សេចក្តីសម្រេចចិត្តលេខ ៦៨-NQ/TW ចុះថ្ងៃទី៤ ខែឧសភា ឆ្នាំ២០២៥ ស្តីពីការអភិវឌ្ឍសេដ្ឋកិច្ចឯកជន (សេចក្តីសម្រេចចិត្តលេខ ៦៨) បានចាត់ទុកថា ជាជំហានវិវឌ្ឍន៍ដ៏ធំ ក្នុងទស្សនៈទ្រឹស្តីនិងកិច្ចចង្អុលការជាក់ស្ដែងរបស់បក្ស ដោយចាត់ទុក “សេដ្ឋកិច្ចឯកជន គឺជាកម្លាំងជំរុញដ៏សំខាន់បំផុតមួយនៃខឿនសេដ្ឋកិច្ចជាតិ”។ ការផ្សព្វផ្សាយអនុវត្តសេចក្តីសម្រេចចិត្តលេខ ៦៨ រួមជាមួយនឹងការរួមបញ្ចូលព្រំប្រទល់រដ្ឋបាល បានបើកឱកាសសម្រាប់ទីក្រុងកឹងធើថ្មី មានលំហសេដ្ឋកិច្ចទូលំទូលាយ ធនធានដ៏សម្បូរ និងមានឱកាសច្រើនដើម្បីឱ្យវិស័យសេដ្ឋកិច្ចឯកជនលោតផ្លោះ។
ការរួមចំណែកដ៏ធំ
នៅទីក្រុងកឹងធើ វិស័យសេដ្ឋកិច្ចឯកជន បានចូលរួមស្ទើរតែគ្រប់វិស័យនៃការផលិតនិងធ្វើអាជីវកម្ម ដូចជា៖ ឧស្សាហកម្ម ពាណិជ្ជកម្ម ទេសចរណ៍ សុខាភិបាល អប់រំ បរិស្ថាន វិទ្យាសាស្ត្រ និងបច្ចេកវិទ្យា។ល។ វិស័យនេះបានបង្កើតតម្លៃបន្ថែមយ៉ាងច្រើន រួមចំណែកប្រមាណ ៧៤% នៃផលិត ផលក្នុងស្រុកសរុប និងជាង ៨០% នៃចំណូលថវិការដ្ឋរបស់ទីក្រុង។
ថ្នាក់ដឹកនាំទីក្រុង ជូនប័ណ្ណសរសើរដល់អាជីវកម្មដែលសម្រេចបានលទ្ធផលលេចធ្លោក្នុងការផលិត ធ្វើអាជីវកម្ម និងរួមចំណែកដល់សកម្មភាពសុខុមាលភាពសង្គមរបស់ទីក្រុង។
បង្កើតឡើងតាំងពីឆ្នាំ១៩៧៨ ផលិតផលរបស់មូលដ្ឋានធ្វឹងហ្វា Food ដាក់លក់យ៉ាងទូលំទូលាយលើទីផ្សារ មានដូចជា៖ តែអង្ករសម្រូបសណ្តែកក្រហម តែសណ្តែក៥មុខ តែសណ្តែកខ្មៅបណ្ដូលខៀវ ម្សៅសណ្តែក៥មុខ ម្សៅសណ្តែកសៀង ម្សៅអង្ករសម្រូបល្ងខ្មៅ-សណ្តែកខ្មៅបណ្ដូលខៀវ…។
លោកលីតៀងង៉ៀ នាយកមូលដ្ឋានធ្វឹងហ្វា Food ចែករំលែក៖ “ដោយទិសស្លោក “អតិថិជនដូចជាសមាជិកគ្រួសារ” ធ្វឹងហ្វា Food បានបន្តកែលម្អឥតឈប់ឈរដំណើរការផលិត និងលើកកម្ពស់គុណភាពផលិតផល តាមរយៈការវិនិយោគលើការវេចខ្ចប់និងផ្លាកសញ្ញាយ៉ាងផ្ចិតផ្ចង់។ ក្នុងដំណើរនោះ ធ្វឹងហ្វា Food ទទួលបានការគាំទ្រយ៉ាងសកម្មពីមន្ទីរនិងផ្នែកពាក់ព័ន្ធ ដើម្បីទទួលបានវិញ្ញាបន បត្រ ដូចជា OCOP, HACCP និងភ្ជាប់កូដ QR សម្រាប់ស្វែងរកប្រភពផលិតផល ដើម្បីធានាភាពច្បាស់លាស់អំពីប្រភពផលិតផល។ យើងខ្ញុំក៏មានឱកាសបានចូលរួមក្នុងកម្មវិធីជំរុញការផ្គត់ផ្គង់តម្រូវការនៅភូមិភាគ ក៏ដូចជាការតភ្ជាប់ជាមួយខេត្តផ្សេងៗ ដោយនាំយករូបភាពផលិតផលធញ្ញ ជាតិ OCOP របស់ទីក្រុងកឹងធើ កាន់តែជិតនឹងភ្ញៀវទេសចរជាតិនិងអន្តរជាតិ នៅពេលមកទស្ស នានៅទីក្រុងកឹងធើ”។
លោកត្រឿងកាញ់តៀង ប្រធានគណៈកម្មាធិការប្រជាជនទីក្រុងកឹងធើ បានវាយតម្លៃ៖ សេដ្ឋកិច្ចឯកជន គឺជាវិស័យដ៏សំខាន់ក្នុងការជំរុញការផ្លាស់ថ្មីច្នៃប្រតិដ្ឋ លើកកម្ពស់ផលិតភាពការងារនិងបង្កើនសមត្ថភាពប្រកួតប្រជែងរបស់ជាតិ…។ មានអាជីវកម្មឯកជនជាច្រើនបានអភិវឌ្ឍយ៉ាងរឹងមាំ បង្ហាញច្បាស់ពាណិជ្ជសញ្ញានៅលើទីផ្សារក្នុងតំបន់និងអន្តរជាតិ។ មិនត្រឹមតែប៉ុណ្ណោះ ក្រុមអ្នកជំនួញនៃទីក្រុងកឹងធើ នៅទាំងបង្ហាញពីស្មារតីទួលខុសត្រូវខ្ពស់ក្នុងសង្គម ខ្នះខ្នែងចូលរួមក្នុងសកម្មភាពមនុស្សធម៌ ការតបស្នងគុណ ជួយឧបត្ថម្ភដល់អ្នកក្រីក្រ រួមចំណែកកសាងសហគមន៍មនុស្សធម៌ ផ្សារភ្ជាប់និងអភិវឌ្ឍន៍ប្រកបដោយចីរភាព។
លោកង្វៀងភឿងឡាម នាយកសហព័ន្ធពាណិជ្ជកម្មនិងឧស្សាហកម្មវៀតណាម សាខាតំបន់វាលរាបទន្លេគឺវឡុង បានចែករំលែក៖ ចំពោះមុខបញ្ហាលំបាកជាច្រើនដែលហ៊ុំព័ទ្ធ ប៉ុន្តែដោយគុណសម្បត្តិនៃការស៊ូទ្រាំ សុខចិត្តទទួលការលំបាក អាជីវកម្មនៅទីក្រុងកឹងធើនិងទូទាំងតំបន់វាលរាបទន្លេគឺវឡុង បន្តរក្សាខ្ជាប់និងមានភាពប្រាកដប្រជាក្នុងធ្វើអាជីវកម្ម ស្វែងរកទីផ្សារថ្មី ដៃគូថ្មី ព្រមទាំងជំរុញការផ្លាស់ថ្មីច្នៃប្រតិដ្ឋដើម្បីសម្របខ្លួនឱ្យស្របនឹងស្ថានភាពថ្មី។ ការនាំចេញប្រចាំឆ្នាំសម្រាប់វិ ស័យដែលមានសក្ដានុភាពប្រកួតប្រជែងមានកំណើនលំនឹង និងជាតំបន់ដែលរួមចំណែកខ្ពស់បំ ផុតប្រមាណ ៥៨% នៃអតិរេកពាណិជ្ជកម្ម នាំមករូបិយប័ណ្ណបរទេសជូនប្រទេស។
“ទីក្រុងសន្យានឹងបន្តរួមដំណើរ ទទួលស្តាប់និងដោះស្រាយបញ្ហាលំបាក និងភាពជំពាក់ជំពិនរបស់អាជីវកម្ម; ខិតខំធ្វើកំណែទម្រង់រដ្ឋបាល បង្កបរិយាកាសវិនិយោគនិងធ្វើអាជីវកម្មបើកចំហ តម្លាភាព ស្មើភាពនិងងាយស្រួលបំផុតសម្រាប់ការអភិវឌ្ឍរបស់អាជីវកម្ម។ ទីក្រុងក៏លើកទឹកចិត្ត និងមានបំណងឱ្យអាជីវកម្មមោះមុតក្នុងការអនុវត្តវិទ្យាសាស្ត្រ បច្ចេកវិទ្យា ផ្លាស់ថ្មីច្នៃប្រតិដ្ឋ និងផ្លាស់ប្តូរឌីជីថលដើម្បីលើកកម្ពស់ផលិតផល គុណភាព និងសមត្ថភាពប្រកួតប្រជែងនៃផលិតផល; សកម្ម ចូលរួមផ្តល់មតិយោបល់ ផ្តល់គំនិតល្អៗដល់រដ្ឋអំណាចគ្រប់លំដាប់ថ្នាក់ក្នុងដំណើរការដឹកនាំ គ្រប់គ្រង ដើម្បីរួមគ្នាកសាងទីក្រុងកឹងធើ សក្ដិសមនឹងតួនាទីជាទីក្រុងជំរុញ មជ្ឈមណ្ឌលរបស់តំបន់ និងជាប៉ូលកំណើនសេដ្ឋកិច្ចមួយនៃទូទាំងប្រទេស”។
លោកត្រឿងកាញ់តៀង ប្រធានគណៈកម្មាធិការប្រជាជនទីក្រុងកឹងធើ
ទទួលយកឱកាស និងវាសនាថ្មី
សេចក្តីសម្រេចចិត្តលេខ ៦៨ ជាមូលដ្ឋានដ៏សំខាន់ដើម្បីជំរុញកម្លាំងជំរុញសម្រាប់ការអភិវឌ្ឍនៃវិស័យសេដ្ឋកិច្ចឯកជន និងរួមចំណែកដល់កំណើនសេដ្ឋកិច្ចជាតិ។ ក៏ដូចជាភូមិភាគផ្សេងៗទៀតដែរ អាជីវកម្មឯកជននៅទីក្រុងកឹងធើ រំពឹងសេចក្តីសម្រេចចិត្តលេខ ៦៨ នឹងឆាប់បានអនុវត្តក្នុងជីវភាពជាក់ស្ដែង ដើម្បីដោះស្រាយបញ្ហារាំងស្ទះផ្នែកយន្តការ បង្កលក្ខណៈសម្រាប់វិស័យសេដ្ឋកិច្ចឯកជន លើកកម្ពស់សមត្ថភាពប្រកួតប្រជែង និងសមត្ថភាពសម្របខ្លួនក្នុងបរិការណ៍ពិភពលោកដែលពោរពេញដោយការប្រែប្រួល។
ដើម្បីឱ្យសេចក្តីសម្រេចចិត្តចូលទៅក្នុងជីវភាពប្រចាំថ្ងៃ លោកលីតៀងង៉ៀ លើកឡើង៖ “ត្រូវមានផែនការ ដំណើរការសមស្រប។ល។ សេចក្តីសម្រេចចិត្តលេខ ៦៨ បានដាក់ចេញទិសដៅលុបចោលរបបពន្ធសម្រាប់គ្រួសារធ្វើអាជីវកម្ម ហើយជំនួសវិញ គ្រួសារធ្វើអាជីវកម្មនឹងចាប់ផ្តើមអនុវត្តរបបពន្ធដោយការប្រកាសខ្លួនឯង ចាប់ពីថ្ងៃទី១ ខែមករា ឆ្នាំ២០២៦។ ទោះយ៉ាងណាក៏ដោយ មានគ្រួសារធ្វើអាជីវកម្មជាច្រើនកំពុងជួបការលំបាក ដោយសារសមត្ថភាពបច្ចេកវិទ្យាព័ត៌មាននៅមានកម្រិត តាមមិនទាន់គោលនយោបាយថ្មីៗ ជាពិសេសម្ចាស់អាជីវកម្មដែលមានអាយុច្រើន។ ហេតុនេះ ការផ្លាស់ប្តូរត្រូវមានដំណើរការសមស្រប គួបផ្សំនឹងការធ្វើឱ្យសាមញ្ញជាងទៀតកម្មវិធីប្រកាសពន្ធ ដើម្បីជួយឱ្យអាជីវកម្មខ្នាតតូច អាចដំណើរការនីតិវិធីប្រកាសពន្ធថ្មីបានងាយស្រួល។ មានតែដូច្នេះទេ ទើបសេចក្តីសម្រេចចិត្ត អាចនាំមកនូវប្រសិទ្ធភាពជាក់ស្តែងសម្រាប់អាជីវកម្មនិងគ្រួសារធ្វើអាជីវកម្មក្នុងបរិការណ៍នាបច្ចុប្បន្ន”។
ទីក្រុងកឹងធើថ្មី មានអាជីវកម្មកំពុងដំណើរការជាង២០.០០០ បន្តអះអាងតួនាទីជាកម្លាំងស្នូល ក្នុងការអភិវឌ្ឍសេដ្ឋកិច្ច-សង្គមរបស់ទីក្រុង ជាកម្លាំងឈានមុខក្នុងការផ្លាស់ថ្មីច្នៃប្រតិដ្ឋ ផ្លាស់ប្តូរឌីជីថល សមាហរណកម្មអន្តរជាតិ និងការអភិវឌ្ឍប្រកបដោយចីរភាព។ លោកង្វៀងវ៉ាំងហាវ ប្រធានសមាគមអាជីវកម្មទីក្រុងកឹងធើ លើកឡើង៖ “ដោយទិសស្លោកដំណើរការ “ភ្ជាប់ទំនាក់ទំនងដើម្បីចែករំលែក សហការដើម្បីជោគជ័យ” ព្រមទាំងបន្តបំពេញតួនាទីជាស្ពានតភ្ជាប់រវាងរដ្ឋអំណាចនិងអាជីវកម្ម សមាគមអាជីវកម្មទីក្រុងកឹងធើ នឹងបន្តគាំទ្រដល់អាជីវកម្នក្នុងការសម្របខ្លួនទៅនឹងគោលនយោបាយ រហូតការតភ្ជាប់សហប្រតិបត្តិការអន្តរតំបន់ កសាងខ្សែសង្វាក់ផ្គត់ផ្គង់ថ្មី និងជំរុញស្មារតីផ្តើមអាជីព ក៏ដូចជាការផ្លាស់ថ្មីច្នៃប្រតិដ្ឋក្នុងស្រទាប់អ្នកជំនួញ”។
លោកវឿងថាញ់ណាម អនុប្រធានមន្ទីរហិរញ្ញវត្ថុ បានចែករំលែក៖ អ្នកជំនួញគ្រប់រូបសុទ្ធតែមានការកង្វល់ផ្សេងៗគ្នាក្នុងដំណើរការធ្វើអាជីវកម្ម។ ដូច្នេះ ទីក្រុងបន្តផ្លាស់ប្តូរយ៉ាងខ្លាំងពីទស្សនៈ “គ្រប់គ្រងអាជីវកម្ម” ទៅជា “បម្រើអាជីវកម្ម”។ ដើម្បីបង្កើតបរិយាកាសវិនិយោគនិងធ្វើអាជីវកម្មងាយស្រួលបំផុត ទីក្រុងផ្តោតលើការអនុវត្តយ៉ាងមានប្រសិទ្ធភាពសេចក្តីសម្រេចចិត្តលេខ ៥៨ ក្នុងនោះផ្តោតសំខាន់លើការធ្វើឱ្យជាក់ស្ដែង និងអនុវត្តព្រមៗគ្នានូវដំណោះស្រាយទាក់ទងនឹងដីធ្លី ដើមទុន ធនធានមនុស្ស ការផ្លាស់ប្តូរឌីជីថល ការជំរុញវិទ្យាសាស្ត្រនិងបច្ចេកវិទ្យា ព្រមទាំងការផ្លាស់ថ្មីច្នៃប្រតិដ្ឋ។
តាមប្រសាសន៍លោក ង្វៀងភឿងឡាម ប្រទេសជាតិកំពុងឈានចូលដំណាក់កាលប្រវត្តិសាស្ត្រមួយ គឺដំណាក់កាលកែទម្រង់ដើម្បីឆ្ពោះទៅរកប្រព័ន្ធគ្រប់គ្រងដែលមានភាពសកម្ម កាត់បន្ថយជាន់ថ្នាក់ ធ្វើឱ្យសាមញ្ញនីតិវិធីនិងដំណើរការ ដើម្បីបម្រើប្រជាជននិងអាជីវកម្មឱ្យបានល្អប្រសើរជាង។ លោក ឡាម លើកឡើង៖ “ផ្ដល់ទំនុកចិត្តយ៉ាងធំធេងលើគោលការណ៍ គោលមាគ៌ារបស់បក្ស រដ្ឋាភិបាល សហគមន៍អាជីវកម្មនិងអ្នកជំនួញ មានទំនុកចិត្តក្នុងការឈានចូលដំណាក់កាលថ្មី ដំណាក់កាលនៃការកែទម្រង់ដើម្បីជំរុញការអភិវឌ្ឍប្រទេសជាតិ។ យើងរំពឹងថា នឹងមិនឮច្រើនអំពីការលំបាកខាងគោលនយោបាយ នីតិវិធីរដ្ឋបាល ឬបទប្បញ្ញត្តិមិនសមស្របទៀតឡើយ។ ជំនួសមកវិញ យើងចង់ឃើញសេដ្ឋកិច្ចទីក្រុងកឹងធើ និងតំបន់វាលរាបទន្លេគឺវឡុងអភិវឌ្ឍលឿនជាងមុន ហើយអាជីវកម្មរបស់យើងមានសមត្ថភាពគ្រប់គ្រាន់ ដើម្បីប្រកួតប្រជែងជាមួយអាជីវកម្មក្នុងតំបន់និងអន្តរជាតិ” - លោកង្វៀងភឿងឡាម បានចែករំលែកដូច្នេះ៕
ប្រភព ៖ baocantho.com.vn - ពេជ្រសឿន
អគ្គនិពន្ធនាយកស្តីទី: ហ្វិញហ្វាងម៉េន
លិខិតអនុញាតលេខ ៧៨៩/GP- BTTTTអាស្រ័យក្រសួងព័ត៌មាននិងសារគមនាគមន៍ផ្តល់នូវថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ សង្កាត់និញកេវ ក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម: quangcao@baocantho.com.vn
សរសេរច្បាស់ប្រភព "សារព័ត៌មានអេឡិចត្រូនិកកឹងធើ" នៅពេលផ្សាយបន្តពី websiteនេះ។
អភិវឌ្ឍន៍ដោយ:
ពាក្យគន្លឹះ