សុខភាព - អប់រំ អប់រំ

12/05/2026 - 19:54

ទីក្រុងកឹងធើនិងសាកលវិទ្យាល័យជាតិទីក្រុងហូជីមិញ ចុះហត្ថលេខាលើកិច្ចសហប្រតិបត្តិការ

នៅសាលប្រជុំនៃគណៈកម្មាធិការប្រជាជនទីក្រុងកឹងធើ គណៈកម្មាធិការប្រជាជនទីក្រុងនិងសាកលវិទ្យាល័យជាតិទីក្រុងហូជីមិញ បានចុះហត្ថលេខាលើកិច្ចសហប្រតិបត្តិការ។ នេះត្រូវបានចាត់ទុកថាជាជំហានដ៏សំខាន់មួយ ដើម្បីធ្វើឱ្យជាក់ច្បាស់នូវទិសដៅកសាងទីក្រុងកឹងធើឱ្យក្លាយជាមជ្ឈមណ្ឌលអប់រំនិងបណ្តុះបណ្តាល វេជ្ជសាស្ត្រឯកទេស មានតួនាទីជាប៉ូលកំណើនជាតិនិងជាកម្លាំងជំរុញរីកសាយភាយនៃតំបន់វាលរាបទន្លេគឺវឡុងទាំងមូល។

កិច្ចប្រជុំនៃការចុះហត្ថលេខាលើកិច្ចសហប្រតិបត្តិការរវាងទីក្រុងកឹងធើនិងសាកលវិទ្យាល័យជាតិទីក្រុងហូជីមិញ។

លោកដុងវាំងថាញ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុងកឹងធើ លោកទ្រឿងកាញ់តៀង អនុលេខាគណៈកម្មាធិការបក្សទីក្រុង ប្រធានគណៈកម្មាធិការប្រជាជនទីក្រុងកឹងធើ លោកស្រីសាស្ត្រាចារ្យ បណ្ឌិត ង្វៀងធីថាញម៉ាយ សមាជិកគណៈប្រតិបត្តិការមជ្ឈិមបក្ស សាកលវិទ្យាធិការនៃសាកលវិទ្យាល័យជាតិទីក្រុងហូជីមិញ រួមនឹងថ្នាក់ដឹកនាំមន្ទីរ គណៈ ផ្នែករបស់ទីក្រុង សាកលវិទ្យាធិការសាកលវិទ្យាល័យជាសមាជិកនៃសាកលវិទ្យាល័យជាតិទីក្រុងហូជីមិញ អញ្ជើញចូលរួមក្នុងពិធីចុះហត្ថលេខា។

លោកទ្រឿងកាញ់តៀង ប្រធានគណៈកម្មាធិការប្រជាជនទីក្រុងកឹងធើ និងលោកស្រីសាស្ត្រាចារ្យ បណ្ឌិត ង្វៀងធីថាញម៉ាយ សាកលវិទ្យាធិការនៃសាកលវិទ្យាល័យជាតិទីក្រុងហូជីមិញ ចុះហត្ថលេខាលើអនុស្សរណៈនៃកិច្ចសហប្រតិបត្តិការយុទ្ធសាស្ត្រ។

តំណាងថ្នាក់ដឹកនាំទីក្រុងកឹងធើ លោកត្រឿងកាញ់តៀង និងតំណាងថ្នាក់ដឹកនាំសាកលវិទ្យាល័យជាតិទីក្រុងហូជីមិញ លោកស្រីសាស្ត្រាចារ្យ បណ្ឌិត ង្វៀងធីថាញម៉ាយ បានចុះហត្ថលេខាលើអនុស្សរណៈនៃកិច្ចសហប្រតិបត្តិការយុទ្ធសាស្ត្រ។

យោងតាមអនុស្សរណៈ គណៈកម្មាធិការប្រជាជនទីក្រុងកឹងធើនិងសាកលវិទ្យាល័យជាតិទីក្រុងហូជីមិញ នឹងផ្តោតលើកិច្ចសហប្រតិបត្តិការលើខ្លឹមសារសំខាន់ៗ ដូចជា៖ បណ្តុះបណ្តាលប្រភពធនធានមនុស្សប្រកបដោយគុណភាពខ្ពស់ក្នុងវិស័យបញ្ញាសិប្បនិម្មិត បន្ទះឈីបចម្លងឡូជីស្ទីក (logistics) ស្រាវជ្រាវវិទ្យាសាស្ត្របន្ស៊ាំនឹងការប្រែប្រួលអាកាសធាតុ អភិវឌ្ឍប្រព័ន្ធអេកូឡូស៊ីផ្លាស់ថ្មីច្នៃប្រតិដ្ឋនិងពិគ្រោះគោលនយោបាយអភិវឌ្ឍន៍ទីក្រុងឆ្លាតវៃ។

ថ្លែងការណ៍ក្នុងកិច្ចប្រជុំ លោកទ្រឿងកាញ់តៀង បញ្ជាក់៖ ការចុះហត្ថលេខាលើកិច្ចសហប្រតិបត្តិការរវាងទីក្រុងនិងសាកលវិទ្យាល័យជាតិទីក្រុងហូជីមិញ មានតួនាទីសំខាន់ ផ្តោតលើដំណោះស្រាយនៃតម្រូវការចាំបាច់របស់ទីក្រុង តាំងពីការបណ្តុះបណ្តាលធនធានមនុស្សបច្ចេកវិទ្យាឌីជីថល អភិវឌ្ឍប្រព័ន្ធអេកូឡូស៊ីផ្លាស់ថ្មីច្នៃប្រតិដ្ឋ រហូតដល់ទម្រង់កសិកម្មបន្ស៊ាំនឹងការប្រែប្រួលអាកាសធាតុនិងទីក្រុងឆ្លាតវៃ។

ដើម្បីកិច្ចសហប្រតិបត្តិការទទួលបានប្រសិទ្ធភាព ប្រធានគណៈកម្មាធិការប្រជាជនទីក្រុងកឹងធើ សំណូមពរគ្រប់មន្ទីរ គណៈ ផ្នែកដែលជាប់ពាក់ព័ន្ធ ប្រញាប់ផ្សព្វផ្សាយភារកិច្ចជាក់ស្តែង។ ក្នុងនោះ មន្ទីរវិទ្យាសាស្ត្រនិងបច្ចេកវិទ្យា ដឹកនាំសហការជាមួយសាកលវិទ្យាល័យជាតិទីក្រុងហូជីមិញ កសាងផែនការផ្សព្វផ្សាយជារៀងរាល់ឆ្នាំ តភ្ជាប់ជាមួយមជ្ឈមណ្ឌលផ្តើមអាជីពនិងផ្លាស់ថ្មីច្នៃប្រតិដ្ឋរបស់ទីក្រុង ជាមួយនឹងមណ្ឌលបច្ចេកវិទ្យាផ្នែកទន់ (ITP) នៃសាកលវិទ្យាល័យជាតិទីក្រុងហូជីមិញ ព្រមទាំងធ្វើសេនាធិការអំពីយន្តការសាកល្បងបច្ចេកវិទ្យានិងទម្រង់អាជីវកម្មឌីជីថលនៅភូមិភាគ។ មន្ទីរមហាផ្ទៃពិនិត្យឡើងវិញនូវតម្រូវការនិងស្នើកម្មវិធីបំប៉នផ្នែកខាងគ្រប់គ្រងឌីជីថលនិងការទាញយកទិន្នន័យសម្រាប់កងជួរកម្មាភិបាល បុគ្គលិក អ្នករដ្ឋការ បម្រើការងារផ្ទាល់នៃដំណើរការប្រតិបត្តិការរដ្ឋអំណាចអេឡិចត្រូនិកនិងទីក្រុងឆ្លាតវៃ។

ថ្នាក់ដឹកនាំគណៈកម្មាធិការប្រជាជនទីក្រុង ក៏បានសំណូមពរគ្រប់មន្ទីរ គណៈ ផ្នែកនិងភូមិភាគនានា ចាត់ទុកនេះជាភារកិច្ចចម្បង ម្ចាស់ការដោះស្រាយនីតិវិធីរដ្ឋបាល បង្កលក្ខណៈងាយស្រួល ដើម្បីក្រុមអ្នកជំនាញនៃសាកលវិទ្យាល័យជាតិទីក្រុងហូជីមិញចូលរួមពិគ្រោះគោលនយោបាយ លើកកម្ពស់សន្ទស្សន៍សមត្ថភាពប្រកួតប្រជែងថ្នាក់ខេត្ត (PCI) និងសន្ទស្សន៍ផ្លាស់ប្តូរឌីជីថល (DTI) របស់ទីក្រុង។

ចែករំលែកក្នុងកិច្ចប្រជុំ លោកស្រីសាស្ត្រាចារ្យ បណ្ឌិត ង្វៀងធីថាញម៉ាយ អះអាង៖ ជាមួយនឹងការប្តេជ្ញាចិត្តរបស់ភាគីទាំងពីរ និងការរួមដំណើររបស់ក្រុមអ្នកវិទ្យាសាស្ត្រ អ្នកជំនាញ អាជីវកម្ម ខ្លឹមសារនៃកិច្ចសហប្រតិបត្តិការត្រូវបានធ្វើឱ្យច្បាស់លាស់ដោយកម្មវិធីសកម្មភាពប្រកបដោយប្រសិទ្ធភាពក្នុងពេលឆាប់ៗនេះ រួមចំណែកជំរុញការអភិវឌ្ឍយ៉ាងឆាប់រហ័សនិងប្រកបដោយចីរភាពសម្រាប់ទីក្រុងកឹងធើនិងតំបន់វាលរាបទន្លេគឺវឡុង។ សាកលវិទ្យាល័យជាតិទីក្រុងហូជីមិញ សន្យានឹងពង្រីកអស់ពីសក្តានុពលនៃការបណ្តុះបណ្តាល ស្រាវជ្រាវ ផ្លាស់ថ្មីច្នៃប្រតិដ្ឋនិងកងជួរអ្នកជំនាញ ដើម្បីរួមដំណើរជាមួយទីក្រុងក្នុងការផ្លាស់ប្តូរឌីជីថល សេដ្ឋកិច្ចបៃតងនិងអភិវឌ្ឍប្រភពធនធានមនុស្សប្រកបដោយគុណភាពខ្ពស់៕