រប់ ៦ ខែ ឱ្យកូនហូបបបរ សាច់ ត្រី បន្លែ ។ល។ ដើម្បីជួយឱ្យទារកអភិវឌ្ឍកាន់តែប្រសើរ។ ដោយបាននារីនៅទីនេះសប្បាយចិត្តពីព្រោះនៅទីនេះភាគច្រើនជានារីជនជាតិខ្មែរ មិនសូវយល់ដឹងច្រើនពីរបៀបចិញ្ចឹមកូនតាមរបៀបប្រពៃណី នៅពេលបានស្តាប់ការផ្សព្វផ្សាយនេះបានជួយឱ្យបងប្អូននារីចេះថែទាំកូនបានប្រសើរជាង"។

អាចឱ្យឃើញថា ការបានខិតជិតនិងបំពាក់បំប៉ននូវចំណេះដឹងសុខាភិបាលចាំបាច់សម្រាប់ថែទាំសុខភាពមាតានិងទារកបានជួយឱ្យនារីនៅឃុំធ្វឹងហ្វា កាន់តែមានទំនុកចិត្តលើខ្លួនឯង។ ពួកគាត់កំពុងបោះបង់ចោលនូវទម្លាប់ចាស់ៗហួសសម័យ ដើម្បីម្ចាស់ការក្នុងការការពារសុខភាពសមាជិកគ្រប់រូបក្នុងគ្រួសារឱ្យបានល្អ។ លទ្ធផលដំបូងពេញដោយការលើកទឹកចិត្តទាំងនេះ គឺជាមូលដ្ឋានគ្រឹះយ៉ាងរឹងមាំដើម្បីឱ្យសមាគមនារីឃុំធ្វឹងហ្វា អនុវត្តគម្រោងទី ៨ ឱ្យទទួលបានជោគជ័យនិងក្នុងដំណាក់កាលបន្តបន្ទាប់ រួមចំណែកក្នុងការកសាងសហគមន៍មួយអភិវឌ្ឍសមភាពនិងចីរភាព៕

ថាញហុង - វិមាន

ចែករំលែកអត្ថបទ

ពាក្យគន្លឹះ