គោលនយោបាយ -ការរស់នៅ ច្បាប់

03/02/2026 - 19:36

មិនទុកឱ្យប្រជាជនខ្វះទឹកស្អាត

ទីក្រុងកឹងធើ បាននិងកំពុងអនុវត្តព្រមៗគ្នានូវដំណោះស្រាយជាច្រើនសម្រាប់ដំណាក់កាលចំពោះមុខក្នុងរដូវប្រាំងឆ្នាំ២០២៦និងសម្រាប់ពេលយូរអង្វែង សំដៅធានាផ្គត់ផ្គង់ទឹកស្អាតបម្រើប្រជាជននៅបណ្តាតំបន់ប្របមាត់សមុទ្រ។

ប្រជាជនយកទឹកស្អាតនៅដំណាក់ផ្គត់ផ្គង់ទឹកឡាកហ្វា សង្កាត់វិញចូវ។

ក្តីរីករាយមានទឹកស្អាតប្រើប្រាស់

ប៉ុន្មានថ្ងៃចុងខែមករា មជ្ឈមណ្ឌលទឹកស្អាតនិងអនាម័យបរិស្ថានជនបទ ចំណុះមន្ទីកសិកម្មនិងបរិស្ថានទីក្រុងកឹងធើ (ហៅកាត់ថា មជ្ឈមណ្ឌលទឹក) មិនត្រឹមបើកឱ្យដំណើរការដំណាក់ផ្គត់ផ្គង់ទឹកស្អាតជាច្រើនប៉ុណ្ណោះ នៅទាំងបើកកន្លែងផ្គត់ផ្គង់ទឹកស្អាតជូនប្រជាជនមិនយកកម្រៃ ជួយផ្គត់ផ្គង់ទឹកស្អាតទាន់ពេលឱ្យប្រជាជននៅបណ្តាឃុំប្របសមុទ្រ តំបន់ឆ្ងាយ បណ្តាគ្រួសារប្រជាជននៅរាយប៉ាយដែលមិនទាន់មានទឹកស្អាតប្រើប្រាស់។

មីងត្រឹងធីឡែន នៅភូមិអូវ ថ B សង្កាត់វិញចូវ ឱ្យដឹង៖ ខ្ញុំនិងប្រជាជនជាច្រើនគ្រួសារនៅភូមិភាគសែនត្រេកអរ ព្រោះថ្មីៗនេះដំណាក់ផ្គត់ផ្គង់ទឹកស្អាតឡាយហ្វា បានវិនិយោគកសាងសម្រេចនិងបើកឱ្យដំណើរការនៅសង្កាត់វិញចូវ។ នៅដំណាក់ផ្គត់ផ្គង់ទឹកស្អាតនេះ ផ្នែកសមត្ថកិច្ចបានបែងកន្លែងផ្គត់ផ្គង់ទឹកស្អាតមិនយកកម្រៃជូនប្រជាជន។ ដូច្នេះគ្រួសារប្រជាជនជាច្រើន ទោះផ្ទះនៅឆ្ងាយពីដំណាក់ផ្គត់ផ្គង់ទឹកក៏មានទឹកស្អាតប្រើក្នុងរដូវប្រាំងឆ្នាំនេះ មិនបាច់ចាំដល់ពេលបំពង់ទឹកអូសដល់ផ្ទះ ទើបមានទឹកស្អាតប្រើនោះទេ។

មីងតាំងធីកុក នៅភូមិដៃតាប៉ាយ សង្កាត់វិញចូវ រីករាយឱ្យដឹង៖ ផ្ទះខ្ញុំនៅតំបន់ប្របមាត់សមុទ្រ ពីមុនមកខ្ញុំខួងអណ្តូងទឹកដើម្បីយកទឹកប្រើនៅរដូវប្រាំង។ ថ្វីដ្បិតដូច្នេះ ទឹកពីអណ្តូងស្នប់មិនធានាគុណភាព ហើយក៏ពិបាកយកទឹកនារដូវប្រាំង។ ខ្ញុំត្រូវប្រើម៉ូទ័រអគ្គិសនី២ដើម្បីបូមទឹក រាល់ខែកម្រៃអគ្គិសនីបង់ប្រហែល ៥០០- ៦០០ពាន់ដុង។ ដូច្នេះ ពេលមានដំណាក់ផ្គត់ផ្គង់ទឹកនិងមានទឹកស្អាតប្រើខ្ញុំអរណាស់។ បុណ្យចូលឆ្នាំវៀតណាមឆ្នាំនេះមិនបារម្មណ៍ខ្វះទឹកប្រើទៀត។

ដំណាក់ផ្គត់ផ្គង់ទឹកឡាកហ្វា នៅសង្កាត់វិញចូវ ជាសំណង់១ក្នុងចំណោម៤សំណង់ផ្គត់ផ្គង់ទឹកនៅតំបន់ជ្រាបប្រៃនិងប្របសមុទ្រលើភូមិឋានខេត្តសុកត្រាំង (ចាស់) ដោយក្រសួងកសិកម្មនិងបរិស្ថាន ឧបត្ថម្ភវិនិយោគជាមួយពលានុភាពដំណាក់នីមួយៗពី ៨០០-១.២០០ម៣/ថ្ងៃយប់។ បច្ចុប្បន្នសំណង់ទាំង៤កសាងបានសម្រេច។ តាមមជ្ឈមណ្ឌលទឹក ជាមួយការបើកឱ្យដំណើរការបណ្តាសំណង់ថ្មីនិងការជួសជុលសំណង់ផ្គត់ផ្គង់ទឹកស្អាតមានស្រាប់ជាច្រើន អង្គភាពសហការជាមួយ១១ឃុំ សង្កាត់ប្របឆ្នេរសមុទ្រដំឡើង ៣៧ កន្លែងផ្គត់ផ្គង់ទឹកស្អាតដល់ប្រជាជនមិនយកកម្រៃ។ តាមនោះ ជួយធានាប្រភពទឹកស្អាតឱ្យប្រជាជនប្រើប្រាស់ពេលថ្ងៃបុណ្យទាន និងក្នុងឱកាសថ្ងៃបុណ្យចូលឆ្នាំវៀតណាម នារដូវប្រាំងឆ្នាំ២០២៦ មិនទុកឱ្យប្រជាជនខ្វះទឹកមកពីរីងគោក ជ្រាបប្រៃ។

សាយភាយប្រភពទឹកស្អាតមនោសញ្ចេតនា។

ដល់ថ្ងៃ២៦ ខែមករា មជ្ឈមណ្ឌលទឹកបើកបាន ១៨/៣៧ កន្លែងផ្គត់ផ្គង់ទឹកស្អាតនៅឃុំ សង្កាត់ប្របឆ្នេរសមុទ្រតាមផែនការ។ ទន្ទឹមនោះ ប្រញឹកបើកបន្ថែមបណ្តាកន្លែងផ្គត់ផ្គង់ទឹកមិនយកកម្រៃដែលនៅសល់តាមផែនការ ដើម្បីកន្លែងផ្គត់ផ្គង់ទឹកទាំងអស់បានដំណើរការមុនបុណ្យចូលឆ្នាំវៀតណាម២០២៦។ សហការបណ្តាភូមិភាគពិនិត្យ ក្តាប់សំណូមពរដើម្បីបើកបន្ថែមកន្លែងផ្គត់ផ្គង់ទឹកប្រសិនមានសំណូមពរចាំបាច់។

មានកន្លែងផ្កត់ផ្គង់ទឹកស្អាតជាច្រើនបានដំណើរការនៅបណ្តាឃុំ សង្កាត់ ដូច៖ គូវឡាវយុង អាងថាញ់ ឡាយហ្វា ខាញ់ហ្វា វិញចូវ វិញភឿក។ល។ នៅរាល់កន្លែងផ្គត់ផ្គង់ទឹកស្អាតបានរៀបចំដាក់បាសាំងតម្កល់ទឹក ១០.០០០លីត្រនិងបានតភ្ជាប់ចល័តជាមួយប្រភពផ្គត់ផ្គង់ទឹកស្អាតរបស់ដំណាក់ផ្គត់ផ្គង់ទឹក ដើម្បីធានាមិនឱ្យខ្វះទឹកបម្រើប្រជាជន។ មជ្ឈមណ្ឌលទឹក មានសេចក្តីប្រកាសផ្ញើគណៈកម្មាធិការប្រជាជនបណ្តាឃុំ សង្កាត់ពីអាសយដ្ឋានកន្លែងផ្គត់ផ្គង់ទឹក សំដៅសហការជូនដំណឹងទូលំទូលាយដល់ប្រជាជន។

តាមលោកង្វៀងថេឡឹម នាយករងមជ្ឈមណ្ឌលទឹក ឱ្យដឹង៖ ប្រជាជនមកកន្លែងផ្គត់ផ្គង់ទឹកដើម្បីយកទឹកប្រើប្រាស់។ កន្លែងផ្គត់ផ្គង់ទឹកដំណើរការជាប្រចាំ មិនត្រឹមក្នុងរដូវប្រាំងឆ្នាំ២០២៦នេះទេ គឺនៅឆ្នាំបន្តបន្ទាប់ រហូតដល់ពេលទីក្រុងវិនិយោគរួចស្រេចបណ្តាសំណង់ផ្គត់ផ្គង់ទឹកប្រមូលផ្តុំ ដើម្បីប្រជាជនភ្ជាប់បានបំពង់ទុយយោអូសទឹកដល់ផ្ទះ។

តាមលោកង្វៀងថេឡាំ ដើម្បីមានប្រភពទឹកស្អាតបម្រើដល់តម្រូវការបណ្តាគ្រួសារប្រជាជន មជ្ឈមណ្ឌលទឹក សង្ឃឹមលើកិច្ចសហការ ឧបត្ថម្ភពីរដ្ឋអំណាចបណ្តាភូមិភាគ។ សំខាន់គឺគណៈកម្មាធិការបក្ស គណៈកម្មាធិការប្រជាជនបណ្តាឃុំ សង្កាត់ យកចិត្តទុកដាក់កៀរគរកងកម្លាំងសមាជិកសម្ព័ន្ធយុវជន សមាគមសហព័ន្ធនារីនិងបណ្តាអង្គភាពទាក់ទិន ដើម្បីដឹកជញ្ជូនទឹកដល់រាល់គ្រួសារប្រជាជនជួបលំបាកពីលក្ខណៈធ្វើដំណើរនិងមធ្យោបាយយកទឹក។

សព្វថ្ងៃមាន ៧៨/១១៩ ដំណាក់ផ្គត់ផ្គង់ទឹកស្អាតជនបទនៅបណ្តាឃុំ សង្កាត់ចំណុះខេត្តសុកត្រាំង(ចាស់) មានតែអណ្តូងយកទឹក១គត់ ដូច្នេះមិនអាចធានាប្រភពទឹក ហើយប្រសិនបើអណ្តូងជួបឧបទ្ទវហេតុ ដំណើរការផ្គត់ផ្គង់ទឹកត្រូវរអាក់រអួល។ ដើម្បីធានាផ្គត់ផ្គង់ទឹកស្អាតមិនដាច់រយៈជូនប្រជាជន មជ្ឈមណ្ឌលទឹក បានធ្វើសេនាធិការជូនមន្ទីរកសិកម្មនិងបរិស្ថាន សូមគោលការណ៍ពីគណៈកម្មាធិការប្រជាជនទីក្រុងកឹងធើ ខួងអណ្តូងបន្ថែមនៅបណ្តាដំណាក់ផ្គត់ផ្គង់ទឹកប្រមូលផ្តុំនៅ ដោយថវិកាស្វ័យភាពនៃមជ្ឈមណ្ឌលទឹក ដើម្បីធានាបម្រើសំណូមពរប្រជាជននៅបណ្តាតំបន់ជ្រាបប្រៃ។ ថ្វីដ្បិតដូច្នេះ ដោយខ្វះថវិកាវិនិយោគក្នុងរយៈពេលវែង ទើបសំណង់ផ្គត់ផ្គង់ទឹកនៅបណ្តាឃុំ សង្កាត់ប្របមាត់សមុទ្រជាច្រើន មានពលានុភាពតូច បច្ចេកវិទ្យាចាស់ ត្រូវការមានដំណោះស្រាយវិនិយោគយូរអង្វែង។

ចំពោះមុខភាពជាក់ស្តែងខាងលើ មន្ទីរកសិកម្មនិងបរិស្ថាន សំណើទីក្រុងពីមាតិកាវិនិយោគបណ្តាសំណង់ផ្គត់ផ្គង់ទឹកស្អាតជនបទលើភូមិឋានបណ្តាឃុំ សង្កាត់ប្របមាត់សមុទ្រ ដំណាក់កាល ២០២៦-២០៣០ សរុបថវិកាជាង១.០០០ ពាន់លានដុង ដើម្បីវិនិយោគ ២២ សំណង់ផ្គត់ផ្គង់ទឹកទ្រង់ទ្រាយធំ អន្តរឃុំ។ អាទិភាពទាញយកទឹកនៅបណ្តាតំបន់មានប្រភពទឹកស្រទាប់លើងាយស្រួល សំដៅកាត់បន្ថយការទាញយកទឹកក្រោមដី បង្ការបាក់ស្រុតនិងការពារធនធាន។ លើកកម្ពស់កែប្រែបើកទូលាយបណ្ដាញផ្គត់ផ្គង់ទឹក (សំខាន់លើភូមិឋានជនបទខេត្តក្រុងសុកត្រាំងចាស់) ដើម្បីដោះស្រាយតម្រូវការទឹកស្អាតដល់ប្រជាជន ក៏ដូចជាបង្កើនអត្រាគ្រួសារប្រជាជននៅជនបទមានទឹកស្អាតប្រើប្រាស់សម្រេចតាមបរិមាណភាគនៃសេចក្តីសម្រេចចិត្តរបស់ទីក្រុង៕

ខាញ់ទ្រុង-ចន្ថា

ចែករំលែកអត្ថបទ

ពាក្យគន្លឹះ