សុខភាព - អប់រំ អប់រំ

09/07/2026 - 06:35

សេចក្តីណែនាំជ្រើសសិស្សចូលរៀនអនុមហាវិទ្យាល័យនិងមហាវិទ្យាល័យ ឆ្នាំ២០២៦

សារលិខិតលេខ ២៣០៤/BGDĐT-GDĐH ចុះថ្ងៃទី០៤ ខែឧសភា ឆ្នាំ២០២៦ របស់ក្រសួងអប់រំនិងបណ្តុះបណ្តាល ស្ដីពីការណែនាំជ្រើសសិស្សចូលរៀនអនុមហាវិទ្យាល័យនិងមហាវិទ្យាល័យ ឆ្នាំ២០២៦។

បេក្ខសិស្សទាំងអស់ដាច់ខាតត្រូវតែចុះឈ្មោះពិនិត្យជម្រើសតាមប្រព័ន្ធអនឡាញនៅលើប្រព័ន្ធជំនួយការជ្រើសសិស្សរួមរបស់ក្រសួងអប់រំនិងបណ្តុះបណ្តាល ឬនៅលើច្រកទ្វារសេវារដ្ឋថ្នាក់ជាតិ។

ការចុះឈ្មោះនៅលើប្រព័ន្ធ - ជាបែបបទរួមសម្រាប់បេក្ខសិស្សទាំងអស់

តាមសេចក្តីណែនាំ បេក្ខសិស្សទាំងអស់ រួមទាំងបេក្ខសិស្សដែលជ្រើសតាំងផ្ទាល់ គឺដាច់ខាតត្រូវតែចុះឈ្មោះពិនិត្យជម្រើសផ្ទាល់តាមប្រព័ន្ធអនឡាញ នៅលើប្រព័ន្ធជំនួយការជ្រើសរើសរួមរបស់ក្រសួងអប់រំនិងបណ្តុះបណ្តាល ឬនៅលើច្រកសេវារដ្ឋថ្នាក់ជាតិ (គិតរហូតមកដល់ពេលនេះ)។ រាល់គោលបំណងពិនិត្យជម្រើសទាំងអស់របស់បេក្ខសិស្ស ត្រូវតែចុះឈ្មោះនៅលើប្រព័ន្ធដើម្បីដោះស្រាយ។

សេចក្ដីកំណត់នេះ ត្រូវបានអនុវត្តឯកភាព រួមទាំងករណីបេក្ខសិស្សបានចូលរួមពិនិត្យជម្រើសតាមវិធីសាស្ត្រដោយឡែករបស់គ្រឹះស្ថានបណ្តុះបណ្តាល (ប្រសិនបើមាន) ក៏ដោយ។ ការពិនិត្យជម្រើសគោលបំណងបែបប្រមូលផ្ដុំនេះ គឺដើម្បីធានានូវលក្ខខ័ណ្ឌ បេក្ខសិស្សម្នាក់ៗ អាចជាប់ជម្រើសនូវគោលបំណងមួយដែលខ្ពស់បំផុត រួមចំណែកលើកកម្ពស់ភាពត្រឹមត្រូវ និងតម្លាភាពក្នុងការជ្រើសសិស្ស។

បេក្ខសិស្សអាចចុះឈ្មោះជ្រើសរើសគោលបំណងយ៉ាងច្រើនបំផុតចំនួន ១៥ ហើយរៀបតាមលំដាប់អាទិភាពពីខ្ពស់ទៅទាប។ ចំពោះបេក្ខសិស្សដែលចុះឈ្មោះពិនិត្យជម្រើសចូលរៀនក្នុងវិស័យបណ្តុះបណ្តាលជាគ្រូបង្រៀន គឺគ្រឹះស្ថានបណ្តុះបណ្តាលទាំងឡាយ ពិនិត្យជម្រើសគោលបំណងចាប់ពី ០១ ដល់ ០៥ ប៉ុណ្ណោះ។ លំដាប់ថ្នាក់នៃគោលបំណង គឺមានអត្ថន័យសម្រេចទៅលើលទ្ធផលជាប់ជម្រើស។

កាលបរិច្ឆេទ “គន្លឹះ” បេក្ខសិស្សមិនត្រូវរំលងឡើយ

បេក្ខសិស្សត្រូវអនុវត្តការចុះឈ្មោះ កែសម្រួលនិងបំពេញបន្ថែមគោលបំណង ចាប់ពីថ្ងៃទី០២ ខែកក្កដា រហូតដល់ម៉ោង ១៧ៈ០០ នាទី ថ្ងៃទី១៤ ខែកក្កដា ឆ្នាំ២០២៦។ ក្នុងអំឡុងពេលនេះ បេក្ខសិស្សត្រូវបានអនុញ្ញាតិឱ្យផ្លាស់ប្តូរបានច្រើនដង ប៉ុន្តែត្រូវតែបង្ហើយឱ្យរួចរាល់មុនកាលកំណត់ដែលបានកំណត់ទុក។

លំដាប់ពីនោះ ចាប់ពីថ្ងៃទី១៥ ខែកក្កដា រហូតដល់ ម៉ោង ១៧ៈ០០ នាទី ថ្ងៃទី២១ ខែកក្កដា ឆ្នាំ២០២៦ បេក្ខសិស្សត្រូវបង់កម្រៃសេវាពិនិត្យជម្រើសតាមប្រព័ន្ធអនឡាញ ស្របទៅតាមចំនួនគោលបំណងដែលបានចុះឈ្មោះ។

ក្រោយពេលមានលទ្ធផលជាប់ជម្រើស បេក្ខសិស្សទាំងអស់ រួមទាំងបេក្ខសិស្សដែលជាប់ជម្រើសផ្ទាល់ ត្រូវតែបញ្ជាក់ការចូលរៀនតាមប្រព័ន្ធអនឡាញ មុនម៉ោង ១៧ៈ០០ នាទី ថ្ងៃទី២១ ខែសីហា ឆ្នាំ២០២៦ ប្រសិនបើមានបំណងចង់ចូលរៀន។ នេះជាជំហានដាច់ខាត ត្រូវធ្វើដើម្បីបង្ហើយកិច្ចដំណើរការជាប់ជម្រើស។

ម្ចាស់ការ ត្រឹមត្រូវ - តម្រូវការជាប់ជានិច្ចចំពោះបេក្ខសិស្សម្នាក់ៗ

ក្រសួងអប់រំនិងបណ្តុះបណ្តាល បានសំណូមពរឱ្យបេក្ខសិស្សត្រូវប្រកាសដោយស្មោះត្រង់ ត្រឹមត្រូវ និងទទួលខុសត្រូវលើរាល់ព័ត៌មានដែលបានផ្តល់នៅលើប្រព័ន្ធ។ រាល់ព័ត៌មានពាក់ព័ន្ធនឹងតំបន់អាទិភាព មុខសញ្ញាអាទិភាព វិញ្ញាបនបត្រ... ចាំបាច់ត្រូវតែពិនិត្យមើលឡើងវិញឱ្យបានហ្មត់ចត់ និងមានភស្តុតាង បញ្ជាក់ឱ្យបានគ្រប់គ្រាន់។

បេក្ខសិស្សចាំបាច់ត្រូវប្រើប្រាស់គណនីដែលបានផ្តល់ ដើម្បីពិនិត្យមើលព័ត៌មានលទ្ធផលសិក្សា (សៀវភៅ សិក្ខាគារិក) នៅលើប្រព័ន្ធ ហើយត្រូវស្នើសុំកែសម្រួលឱ្យបានទាន់ពេលវេលា ប្រសិនបើឃើញថាមានការខុសឆ្គង មុនកាលកំណត់ដែលបានកំណត់ទុក។

ចំពោះបេក្ខសិស្សស្វ័យរិន ដែលមិនទាន់មានគណនី ការចុះឈ្មោះព័ត៌មានផ្ទាល់ខ្លួនដើម្បីទទួលបានការផ្តល់គណនី ត្រូវតែបង្ហើយក្នុងអំឡុងពេលចាប់ពីថ្ងៃទី ០១ ខែឧសភា ដល់ថ្ងៃទី២០ ខែឧសភា ឆ្នាំ២០២៦ ដែលបានកំណត់រួចមកហើយ។

បង្កើនការជំនួយ បន្ថយនីតិវិធី - ធានាការបង្កលក្ខណៈងាយស្រួលបំផុតសម្រាប់បេក្ខសិស្ស

ដើម្បីជំនួយដល់បេក្ខសិស្ស ក្រសួងអប់រំនិងបណ្តុះបណ្តាល បានសំណូមពរមន្ទីរអប់រំនិងបណ្តុះបណ្តាលទាំងអស់ ត្រូវណែនាំដល់បណ្តាសាលាវិទ្យាល័យ រៀបចំបន្ទប់ម៉ាស៊ីនកុំព្យូទ័រដែលមានតភ្ជាប់បណ្តាញអ៊ិនធឺណិត ព្រមទាំងចាត់កម្មាភិបាលប្រចាំការដើម្បីណែនាំក្នុងដំណើរការជ្រើសសិស្ស។

ប្រការគួរយកចិត្តទុកដាក់នោះគឺ ការបញ្ជាក់ព័ត៌មានអាទិភាពរបស់បេក្ខសិស្ស ត្រូវបានអនុវត្តនៅលើមូលដ្ឋាននៃការតភ្ជាប់ជាមួយនឹងមូលដ្ឋានទិន្នន័យជាតិ ស្តីពីចំនួនប្រជាជន ដែលជួយសម្រាលតម្រូវការក្នុងការដាក់លិខិតស្នាមផ្សេងៗ និងបន្ថយការខ្វះចន្លោះក្នុងការបញ្ជាក់ព័ត៌មាន៕

ប្រភពៈ Chinhphu.vn - ថាច់ធី

ចែករំលែកអត្ថបទ

ពាក្យគន្លឹះ