ផ្តើមពីផ្ទះបណ្ដោះអាសន្ន ផ្ទះទ្រុឌទ្រោម ឥឡូវមាមីងមានផ្ទះរឹងមាំ ស្ងប់អារម្មណ៍ពលកម្មផលិត និងទទួលអំណរបុណ្យចូលឆ្នាំថ្មីកាន់តែពេញលេញជាងទៀត។ នោះគឺជាលទ្ធផលនៃការព្រួតដៃទូទាំងប្រព័ន្ធនយោបាយទីក្រុងកឹងធើ ក្នុងការកៀរគរប្រភពកម្លាំងដើម្បីផ្សព្វផ្សាយអនុវត្តមានប្រសិទ្ធភាពនូវចលនាប្រឡងប្រណាំង “ព្រួតដៃបំបាត់ផ្ទះបណ្ដោះអាសន្ន ផ្ទះទ្រុឌទ្រោម” លើវិសាលភាពទូទាំងប្រទេស អាស្រ័យនាយករដ្ឋមន្ត្រីនៃរដ្ឋាភិបាល បំផុសចលនា មានអត្ថន័យដ៏សំខាន់និងប្រកបដោយមនុស្សធម៌ដ៏ជ្រាលជ្រៅ ដោយមិនទុកចោលនរណាម្នាក់នៅខាងក្រោយ។
ឃុំញូយ៉ា ទីក្រុងកឹងធើ ប្រគល់ផ្ទះមហាសាមគ្គីដល់អ្នកក្រ។
តាមគណៈកម្មាធិការរណសិរ្សមាតុភូមិវៀតណាមទីក្រុងកឹងធើ ការគាំទ្រចលនាប្រឡងប្រណាំង “បំបាត់ផ្ទះបណ្ដោះអាសន្ន ផ្ទះទ្រុឌទ្រោមក្នុងវិសាលភាពទូទាំងប្រទេស ឆ្នាំ ២០២៥” រណសិរ្សគ្រប់ថ្នាក់ បានម្ចាស់ការសហការជាមួយនឹងអង្គការសមាជិក អង្គការនយោបាយ - សង្គម ផ្តុំកម្លាំងឃោសនាចលនា អង្គការអាជីវកម្ម និងបុគ្គលរួមវិភាគទានប្រាក់បានចំនួន ៦៥១,១៣៣ ពាន់លានដុង។ ឆ្លងតាមរយៈនោះ ទីក្រុងកឹងធើ បានសង់ថ្មីនិងជួសជុលផ្ទះបានចំនួន ១១.៤៦២ ខ្នង ជូនគ្រួសារគោលនយោបាយ គ្រួសារក្រីក្រ គ្រួសារក្បែក្រ និងគ្រួសារជនជាតិភាគតិច ជួយគ្រួសារទាំងនេះមានផ្ទះសម្បែងស្នាក់នៅលំនឹង ស្ងប់អារម្មណ៍ ពលកម្មផលិត ដើម្បីចាកផុតពីភាពក្រីក្រដោយចីរភាព។ ក្រៅពីនោះ គណៈកម្មាធិការរណសិរ្សមាតុភូមិវៀតណាមទីក្រុង និងអង្គការសមាជិកនានា បានចលនាពីប្រភព “មូលនិធិដើម្បីអ្នកក្រ” ដើម្បីជួសជុលសាងសង់ផ្ទះថ្មី និងប្រគល់ផ្ទះមហាសាមគ្គី ៨.៧៨៤ ខ្នងដល់គ្រួសារក្រីក្រ គ្រួសារក្បែរក្រ គិតជាទឹកប្រាក់សរុបជាង ៤៣៩ ពាន់លានដុង ព្រួតដៃរួមចំណែកលើកកម្ពស់គុណភាពការរស់នៅ និងកាត់បន្ថយភាពក្រីក្រដោយចីរភាព។
ភាពកក់ក្តៅក្នុងផ្ទះថ្មី
បច្ចុប្បន្ន ដងផ្លូវជនបទគ្រប់ច្រកល្ហកដែលមានជនរួមជាតិខ្មែររស់នៅកុះកររបស់ឃុំញូយ៉ា សុទ្ធតែបានក្រាលបេតុង តភ្ជាប់ពីភូមិមួយទៅភូមិមួយ ផ្ទះឥដ្ឋរឹងមាំ សមរម្យ បានសាងសង់ឡើងជាបន្តបន្ទាប់ អគ្គិសនី និងប្រព័ន្ធទឹកស្អាត បានអូសចូលដល់ផ្ទះ។ល។ គ្រួសារណាក៏រៀបចំផ្ទះស្អាតបាតដើម្បីទទួលឆ្នាំថ្មីដែរ។ ឆ្នាំ ២០២៥ បានរដ្ឋឧបត្ថម្ភប្រាក់ ៦០ លានដុង បូកផ្សំជាមួយនឹងប្រាក់សន្សំសំចៃរបស់គ្រួសារជាច្រើនឆ្នាំកន្លង គ្រួសារលោកតូហៀ នៅភូមិព្រែកឈ្វេង ឃុំញូយ៉ា សង់បានផ្ទះថ្មីមួយខ្នងយ៉ាងសមរម្យ។ លោកតូហៀ ឱ្យដឹងដោយក្តីរីករាយ៖ “គ្រួសារខ្ញុំក្រ ធ្វើការឈ្នួលនៅភូមិភាគបានត្រឹមផ្គត់ផ្គង់ជីវភាពប្រចាំថ្ងៃតែប៉ុណ្ណោះ មិនសេសសល់អាចសង់ផ្ទះរឹងមាំបាន ហេតុនោះបានត្រឹមតែរស់នៅក្នុងផ្ទះបណ្ដោះអាសន្ន ផ្ទះទ្រុឌទ្រោម។ ឆ្នាំនេះ បានរដ្ឋសង់ផ្ទះឥដ្ឋរឹងមាំជូន ខ្ញុំមានក្តីត្រេកអរក្រៃលែង។ ខ្ញុំមានអាយុជិត ៧០ ឆ្នាំហើយ មិនដែលនឹកស្រមៃមានផ្ទះឥដ្ឋស្អាតដូច្នេះស្នាក់នៅឡើយ ប៉ុន្តែឥឡូវនេះ ខ្ញុំមានផ្ទះថ្មីស្អាតទទួលបុណ្យចូលឆ្នាំថ្មីដោយក្តីសប្បាយរីករាយជាមួយកូនចៅហើយ”។
បងស្រី ថាច់ធីស្វឹង ក៏នៅភូមិព្រែកឈ្វេងដែរ គឺជាគ្រួសារក្រីក្រ គ្មានដីធ្លី ជីវភាពប្រចាំថ្ងៃ ពឹងផ្អែកទាំងស្រុងលើកម្លាំងធ្វើការឈ្នួលតាមរដូវកាលនៅភូមិភាគ។ ផ្ទះដែលមាន “គ្រឹះរឹង ជញ្ជាំងរឹង និងដំបូលរឹង” គឺជាអំណោយដ៏មានតម្លៃដែលបងស្រីបានទទួលពីការឧបត្ថម្ភរបស់រដ្ឋអំណាចភូមិភាគ។ បានទទួលបុណ្យចូលឆ្នាំថ្មីដំបូងបង្អស់ក្នុងផ្ទះឥដ្ឋថ្មីដ៏រឹងមាំ បងស្រីស្វឹង ឱ្យដឹងដោយក្តីរំភើប៖ “ពីមុន ផ្ទះដាច់ទ្រុឌទ្រោម ពេលភ្លៀងខ្យល់ម្តងៗ ភ័យបារម្ភដេកមិនលក់។ ឥឡូវ មានផ្ទះរឹងមាំហើយ ខ្ញុំស្ងប់អារម្មណ៍គិតគូរ ការងាររកស៊ី ដើម្បីជីវភាពកាន់តែល្អប្រសើរ”។
ចំណែកនៅសង្កាត់វីតឹង ទន្ទឹមនឹងការឧបត្ថម្ភសង់ផ្ទះតាមកម្មវិធី “បំបាត់ផ្ទះស្លឹក ផ្ទះទ្រុឌទ្រោម” រដ្ឋអំណាចនៅទាំងផ្គួបបញ្ចូលឧបត្ថម្ភបុលទុនអនុគ្រោះពីធនាគារគោលនយោបាយសង្គម និងហ្វឹកហ្វឺនបច្ចេកទេសដាំដុះ ចិញ្ចឹមសត្វ សមស្របនឹងលក្ខណៈសេដ្ឋកិច្ចគ្រួសារ។ ផ្តើមពីនោះ មានគ្រួសារខ្មែរជាច្រើនបានមោះមុតបង្វែរពូជដំណាំ សត្វចិញ្ចឹម។ល។ ហេតុនោះ ទើបជីវភាពបានលំនឹងបន្តិចម្តងៗ។ បង ហ្វិញវុាំងវ៉ូវ នៅមណ្ឌល ១៥ សង្កាត់វីតឹង ជាគ្រួសារក្រីក្រ ពេលបានរដ្ឋអំណាចឧបត្ថម្ភសង់ផ្ទះ និងឱ្យបុលទុន ៥០ លានដុងពីធនាគារគោលនយោបាយសង្គម គាត់បានវិនិយោគចិញ្ចឹមជ្រូក។ អាស្រ័យហេតុនោះ ជីវភាពគ្រួសារគាត់ បានធូរធារឡើងជាលំដាប់។ បងវ៉ូវ ឱ្យដឹង៖ “ពីមុន ប្តីប្រពន្ធខ្ញុំរស់នៅក្នុងផ្ទះទ្រុឌទ្រោម ធ្វើការឈ្នួលបានត្រឹមផ្គត់ផ្គង់ជីវភាពប្រចាំថ្ងៃតែប៉ុណ្ណោះ។ ពេលរដ្ឋឧបត្ថម្ភសង់ផ្ទះបានរឹងមាំដូច្នេះ ខ្ញុំត្រេកអរណាស់ បំផុតគឺពេលរដ្ឋអំណាចពិនិត្យឱ្យបុលទុន ៥០ លានដុង ឧបត្ថម្ភជ្រូក ១០ ក្បាល និងចូលរួមវគ្គហ្វឹកហ្វឺនអំពីការចិញ្ចឹមសត្វ ហេតុនោះ ខ្ញុំបានវិនិយោគចិញ្ចឹមជ្រូក។ ដោយសារចេះបច្ចេកទេសថែទាំជ្រូក ទើបហ្វូងជ្រូកឆាប់ធំធាត់ល្អ ជីវភាពគ្រួសារខ្ញុំបានធូរធារឡើង ”។
ទូទាំងប្រព័ន្ធនយោបាយចូលរួមធ្វើអន្តរាគមន៍
ដើម្បីសម្រេចបានលទ្ធផលខាងលើ ទីក្រុងកឹងធើ បានអនុវត្តចលនាប្រឡងប្រណាំងយ៉ាងម៉ឺងម៉ាត់ដោយប្តេជ្ញាចិត្តនយោបាយខ្ពស់។ ជាមួយនឹងស្មារតីគាំទ្រយ៉ាងមុតមាំចំពោះចលនាប្រឡងប្រណាំងទូទាំងប្រទេស “ព្រួតដៃលុបបំបាត់ផ្ទះបណ្ដោះអាសន្ន ផ្ទះទ្រុឌទ្រោម” គណៈកម្មាធិការបក្ស រដ្ឋអំណាចគ្រប់ថ្នាក់ និងទូទាំងប្រព័ន្ធនយោបាយរបស់ទីក្រុង បានធ្វើអន្តរាគមន៍យ៉ាងម៉ឺងម៉ាត់ និងរួមដំណើរព្រមៗគ្នា ខ្នះខ្នែងអស់ពីចិត្ត ហើយនេះជាកាតព្វកិច្ច។
មុននិងក្រោយរួមបញ្ចូលព្រំដែនរដ្ឋបាល គណៈ ផ្នែកសមត្ថកិច្ចរបស់ទីក្រុងកឹងធើគ្រប់ថ្នាក់ សុទ្ធតែយល់ជ្រាលជ្រៅអំពីការឧបត្ថម្ភសង់ផ្ទះជូនអ្នកមានសគុណ ជនជាតិភាគតិច គ្រួសារក្រីក្រ គ្រួសារក្បែរក្រ គឺជាភាកិច្ចនយោបាយផង និងមានអត្ថន័យមនុស្សធម៌ដ៏ជ្រាលជ្រៅផង។ បង្ហាញពីការទទួលខុសត្រូវនិងសីលធម៌ “តបស្នងសងគុណ” “ស្រឡាញ់អ្នកដទៃដូច ស្រឡាញ់ខ្លួនឯង” រួមចំណែកនាំមកទ្រនំសុខសាន្តជូនអ្នកមានសគុណ អ្នកក្រ និងអ្នកទន់ខ្សោយ តាមទិសស្លោក “មិនទុកចោលនរណាម្នាក់នៅខាងក្រោយ”។
ថ្នាក់ដឹកនាំទីក្រុងកឹងធើ បើកការដ្ឋានសាងសង់ផ្ទះ អនុវត្តចលនាប្រឡងប្រណាំង “ព្រួតដៃបំបាត់ផ្ទះបណ្ដោះអាសន្ន ផ្ទះទ្រុឌទ្រោម” នៅសង្កាត់ភឿកថើយ។
លោកស្រី ង្វៀងធីង៉ុកឌេប អនុប្រធានគណៈកម្មាធិការប្រជាជនទីក្រុងកឹងធើ ឱ្យដឹង៖ “រមិលមកដំណើរសម្រេចរួចរាល់នៃកម្មវិធីបំបាត់ផ្ទះបណ្ដោះអាសន្ន ផ្ទះទ្រុឌទ្រោម នៅលើភូមិឋាន ទីក្រុងកឹងធើ សមិទ្ធផលមិនត្រឹមតែជាតួលេខសាងសង់ថ្មី ឬជួសជុលផ្ទះប៉ុណ្ណោះទេ ថែមទាំងមានអត្ថន័យមនុស្សធម៌ដ៏ជ្រាលជ្រៅ និងជាកម្លាំងនៃសាមគ្គីភាពរីកសាយភាយទៀតផង។ ភាពជោគជ័យនៃចលនាប្រឡងប្រណាំងនេះ បានមកពីកិច្ចសហការស៊ីចង្វាក់គ្នារវាង គណៈ ផ្នែកនិងភូមិភាគគ្រប់ថ្នាក់ ពិសេសគឺស្មារតីសាមគ្គីភាព ស្រុះស្រួលគ្នា និងព្រួតដៃរួមកម្លាំងនៃទូទាំងប្រព័ន្ធនយោបាយ និងប្រជាជនទីក្រុង។ ទន្ទឹមនឹងនោះ គណៈចង្អុលការទីក្រុង ចូលរួមធ្វើអន្តរាគមន៍យ៉ាងម៉ឺងម៉ាត់ ចង្អុលការដោយផ្តុំកម្លាំងខ្ពស់បំផុត កៀរគរបានការចូលរួមពីសំណាក់សហគមន៍អាជីវកម្ម និងប្រជាជន។ ទីក្រុងស្ងើចសរសើរយ៉ាងខ្លាំងចំពោះការគាំទ្ររបស់សហគមន៍មិនត្រឹមតែផ្នែកខាងសម្ភារៈប៉ុណ្ណោះទេ ទាំងផ្នែកខាងស្មារតីទទួលខុសត្រូវ និងមនោសញ្ចេតនាទៀតផង… ប្រការនោះជាសក្ខីភាពដ៏រស់រវើកចំពោះប្រវេណី “ផឹកទឹកនឹកប្រភព” “ស្រឡាញ់រាប់អានគ្នាទៅវិញទៅមក” “ស្លឹកជាពាសស្លឹកដាច់” ដែលជាប្រវេណីដ៏ថ្លៃថ្នូរតាំងពីយូរមករបស់ជនជាតិវៀតណាម”។
កម្មវិធី “ព្រួតដៃបំបាត់ផ្ទះបណ្ដោះអាសន្នផ្ទះទ្រុឌទ្រោម” គឺជាការដឹងគុណចំពោះអ្នកមានសគុណជាអំណោយដ៏មានអត្ថន័យ មានតម្លៃមនុស្សធម៌យ៉ាងជ្រាលជ្រៅ ដោយស្មារតីតប ស្នងសងគុណ និងជាកម្លាំងជំរុញ “មានផ្ទះសម្បែងសមរម្យ ស្ងប់អារម្មណ៍ប្រកបការងាររកស៊ី” ដើម្បីគ្រួសារក្រីក្រ គ្រួសារក្បែរក្រ និងគ្រួសារជនជាតិភាគតិច លំនឹងជីវភាព ឈានឡើងចាកផុតពីភាពក្រីក្រដោយចីរភាព៕
វុាំងកុង-យ្វីអាញ-វិមាន
នាយក៖ ហ្វិញហ្វាងម៉េន
លិខិតអនុញាតលេខ ៧៨៩/GP- BTTTTអាស្រ័យក្រសួងព័ត៌មាននិងសារគមនាគមន៍ផ្តល់នូវថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ សង្កាត់និញកេវ ក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម: quangcao@baocantho.com.vn
សរសេរច្បាស់ប្រភព "សារព័ត៌មានអេឡិចត្រូនិកកឹងធើ" នៅពេលផ្សាយបន្តពី websiteនេះ។
អភិវឌ្ឍន៍ដោយ:
ពាក្យគន្លឹះ