គោលនយោបាយ -ការរស់នៅ គោលនយោបាយ

28/04/2026 - 09:53

ប្រភពទុនគោលនយោបាយ ទីបង្អែកបន្ថយភាពក្រីក្រ

តាមរយៈប្រភពទុនបុលអនុគ្រោះពីធនាគារគោលនយោបាយសង្គម មានគ្រួសារជនរួមជាតិខ្មែរជាច្រើននៅលើភូមិឋានទីក្រុងកឹងធើ បានវិនិយោគលើការផលិតមានប្រសិទ្ធភាព ជាជំហានៗ បង្កើនបានប្រាក់ចំណូលនិងកែលម្អជីវភាព។

ទម្រង់ដាំស្វាយកែវរមៀត នាំមកប្រសិទ្ធភាពសេដ្ឋកិច្ចរបស់លោកឡេវុាំងបៃ នៅឃុំតឹងហ្វា។

ពេលរំលឹកដល់គ្រួសារដែលប្រើប្រាស់មានប្រសិទ្ធភាពប្រភពទុនគោលនយោបាយ គ្រួសារលោកឡេវុាំងបៃ នៅភូមិ ៥ ឃុំតឹងហ្វា គឺជាឧទាហរណ៍ជាក់ស្តែងនៃប្រសិទ្ធភាព បុលទុនពីធនាគារគោលនយោបាយសង្គម។ ពីមុន គ្រួសារលោកធ្វើស្រែ ដោយសារភូមិភាគនេះដីទំនាប ដូច្នេះការផលិតផ្ដល់ទិន្នផលទាប។ ចង់ប្តូរទម្រង់ដែលសមស្របនឹងស្ថានភាពសេដ្ឋកិច្ចនៅភូមិភាគ ប៉ុន្តែខ្វះដើមទុនវិនិយោគ។ នៅឆ្នាំ ២០០៦ គាត់បានបុល ៥០ លានដុងពីធនាគារគោលនយោបាយសង្គមតាមរយៈសមាគមកសិករឃុំ។ ផ្ដើមពីប្រភពទុននេះ លោកក៏មោះមុតក្នុងការបង្វែររចនាសម្ព័ន្ធដំណាំរៀនសូត្របច្ចេកទេស និងបង្កើនប្រសិទ្ធភាពការ ផលិតន្តិចម្តងៗ។ លោកបៃ ឱ្យដឹង៖ “អាស្រ័យប្រភពទុនពីគោលនយោបាយសង្គមអនុវត្តទម្រង់មានប្រសិទ្ធភាព ម៉្លោះហើយ សេដ្ឋកិច្ចគ្រួសារខ្ញុំបានប្រសើរឡើង កូនចៅបានរៀនសូត្រត្រឹមត្រូវ និងមានការងារធ្វើលំនឹង។ បច្ចុប្បន្ន គ្រួសារខ្ញុំមានចម្ការស្វាយកែវរមៀត ២ ហិកតា ជារៀងរាល់ឆ្នាំប្រមូលផលបានជាង ២០ តោន ជាមួយតម្លៃ ៧០.០០០ ដុងក្នុងមួយគីឡូក្រាម ក្រោយពីទូទាត់រួច ខ្ញុំរកបានប្រហែល ៧០០ លានដុងក្នុងមួយឆ្នាំ”។

មិនត្រឹមតែគ្រួសារលោកឡេវុាំងបៃប៉ុណ្ណោះទេ គ្រួសារជាច្រើននៅក្នុងឃុំតៃវ៉ាំង ក៏ឈានឡើងផ្ដើមពីប្រភពទុនបុលអនុគ្រោះផងដែរ។ ជាមួយនឹងប្រាក់កម្ចី ៥០ លានដុង លោកលីសេត បានវិនិយោគធ្វើទ្រើងបន្ថែមនិងទិញជីសម្រាប់ដាំដំណាំផ្សេងៗ ដូច៖ សណ្តែក ត្រសក់ ម្រះជាដើម។ សំណេះសំណាលជាមួយយើងខ្ញុំ លោកសេត រីករាយចែករំលែក៖ “ដោយសារសមាគមកសិករឃុំបង្កលក្ខណៈបុលទុនពីធនាគារគោលនយោបាយសង្គម គ្រួសារខ្ញុំទិញជីដាំដំណាំ ជាលទ្ធផលដំណាំក៏លូតលាស់ល្អនិងផ្តល់ទិន្នផលខ្ពស់។ ជាមួយនឹងផ្ទៃដីចម្ការ ១.០០០ ម៉ែត្រការ៉េ ខ្ញុំប្តូរវេនដាំដំណាំឡើងទ្រើង ៤ រដូវក្នុងមួយឆ្នាំ ក្រោយពីទូរទាត់រួច ចំណេញជាង ៧០ លានដុងក្នុងមួយឆ្នាំ”។

លោកដាំងតឹងយ៉ាង អនុប្រធានសមាគមកសិករទីក្រុងកឹងធើ សង្កត់ធ្ងន់៖ “ដើម្បីពង្រីកប្រសិទ្ធភាពទម្រង់នេះ រយៈពេលខាងមុខ សមាគមនឹងបន្តធ្វើសេនាធិការដល់ធនាគារគោលនយោបាយសង្គម ដើម្បីឱ្យប្រជាជនដែលមានជីវភាពលំបាក ខ្វះដើមទុន បានបុលសម្រាប់ពង្រីកការផលិត ពង្រីកទម្រង់សេដ្ឋកិច្ចមានប្រសិទ្ធភាពនិងបង្កើនប្រាក់ចំណូល។ ជាក់ស្តែង ប្រភពទុនបុលពីធនាគារគោលនយោបាយសង្គមគឺជាធនធានដ៏សំខាន់ រួមចំណែកបង្កើតមុខរបររកស៊ី បង្កើនប្រាក់ចំណូល និងបន្ថយភាពក្រីក្រដោយចីរភាព”៕

ថាញវ៉ាង - មេងលី

ចែករំលែកអត្ថបទ

ពាក្យគន្លឹះ